العروس الأنانية

**Bint Al Ali** · 2009-08-21, 02:04

الحمدلله انا كل شي سويته بروحي محد حضر معاي ولا يبت معايه حد

ما اثق فذوق حد و ما يعجبني حد يعطيني رايه و يخرب عليه كل شي و يكون فخاطري و الطرف الثاني يحبطني

عرسي من الالف للياء بروحي سويته

حق الزهبه كنت اتسوق بروحي ...

**وحدة_كووول** · 2009-08-23, 11:19

المشاركة الأصلية كتبت بواسطة دلعma

صدقج والله
بس وايد عرايس ينكرون المعروف

ممممم هم ما يقصدون طبعا...بس الأمهات إلهن دور...يمكن العروس تكون مستانسة و لاهية و ماخذتها الفرحه..هني إيي دور الأم..تسألها تقول لها..ها سألتي عن فلانه؟ ما قصرت وياج في عرسج.. لا تقطعين...و من هالكلام..

في أمهات الله يهديهن...تسأل بنتها..تقول لا ما سألت و تعطيها عذرين بايخين..و ترد ألم تقول...صدقج خلاص عرستي ديري بالج عابيتج و بس..و خافي من ربيعاتج لا ياخذن ريلج!!

ما قلنا شي..ديري بالج عابيتج..بس لا تنسين عزوتج..

**وحدة_كووول** · 2009-08-23, 11:24

المشاركة الأصلية كتبت بواسطة UAEGIRL08

انا لي ربيعتي 9 سنوات وياها ودوم كانت تتصل فيا ايام الزهبه واخبرها عن احسن مكان للفساتين والحنا والشعر والمكياج ،، يعني التجهيزات ،، بس والله طرشت لي مسج انها تعزمني على عرسها ،، وحق ربيعتي الثانيه دقتلها ورمستها ورمست امها وحلفتها انها تروح العرس وانا لا ،، وهاييج ما كانت مكمله وياها حتى سنتين ،،

بيي يومج..و مثل ما تعبلتي لها..ربي بيسخر لج وحدة تتعبل لج ..و إنتي بروحج بتستغربين ..
يعني الخير له ألف باب و باب..و يرد لج بطرق مختلفه...الله يوفقج يا رب..

**وحدة_كووول** · 2009-08-23, 11:31

المشاركة الأصلية كتبت بواسطة Anwaar

كلامج منطقي بس مب كل العرايس واحد.. حليلي راكضت في عرسي بروحي تقريبا واستحيت اعبل علي امي واخواني وخواتي وحتى المعرس استحيت اقول له سوي وييب لو المحل عداله.. والله استحيت اقولهم سيروا وييبوا وغيره... فتره متعبه بس حلوه وايد

والله يا أنوار...إن شاءالله أكون محظر خير..بس أخاف من الكلام إلي بقوله تفهمينه غلط..

في الموضوع الثاني كتبتي إن شهر العسل كان هدية منج..
في هالموضوع تقولين إنج تستحين تطلبين ريلج عشان يراكض لج و سويتي كل شي بروحج..

بنتكلم بشكال عام... إختي العروس

لا تعودين الريال إنه ما يسوي شي...و لا تدفعين شي من جيبج و إنتي بعدج ما دخلتي بيته حتى...
لازم تحسسينه إنه هو مسؤول عنج...لازم يتعب حق الترتيبات..ما أقول لج طلعي عيونه..بس لازم..

تبين تدفعين عن شي...أوكي..بس موب شي أساسي..هو الريال (بعد فترة بيتعود و بيخليج حتى أغراض البيت إنتي تييبيينهم و العيال تتشرين لهم..و المدارس إنتي تجابلين عيالج حق دراسة و مراجعات.. إلخ إلخ)..و هاذي هي مأساة واااايد حريم حاليا..

**وحدة_كووول** · 2009-08-23, 11:34

المشاركة الأصلية كتبت بواسطة Bint Al Ali

الحمدلله انا كل شي سويته بروحي محد حضر معاي ولا يبت معايه حد

ما اثق فذوق حد و ما يعجبني حد يعطيني رايه و يخرب عليه كل شي و يكون فخاطري و الطرف الثاني يحبطني

عرسي من الالف للياء بروحي سويته

حق الزهبه كنت اتسوق بروحي ...

بس تدرين..وايد اهل ما يطيعون إن البنت تطلع بروحها...و كل وحده مضطرة تسحب وياها عالأقل إختها...فالوحده غصبا عن خشمها و لو هي تبا تسير بروحها...ما تقدر...ممنوع

**Hno0odah** · 2009-08-23, 11:57

مشكوره

**معزوفة الروح** · 2009-08-23, 15:58

صح في عرايس جيه

بس أحس مرات غصبن عنهم ..بس ان شاءالله يارب ما أكون جيه وبحاول قد ما أقدر يكون الكل مستانس

ويسلموووووووووو على الطرح المميز

**دعفوسة** · 2009-08-23, 17:39

مشكووووووووورة

الموضوع: العروس الأنانية

أدوات الموضوع

عرض

المواضيع المتشابهه

ليش الأنانية

الأنانية وحب الذات...

دربي أبنائك على عدم الأنانية