ألام المنان ...عاجل

**روح البدر** · 2009-08-24, 10:21

السلام عليكم ورحمه الله وبركاته ... ومبارك عليكم الشهر

بغيت استفسر عن آلام المنان شو هي بالضبط وكيف تبدا

البارحة يتني آلام اسفل بطني تروح وترد وتعور وما قدرت اشل عمري من الفراش ، حتى دوام ما داومت ..
انا حالياً بنهاية الثامن وبقالي هالاسبوع بس وبدخل التاسع ...

هل ابدأ اشرب شغلات معينة ولا لا ... وانا من بديت شهر رمضان صايمة ما فطرت لحد احين والحمدالله آكل وجبات من 3 إلى 4 وجبات

وامشي نص ساعة في اليوم لاني اتعب وايد من المشي

المزيد من آخر المواضيع من نفس القسم:

**MAMAT MAHR** · 2009-08-24, 10:26

انا بعد ابا اعرف لانه باقلي 5 ايام وادخل التاسع واحس بآلام فماعرف ابدا اشرب اشياء مسهله ولا بعدني؟؟؟

**cinderella_o** · 2009-08-24, 10:46

مرحبا ... مبروك عليكم الشهر... انا اللي اعرفه يعني حبيباتي اصبروا شوي لين على الاقل ماتدخلون التاسع ... وهاي الالام طبيعيه بتروح وبتيييي لين ما تكون متواصلة بتحسين بروحج خلاص بتربين... هاك الساعه اشربي ... ولا لا تشربن من الحين بعده النونو ... احسن يوم يكمل والله يسهل عليكم وعقبالنا والله يسهل علينا

**روح البدر** · 2009-08-24, 10:59

مشكورة اختي .. بس هل هي آلام المنان ؟

**::ملاك::** · 2009-08-24, 11:03

حبوبة أعتقد من المشي.. لأني أنا بعد في نهاية الثامن بديت أمشي. وكنت أتعب واااايد وكان ايين يألم فظيع في ظهري.. واليوم الثاني يخوز الألم ...
والالم عند المشي بيخف عليج إن شاءالله بعد ما جسمج شوي يتعود

**روح البدر** · 2009-08-24, 11:30

بالعكس ..لاني مامشيت قبل البارحة إلا من اربعة ايام

المهم دعواتكم لنا

بس محد جاوبني شو هي آلام المنان؟

**Donna** · 2009-08-24, 11:48

المنان ... يعني الآلام إللي تشبه آلام الولادة أو المخاض ... بس على أخف .. يعني أييج ويع في أسفل الظهر أو بطنج أو ريولج بس يروح .. وطبعاً هو يختلف من جسم للثاني .. يعني مب شرط كل حامل إييها منان .. بس بتييها آلام المخاض على طول .. وفي حريم إييهن من آخر الثامن وعلى طول التاسع ... شي يشبه ألم الدورة .. بس متقطع

أنتبهي إذا حسيتي الألام متواصلة أو صارت منظمة تراها علامة ولادة ...

والله يسهل عليه وعليكم الحمل والولادة يا رب .. . ويرزق كل حد إن شاء الله

**روح البدر** · 2009-08-24, 11:59

مشكورة وماقصرتي

**Fafi** · 2009-08-24, 12:11

حبيبتي الأفضل الوحده ما تشرب شيء لين ما اييها الويع لأنها تيب ويع المخاااض وو البيبي بعده ما نزل في الحوض .. طبعا مثل الزعتر و الخروع

عليج بالمشي اختي وو اشربي اشياء دافيـــه .. حليب ويا حلبه واايد يمدحونهاا ما شاء الله ..

و الله يعينج و يعينني يا رب

**غلا بن شامس** · 2009-08-24, 12:15

الاشيا المسهله مثل زيت الخروخ ما تنشرب الا بوقت الويع لتسهيل الولاده
وممكن اللي تشربها قبل تييب لها ويع بالرحم وما تصير ولاده يعني معاناه عالفاضي
اما الزعتر والحلبه هذي مب مشكله اشربيها بس بعد اول اسبوع من التااسع
وهذي عادي اللي اييج منان ويروح
الله يسهل علينا

**لوزة74** · 2009-08-25, 15:31

للرفع

**ماباكو** · 2009-08-25, 16:05

انا باقلي كمن يوم وبخلص التاسع ..

ولا حس بشي

**البنفسج((1))** · 2009-08-25, 16:08

الله يسهل عليج الغلا

***هابت ريح*** · 2009-08-25, 17:20

الله يسهل علينا يا رب وعلى كل حامل
أنا حسيت بالمنان أول ما دخلت التاسع
مرة وحده بس
هو أيي ويع في الظهر و البطن و الريول
وتقلصات في البطن تي و تروح

**عتووقه** · 2009-08-25, 19:07

الله يسهل عليج ياارب

الموضوع: ألام المنان ...عاجل

أدوات الموضوع

عرض

ألام المنان ...عاجل

المزيد من آخر المواضيع من نفس القسم:

المواضيع المتشابهه

خبر عاجل عاجل عاجل عاجل عاجل وخطير ضروووري الكل يمر عليه و يخبر الي يعرفه

المنان..

المنان

كيف اميز بين المنان والربى؟؟؟

في حد ياها المنان في الخامس وربت في السابع؟ بليز ردوا عليه