كرهت الدنيا,,

**ام توتو 20** · 2009-08-20, 19:12

السلام عليكم خواتي شحالكم شخباركم عساكم مرتاحين,,,
المهم بدش بالموضوع لاني صج صج تعبت وانتن خواتي اتمنى اتساعدوني او تنصحوني شسوي,,,

انا معرسه من سنه ونص تقريبا وعندي ولد وريلي يموووووووت فيني والحمدلله والكل يرمس عنا حتى يسمونا ( روميو وجوليت )وصراحة ماقصر معاج بشي وكل الي اتمناه لقيته بس,

من كمن شهر بدأ يتغير عليه حسيت الحب بدأ يقل وكمن مرة اجوفه يطالع افلام؟؟ لاحول ولاقوة كل مرة اقوله ليش وليش يقولي مجرد فلم اطالع لاتخافين مستحيل ازوجها تخيلوا هالرمسة وتهاوشنا واخر شي قالي انا ريااااال وحر بحياتي يلست اصيييييح عقبها حسيته ما بجوف افلام شرات قبل
افتكينا
المصيبة الثانية لمى نطلع مكان كل ما يجوف بنية اوحرمة الا وعينه عليها اقوله شو فيك يقول ماشي بس هاييل يسوون اغراءات والله تعبت مليييت ماعرف شو اقول وشو ماقول قلت بنسافر نغير جو ونفس الحالة في ماليزيا ماخلى حد ماطالعها والخليجيات الله يستر عليهم اغراءات على كيف كيفج ساعات مالومه وساعات اقوله انا شي ناقصني قولي يقولي والله والله احبج مستحييييل اتخلى عنج وقت الرقاد ؟؟؟ تخيلوا انه يتخيل اي وحدة جافنها فالسوق او اي مكان يعني انا بس يطبق عليه والله تعبت مشكلة هو مايرمس او يطلع مكان حتى ربع ماعنده بالاصل مايحب يطلع برع البيت كله معاي
والله اني مب مقصره معاه فشي حتى هو بروحه يقولي انتي مب مقصره انتي ملكة فحياتي ويوعدني مايطالع غيري ويرد مره ثانيه يتخيلهم وقت الرقاد شسوي دخييلكم ساعات اقوله خلاص طلقني يقولي مستحييييل انا خدتج لاني حبيتج لايمكن اتخلى عنج عسب هاللوث او الصايعات انتي ام ولدي

ارجوووووكم عطوني الحل والله تعبت من التعب حتى اصرخ على ولدي عمره 6 شهور والله حرااام

المزيد من آخر المواضيع من نفس القسم:

**UAEGIRL08** · 2009-08-20, 19:19

لا حول و لا قوة الا بالله ،، انتي سويله اغراءات ادلعيله

**الأمل الساطع** · 2009-08-20, 19:20

والله ماادري شقوولج...
بس حبيت أرفع لج الموضوع بدعوه حلوة..
الله ايسر لج ويسخر لج ريلج حبيبتي...
وفديته ولدج مايخصه لحليله صغيييير..
ماعلييه اهدي انا حاسه فيييج..

**A+k** · 2009-08-20, 19:35

يمكن لأنه مايطلع من البيت أو صدق البنات هالأيام فاصخات الحيا لا أدب ولا أحترام
الله يهديه يارب.

**// نُـون..~** · 2009-08-20, 20:12

مرحبآأ ختيه.."

يمكن لنه هو مآيظهر من البيت فمن يظهر يجوف أشكآلهن يتخبل كل وحدة بشكل ولون."

وإنتي حآولي تكونين له فآلبيت أحلى عن اللي برع..!

رمسييييه ودوم إظهري معآه.." عسب يتعود ومآيشوف غيرج..=)

**فجراويه دلع** · 2009-08-20, 20:15

الله يهديه إن شاء الله ..

**الحنين1981** · 2009-08-20, 20:55

الله يهديه حبوبه إنتي ماقصرتي ولاتقصري معاه أصلن الريال ما يملى عينه التراب إتحملي علشان الصغير ماله ذنبه

**حلى دنياي** · 2009-08-20, 21:00

الله يهديه إن شاء الله ..

**{ .. مذهلــهـ** · 2009-08-20, 21:28

لأن نظره مب محفوظ

يعني عينه تشوف وتشوف و تشوف

الحمدلله ان ما يطلع وايد

بس المصيبة لي طلع .. الله يعينكم

ذكريه ان حتى هذا زنا

وزنا العين النظر

ودايما ادعيله ان الله يحفظ دينه و بصره و قلبه و فرجه

لازم تقوين الوازع الديني فيه

عشان هو من نفسه خاف يتطاول و يطالع الحريم

يعني شو بيكون موقفه لو انتي اللي تطالعين و تتخيلين ؟؟

عادي يذبحج !

لازم يفهم هالنقطة

وتقوى رقابته الذاتية على نفسه

ذكريه انج عرضه .. ولو يبتيله بنات بيكونون عرضه

والنظرة الحرام اللي ينظرها لحرمة غيرج ... بترد فيج و في بناتج

والمثل قال " دقه بدقه .. ولو زدنا لـ زاد السقا" <--- قصة الريال اللي تطاول ولمس حرمة فالسوق .. ورد البيت لقى حرمته تصيح و قالت له ان السقاي تطاول ولمس ايدها فجأة

والحديث بعد يقول

( عفوا .. تعف نساؤكم))

يعني لو خايف عليج لازم يترك اللي يسويه

وايد تفلسفت .. بس خلاصة كلامي يالغلا .. حاولي تقوين رقابته الذاتية على نفسه و خوفه من الله

و تستغلين حبه لج وخوفه عليج .. بطريقة ما تبينين فيها استغلالية وانتهازية

وبدون ضغط وبدون ما تبينين فيها مطوعة او تكرهينه في اليلسة معاج من كثر النصايح

انتي أدرى بطبع ريلج غناتي .. وأدرى كيف ممكن تستميلينه و تدخلين فكرة في راسه

ربي يوفقج غناتي و يسهل امورج

دوم ادعيله ان الله يحفظه لج

**اذكروا الله** · 2009-08-20, 22:10

شدراج انه يتخيلهن يمكن ما يتخيلهن يتراوالج

انتي كوني احلى عنهن واملي عينه وسويله اغراءات واستميليه عشان ما يطيح فالحرام وانتي تغنينه

وبعدين قوليله كما تدين تدان اذا انته جيه سويت انا بيستويلي جيه ومن هالكلام

**دفا الكون** · 2009-08-20, 23:00

الله يبعد عنكم عيال الحرام

والله يهديكم يا رب

**ذاك أول** · 2009-08-20, 23:08

عليك بلأستغفااااار وقرآة سورة البقره وقيااام اللليل ،،،والله يهديه يارب العالمين

**ليدي بيرد** · 2009-08-20, 23:30

حبيبتي
كل ما طلعتوا مكان وشفتي إنه عينه طاحت على وحدة
حاولي إتشوفين هي شو لابسة وكيف متمكيجة

وإنتي سويله نفففس الشي بالضبط
خليه يلاحظ إنه إنتي مسوية شراتها
وفهميه إنه نيتج عشان مايشوف غيرج

**هواجس الزيودي** · 2009-08-20, 23:32

الله يعينج الغلا وايسر امورج ويهدي لج ريلج يارب

**mrs.ad** · 2009-08-20, 23:43

شو ها ..؟ ~يعني هو قالج انه يتخيل اي وحده من الحريم اللي شافهن ؟؟ والا كيف ..!
الصرااحه اذا قالج والله بيكووون وقح ـــ !!! مع احتراامي ..~.
في الاخير الله يهديييه ان شالله

الموضوع: كرهت الدنيا,,

أدوات الموضوع

عرض

العرض المتطور

كرهت الدنيا,,

المزيد من آخر المواضيع من نفس القسم:

المواضيع المتشابهه

ساعدوني ّ !! وربي كرهت الدنيا بسبة هالكليه ><

تجمـــع >> مابي من الدنيا لاجاه ولا راس مال...ابي طفل لاضاقت بي الدنيا قال يمه )

مابي من الدنيا لاجاه ولا راس مال...ابي طفل لاضاقت بي الدنيا قال يمه )

’ّ كرهت الحال ,ّ

بليز بنات بلادي ابا مشورتكم ... انا خلاص كرهت الدنيا....