عطوني الحل؟

[الريم76]

عزيزاتي بنات المنتدى عندي مشكله وابالها حل , انا عندي مبلغ ورثته وابغي ابدأ مشروع بسيط يشغلني وايخلني اعتمد على نفسي ,بس مشكلتي ان زوجي مايسمحلي اطلع من البيت إلا لحاجات البيت والاولاد وطبعا اكون وياه وهو مستعجل ,المعنى مااقدر حتى اتاجر عبر النت,حاولت الإعتماد ,على بنات من الاهل ايساعدوني لكن يتحمسون وبعدين ايكسلون,وانا مب عارفه شو اسوي ابا احقق حلمي واعتمد على نفسي, والمبلغ اللي عندي سنه عن سنه ايقل ,وزوجي ما يعطيني فرصه اثبت نفسي ,عطوني الحل؟؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ذيداوية]

السلام عليكم

فيه كثيرات اللاتي سمعت انهن يتاجرن وهن في بيوتهن

اختاري لج مجال او مشروع وحطي له دراسة جدوى

واعتقد ان امارة الشارقة تسمح بالرخص التجارية المنزلية للنساء

الله يوفقك

[// نُـون..~]

حبيبتي إذآ بتمين تعتمدين على الغير فأقولج لآتحلمين تبتدين بشي.."

خلج وآثقة من نفسج ومن قدرآتج وبيني قوتج للغير وكيف إنج ترومين تتحملين أي شي.."

فيه المتآجرة عبر النت ومآ شآء الله تشوفين البنآت اللي عنآ ربية يفتح أبوآب الرزق ع الكل.."

وختيه لآتتحطمين وتمي مثآبرة..ولو حتى شفتي المشروع اللي بتبطلينه إنه في أول سنة مآمشى شي

تمي وإستمري عليه وصدقيني بيي اليوم اللي بتقولين الحمدلله عنديه خير من ورآ هالمشروع.."

ودعوآتية لج بأن ربية يفتج عليج كل بآب رزق فيه خير لج ولبيتج.."

وإدعيلنآ.."

[بدريه بدر]

فوووووووووووووووووووووووووووق

[تعب حال]

لازم تكونين قد الشي

وتعتمدين على عمرج

وتجارة النت يبالها شغل وتعرفين كيف تتعاملين مع الزبونات

وتقرين المشاكل اللي تنطرح عشان تفهمين كيف هالشغله

وغير سالفة المندوبين ,, وغير انج لازم تعرفين شو الشي المطلوب اللي بتاجريبه

والله يوفقج ان شالله

[عالية الغالية]

اشتري ذهب اةو حطي البيزات وديعة

[نور حياتي]

ليش ما تاجرين ع النت مثلا ف المنتدى تراج تتعاملين مع حريم ما فيها شي

او لو عندج مبالغ كبيرة انا اقول اشتري لج اسهم صكوك الوطنية و يسون سحب كل اسبوووع وان شاء الله تربحين و وحدة من رباعتي دوم تفوز معاهم ^..^


وهذ شي مضمون ما في مجال تخسرين و في ربح نهاية كل سنة

[هادية الطبع]

انا مستغربه من ريلج كيف ما يسمح لج تطلعين الا اذا بتقضين حاجيات العيال والبيت ؟ ترى يوم بتظهرين عسب المشروع هذا بعد يعتبر قضاء الحاجه كلميه وخليه يساعدج اذا ما تبين اتاجرين عن طريج المنتدى افتحيلج مشروع صغير تعتمدين عليه

[كلى دلال]

السلام عليكم ورحمة الله وبركاته

ليش ما تركبين نت في البيت وتسوين بحوث للى يبون او انج تروجين في العيله انج تسوين توزيعات للمناسبات وطبعا مع النت والاشياء الى فيه تقدرين تنزلين صور حلوه وعبارات ومراكز الهدايا او الدرهمين او دايسوا يسوى اى شياء حلوه من البوكسات وغيره واما لو مثلا حلويات او ورود اتفقى ويا اى محل ثقه من الحلويات او الورود وخليهم يوصلونه لج للبيت وعلى فكره الزباين يحبون انهم يشوفون عينات يعنى خذى قطع معينه وسوى لها شغل حلو ورويهم والى يبى خير ان شاء الله اما بالنسبه للمحلات قوليلهم انج تبين تتعاقدين وياههم بس بشرط وجود اشياء معينه وعلى فكره التعاقد ويا محاميه علشان تضمنين حقوقج منهم في حال صار شي ولو انتى قريبنا انا بعطيج رقم محاميه ثقة .
والله ييسر لج يارب العالمين .

[اخت شما]

1.طاعه الزوج..لو رفظ انج اتاجرين اطيعينه.
2.تجارة في شي ما تشلين منه اثم.
3.الرزق من الله..

[أم الشيخ سعيد]

حطي بيزاتج وديعه احسن شي