قوانين مدرسة شويفات

[عسولة زوجها]

بليز ساعدوني

سجلت ولدي في مدسة شويقات kG1

مب عارفة قوانينهم

بليز ساعدوني

ما أعرف اي شيء عن المدرسة
متى يبدا الدوام عندهم
عندهم طابور وإلا لا

شو سالفة وجبة الغدا

لازم الجوتي تكرمون لونه اسود

لازم ما يطول شعره لانه ولد

شو المدرسين عندهم ( حنونين للأطفال)

بليز لا تبخلون علي بشيء

المزيد من آخر المواضيع من نفس القسم:

• أسباب خوف الأطفال من المدرسة
• اسباب خوف الطفل من المدرسة
• سلبيات التحذيرات الزائدة في المدرسة على طفلك
• علامات جديدة على إصابة الأطفال بكورونا
• التعلم عن بعد تحديات وحلول
• خطوات لتعليم طفلك تحمل المسؤولية
• نصائح لتجنب الأساليب الخاطئة في تربية الاطفال
• خطوات لتحضير حقيبة المدرسة للأطفال
• علاج خوف الأطفال من المدرسة
• اسباب قلة تركيز الاطفال في الامتحانات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عسولة زوجها]

ووووووووووينكم

[شيكي]

للرفع

[ذهب]

الله يهديج تسجلين ولدج وعقب تسألين عن المدرسة..انا اللي أعرفه انه المدارس الخاصه اللي ماتخضع لمنهج الوزارة دوامهم الأحد..القادم..اعتقد 23/9/ والله أعلم..بس المفروض أنج تسألأين قبل ماتسجلين ولدج لانه هاي المدرسه شوي نظامها صعب مافيه ترفيه عندهم كله دراسه ..انا ماعرف شي بس بحكم انه وحده من ربيعاتي مسجله ولدها والحين الولد بيسير صف أول..والله يوفق ولدج..

بس بعد سألي..

[عسولة زوجها]

الغالية ما كان عندي وقت
انا منتقله من الشارقة لابوظبي من يومين

ما صدقت مدرسه تقبل ولدي

[ام خليل]

هلا حبيبتي نورتي بوظبي ...

غناتي انا ولدي بيداوم 3 -9 ...

وقالولي تعالي استلمي لبسه الحين ..

ولدي توه اول سنه kg1 الشويفات اللي في مدينة خليفه ...

[عسولة زوجها]

أوكيه

بس ما تعرفين شو نظامهم

[Malsoonah]

انا عيالي كلهم في شويفات KG2 , Gr1, Gr3 المدرسة زينه لكن قوية شوي. انا من راي قبل عن ماتفتح المدرسة خذي ولدج وسيري الكلاس ماله خليه شوي يتعرف على المكان , و دواماتهم من 8 لين 3 وربع لكن في رمضان يختلف شوي.
جوتي اسود حق المدرسة مب لازم لكن يفضل.

[عسولة زوجها]

مشكووووووورة

بس شو تقصدين قوية شوي

[كونتيسه]

اختي المدرسه من ناحيه الدراسه قويه ولكن ما عندهم وسائل ترفيه ودوامهم في رمضان من الساعه تسع الى ثنتين وربع ما يسوون طابور اذا في شويفات راك اهم شي عندهم اللبس يكون مرتب يعني القميص داخل البنطلون
بالنسبه للمدرسات رووعه يهتمون بالطالب وترومين ترمسين المدرسه بالنسبه لوقت الاكل عندهم وقتين الصبح نص ساعه ما اذكر من كم لكم ولكن وقت الغدا ساعه ونص اللي اعرفه من شويفات راك انه ما شي خوف على kg لانه كل صف فيه مربيه تهتم فيهم وعندهم مكان لأكل وترومين تشوفين ولدج في هذا الوقت وتأكلينه وتيبيله اكل من البيت
هذا بالنسبه لشويفات راك الصراحه ما عليهم كلام
لكن شويفات بوظبي عندهم وقت الغدا وانتي تدفعيلهم وجبة الغدا ويا الرسوم المدرسيه اذا انتي تبين او تترسين الانش بوكس اكل على ما اعتقد ترومين تزورين ولدج في حزة الغدا وتوكلينه
بالنسبه لانشطة المدرسه مب شي ما شي انشطه كله دراسه ف دراسه واذا في نشاط يكون ايام السبت ولا بعد الدوام

واذا تبين اي شي بسألج

[طيبة الكويتية]

السلام عليج الغاليه
مدرسه الشويفات بصراحه روعه و يهبلون بالتعامل مع اليهال ووايد حنونين عليهم يعني من النقطه هذي لا تحاتين ولدج ان شاءالله.
بالنسبة للقوانين شغلات بسيطه لا تحاتين.
اول شي ما عندهم طابور الصبح
و الدوام طول السنه يبدي من 8 لين 3.10 العصر
اما في رمضان يبدون من الساعه من 8.30 لحد 1.20 . هذا بالنسبة للفصول من صف كي جي 1 لحد صف رابع.
واللبس تشترينه من المدرسه طبعا و الجوتي و انتي بكرامه عادي ابيض او اسود ما تفرق, بس يوم الرياضه لازم يكون جوتي رياضه.
اللي يقول ما فيها ترفيه غلطان. يودون اليهال غرفة الرسم, و الرياضه و مرات يوم الرياضه يودونهم حمام السباحه الصغير.وخلال اليوم الدراسي يودونهم يشوفون افلام كارتون. و يقرون وياهم قصص. غير اليوم الرياضي.
و فيه انشطه ثانيه بس تكون يوم السبت و هذي تدفعين عليها رسوم بسيطه .
الأكل سمعت انه في ابوظبي تدفعين رسوم و اهمه يعطون الياهل اكل من المدرسه. او انج انتي تطرشين وياه الأكل ماله. و الأكل ماله لازم يكون شغلات مفيده مو خرابيط مثل الحلاو و الكاكاو او شي مو مفيد ما يرضون.

هذا اللي متذكرته الحين, اي سؤال ثاني انا بالخدمه الغاليه
و كل عام و انتوا بخير يارب

[small]

مرحبا الغالية

مدرسة الشويفات نظام الدراسة عندهم قوي والطالب يتخرج مستفيد منها

اليهال اوحتى الكبار مايسوولهم طاابور

والدوامات عندهم من 8 يلين 3 او 4

اوعندهم العاب اوترفيه بالعكس اوعندهم بريكين

كافتيريا عووود للأكل والأكل متنوع عندهم أشكال ونواع لاتحاتين

اوحتى الياهل يوم ايتم ايصيح ان كان اول سنه ايهدووونه ويلاعبونه او بالعكس ايحببونه في المدرسة

جان عندج اي سؤال انا حاضرة

[cute uae]

شوفي هالموضوع
يمكن ينفع
http://forum.uaewomen.net/showthread.php?t=333125

[عسولة زوجها]

مشكورات خواتي

وايد ارتحت من ردردكم
الله يطمنكم على عيالكم مثل ما طمنت على ولدي

[هند سلطان]

هيه والله صدقكم
وجزاكم الله خيرا حبيباتي