{ ما ابــــا اتزوج ..~

[اذكروا الله]

الســــــــــلام عليكم ورحمة الله وبركاته



حطيت هالعنوان وانا متأكده انه يمكن ما يعجب الأغلبيه لأن الزواج هي سنة الحياة ونصف الدين

والراحة والأستقرار يلقاها الأنسان فالزواج << متأكدين !!

انا بنت مب متزوجة والحمد الله رب العالمين احس بالاستقرار في بيت ابويه

وعلى كثر ما اسمع و اشوف واقرا عن المشاكل والهموم اللي تي بعد الزواج الهموم اللي تقصر العمر

وتيب الأمراض النفسية والعضوية وهموم العيال قلت لأمي انا ما ابا اييب عيال !!

قالتلي لتقولين جيه الناس يتمنون اييبون عيال و هذيل عزوتج ويوم بتكبرين هم اللي بينفعونج ومحد بينفعج غيرهم لا اخت و لا اخو ولا حد فاضي للثاني

وانا شدراني انهم بينفعوني اييب عيال واربي واشقح وابهدل عمري واربي ويمكن الله يبتليني فيهم

الصراحة هالزمن صعب التربية فيه وايد صعب وااايد كييف الواحد يربي في هالزمن كييف ؟!!

قريب سمعت عن واحد طييييييييب والحين هو عوود وعياله كبار وعندهم مناصب واغنيا

ابوهم ميسور بس على آخر عمره تموا يجرجرونه فالمحاكم وكوشوا على حلال ابوهم

ابوهم ما قصر فيهم هذيل عزوة بالله عليكم هذا بلا ء من الله عليه

رباهم سنييييييين واكرمهم وآخر شي الله راواه شو يعني عيال

اذا قررتوا تيبون عيال الف مرة فكروا كيف بتربونهم وحطوهم في عالم يخليهم يمشون سيدة << مادري في اي جزيرة بس دبروا مكان تربونهم وما يتأثرون باللي حولهم من الخراب

اذا يينا عالزوج اوكي رومانسية وتبا الحرمة تحس بأنوثتها وتبا تعرس وتيب عيال << وهذا هو السبب اللي يخلي اغلب البنات انهم يعرسون ومايسوى عليكم

اوكي عرسوا ما قلنا لتعرسون وبالعكس العرس ستر للحرمة بس فكري الف مرة قبل لا تعرسين وانتي كيف بتتصرفين

واايد زادت نسبة الطلاق في الامارات ماكان جيه قبل واذا مب طلاق بيكون مشاكل

الزواج اول سنة بالكثير الحياة حلوة ورومانسية بس تعالي عقب حاولي ترضين هالريال خصة اذا يبتي عيال واتبهدل جسمج واخترب وحاولي عاد تردينه

وانا شو يعرفني منو هاللي بييني اذا الناس مدحوه انا ما اعرف اللي الله ساترنه وكيف اتعامل مع طباعه اللي الله اعلم شو ؟؟!!


بصراحة انصحكم اللي بتتزوج تفكر الف مرة في شو هي تعق عمرها وهل انتي كفو زواج ولالا

وايد حريم تزوجوا وتمنوا من اليوم الأول او عقب سنة او خمس سنين انهم يردون بالزمن ورا وآخر شي يصير الطلاق عاد عقب شو

هالكلام انا ما اوجهه للمتزوجات لأنهم خلاص متزوجات والله يوفقهم دنيييييييييا وآخـــــــرة

كلامي موجه للي مقبلات على الزواج


انتي كفو زواج ولالا ؟؟

بتتحملين هالنقلة الكبيرة من الأستقرار او حتى اللي مب مرتاحات في بيوتكم عند اهلكم ترى الزواج مب اغلب المرات يكون راحة

فكري الف مرة قبل لا تقولين ( موافقة )...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية