فحم الدخون

**tulip1** · 2009-08-21, 18:47

مرحبا بنات و رمضان كريم يا رب علينا و عليكم و على كل عباد الرحمن

خلينا نتشارك في اسرار الدخون الغاوي اللي منها نوع الفحم المستخدم.

عن نفسي ما استخدم فحم البيت العادي و اشتري النوع اللي تولعينه السريع الاشتعال و عادة استخدم المربعات اللي عليهم طبقة فضية

- Ahmed Hussain Ali trading و تحصلينه فالدكاكين في علبة سودة, زين و ريحة الدخون عليه زينة

-شريت قبل يومين نفسه مربعات من حامل المسك بس احس الريحة تطلع على حراق و ماظن بداوم عليه

-رفيجتي تستخدم الاقراص الدائرية و تقول اتتم الفحمة فترة اطول و ما طلع ريحة حراق بس بعدني ما جربت

الشي الثاني عندي هو انه الكيف المفتوح وقت اتدخنين احسن, و انه الفحمة اول خليها كلها تصير حمرا قبل لا تحطين الدخون

اتريا تجارب البنات و نفيد بعض

المزيد من آخر المواضيع من نفس القسم:

**Um_Raian** · 2009-08-21, 18:51

مشكوووووووووووووووره

**أم نصوووري** · 2009-08-21, 19:30

انا استخدم الفحم مال البيت او الفحم سريع الاشتعال الشعله اللى اييج كرتون اسود وعليه رسمه مثل المبخر واسمه الشعله وااااااايد اوكي
وهو على شكل اقراص مستطيله وعليها طبقه فضيه بس الماركه وايد زينه صح البوكس غالي بس اوكيك يعني اتوقع ان ما خاب ظني بالسعر
الكرتون الصغير حجمه نص راحه اليد تقريبا ب نهايه العشرين درهم او الثلاثين
والوسط على شي واربعين والكبير شي وستين او سبعين شي جذا

**bint_altamimi** · 2009-08-21, 21:30

وانا عن نفسي مااستخدم إلا

فحم زد جي ZG الممتاز

الفحم درجة اولى، لأنه خالي من المواد الكيمياويه،سريع الاشتعال يعني يشتعل بالولاعه او الغاز، ويشتعل بدون رائحة ولا دخان يعني نظيف ميه ميه، ويتم يشتعل لأكثر 45 دقيقة وهذي من تجربه شخصية.

الفحم عبارة عن مكعبات صغيره، ووزن العلبة المسكرة 1 كيلوجرام، ويجي معاه قفاز بلاستيك شفاف.

يعني وايد راح ينفعج إذا كانت عندج عزيمه او مناسبة حابه تدخنين فيه بيتج او عمرج او ريلج.

وهذا رابط الموضوع

http://forum.uaewomen.net/showthread.php?t=354176

**small** · 2009-08-21, 21:44

أستخدم الفحم السريع واسمه

ميتسو بوشي

وين فيه 96 قطعة اومايظهر موليه ريحة حراق

الفحم السريع ولعيه وتريي يلين ماتقطع الضوع راحتها عن فحم الحطب العادي اللي هو(الصخام)لنه ايظهر شرات ريحة الحراق

حتى ريحة العود ولا الدخون تظهر غاوية ..

**حبيبة بو غيث** · 2009-08-21, 23:24

احب الفحم السريع احسه حلو وسريع اهم شي خخخخخخخخخخخخخخخخ

**dream_UAE** · 2009-08-22, 15:36

صراحه ما في احسن عن فحم البيت يتم بالساعات قبل لا يموت ام الفحم السريع ها استخدمه حق سفر ولا اذا كنت مستعيله

**عسل مر** · 2009-08-22, 15:52

مبروووووووك عليكم الشهر الفضيل
وبالنسبه لي ادخن بالموجود
ماكنت اعرف انه يفرق عليه الحرق
بس متوفر عندي اللي عليه طبقه فضية بجبربه

**أم راشــــــد** · 2009-08-23, 00:59

نفس الفحم الي طريتيه اوري الفحمه و اترياها لين ما تقطع و بعدين احط كسرة العود و لا الدخون

كيف ادخن حجرتي

اشغل المكيف اقبض المدخن بايد و عطر الفراش بالايد الثانيه اتالي فالحجره و اعطر الفرشات و الغنفات و الستاير من صوب و الريحه اتفوح و تظرب فيهن من الصوب الثاني و بعدين اوطي المدخن وسط الحجره و اظهر خاري

و بسسس

الموضوع: فحم الدخون

أدوات الموضوع

عرض

العرض المتطور

فحم الدخون

المزيد من آخر المواضيع من نفس القسم:

المواضيع المتشابهه

شو الدخون الي أدخنتي منة والكل سألج عنة وحسيتي ريحتج تفوووووووح من الدخون الكل يشارك

الدخون........

الدخون؟؟