العروس الأنانية

[وحدة_كووول]

بنات..خلونا نرجع بالذاكرة....

يمكن البعض شاف هالموقف و البعض لا..بس أنا بحكم إلي شفته في بعض عرايسنا حابة ألفت إنتباهكم لنقطة.... (العروس الأنانية)

بتقولون..انتي تغارين..و يومها..و من حقها..إلخ...

والله نبا نفرح في الكل..و بنتعبل بعد..و بنحاول بللي نقدر عليه...و لكن في بعض المواقف.. تشوفين اختج العروس متطلبة لأبعد الحدووووووود..سووا لي..حطوااا ليي....شلوا لي..ابا ليلة حنا..و ابا مكسار...و أبا عرس...و أبا ريسيبشن بعد شهر العسل...عزيمة...و حق كل يوم..ابا شي مميز..ييبوا لي...سيروا لي...إذا عدت البدجت...دفعوا لي...


حق الزهبة..خمسيييين مليون محل ..حق خلاقين! والله راكضوا فيني..دبي حق الشوبنج ..و العين حق المخاوير..و بوظبي حق قمصان النوم...و اظني حتى المنطقة الشرقية و خميس مشيط بنوصلها !

و كل كلمة و الثانية..انا عروس...ها شي عادي...و إذا وحده اعتذرت..تزعل..و سبحان الله قبل لا تعرس بدال لا تكون ميمعتلها عدد ممتاز من القريبات إلي راكضن وياها..يصير العكس..و تيمع لها عدد لا باس منه من الي يقولن..عرسي و فكينا..و بعدها هاذي ويوهنا جان سألنا...


حبيباتي...عرايسنا..أنا ما ارمس عن موقف واحد..و الله العالم بعدد حفلات الأعراس إلي كنت طرف فيها..و ما بقول الكل...و لكن بس..انتبهييي..


اختي العروس...لا تشوفين الكل مستعد يعطيج عيونه..و تطلبين اكثر و اكثر و انتي موب حاسة بعمرج..انج قاعدة تكلفين على الكل..سواء بجهد...او مال..او وقت...

و سبحان الله..هاك اليوم...يوم عرسج..صدقيني لو لابسة خيشة و داشة القاعه..بعدج بتكونين أحلى وحده...

و قبل لا تفرحين بعدد الإطراءات إلي تحصلينها....إفرحي بعدد القلوب إلي كسبتيها....

خلي فترة تجهيزج للعرس..فترة حلوة تتذكرينها..إقتربي فيها من خواتج..حسسيهم يقيمتهم في قلبج...ربيعاتج..بنبات خالاتج..و بنات عمومتج..و اهلج..إلي ساعدوج..حطيهم في عيونج..تقربي لهم أكثر...و انتي بروحج بتشوفين الفرحه في عيونهم في يوم عرسج...


في النهاية...أهني كلللللللللل العرايس..إلي عرسن و إلي بيعرسن... و عقبال الكل..

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية