Indonesia - Jakarta 2009

[عشقUaE]

الرحلة كانت من الامارات-دبي الى ماليزيا (اسبوع) 17\7 - 23\7\2009 وبعدين اندونيسيا (اسبوعين) 23\7 - 3\8\2009

صور ماليزيا فهالموضوعين
http://forum.uaewomen.net/showthread.php?t=506527
http://forum.uaewomen.net/showthread.php?t=524413

صور من اندونيسيا فهالموضوع
http://forum.uaewomen.net/showthread.php?t=517063

الحين ببدا ...

صورة الوصول




والطياره تمشي لين الخرطوم .. شفت هالطياره وشد انتباهي الاسم




سكنا في Puri Casablanca - Jakarta




هالبرجين حبيت شكلهم .. وصورتهم من البلكونه




وبعدين نزلنا عالمسبح




بما ان عيال اخوي يتسبحون .. خذتلي جوله حوالين المسبح

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عشقUaE]

ولد اخوي خذاله كلاسات فالتنس






هالصورتين من مول Grand Indonesia

هاي اكله عباره عن خضار عليها صلصه معينه اسمها Gadu gadu




هالخيزران عباره عن ديكور قسم المطاعم




هالاكله احبها وايد .. دوم اطلبها بالنوتيلا






وهالفاكهه اعشقها






طبعا الطرق زحمه وااايد هناك .. يعني مشوار 10 دقايق ناخض عليه نص ساعه
حليلهم عيال اخوي من الملل من الزحمه اللي ماسك البي اس بي واللي ماسكه الاي بود تاتش واللي نايم على ريل ابوه (اخوي)







وان شاءالله التكمله فالطريق

[عزوزه]

تصويرج وايد راقي

بس اندونيسيا ما انصح حد يسيرلها كرهنا حياتنا اهناك

دوله فقيره جدا وغير جي غلاها مو طبيعي

ومافيها خدمات سياحيه

بومباي الثانيه

والله يلسنا 5 ايام وفلينا مارمنا انتم اكثر

لما شفنا فالشوربه صرصور

[عينـــاويـــه]

عشق UAE

عاشوا اللي ساروا اندو

صور جميلة .. يعطيج العافية .. وعقبال ما اتفيج انا وانزل صور سفراتنا .. مليون صورة لوايد دول عندي بس ما اتفيج انزل شي ههههههه

[عشقUaE]

×
×
×

~ || تسلين عالطله اختي عزوزه

بس اندونيسيا اللي يعرفها صح مايقول عنها هالكلام

مولاتهم راقيه جدا .. 3 ارباع المولات كلها محلات بماركات عالميه (جيس جوتشي شانيل باربري لويس فيتون وغيرهم) .. مجمعاتهم السكنيه والهوتيلات على مستوى راقي .. الاماكن السياحيه اللي فيها وايد حلوه .. المناطق الجبيله والشلالات وغير السي وورد والحدائق المائيه والسفاري و....و....

اما بخصوص الاسعار والله رخيصه وايد مب غاليه ابد

لو ماشفنا فيها اللي يسر ويريح البال لو ماكانت سفراتنا عليها بشكل شبه دايم

والسموحه منج حبوبه



عيناويه شرفتي موضوعي .. يالله عاد تفيجي ونبا نشوف صورج || ~

×
×
×

[عزوزه]

والله يختي مادري

انا سكنت حياة ريجنسي مب كانه حياة ريجنسي حتى اغلى عن البلاد

وزحمه بشكل مو طبيعي واسعارهم بس فالمواصلات رخيصه هذا الي شفته

بس صراحه طبيعتهم اتجنن ماعليها كلام

لكن كخدمات سياحيه ماشي مطاعم مقاهي شوبنق

صحيح في مولات مال الماركات بس تعاي دشيها كلها اولد فيشن يعني شنط مال 5 سنوات ورى

وغير الفقاره يحليلهم يكسرون الخاطر انا قلبي عورني عليهم

بعدين لما سألت قالولي المفروض اتسيرين بس بالي محد يسير في اندونيسيا غير منطقة بالي

ماقدرنا نستحمل فرجعنا

سبحان الله الناس اذواق

بس تصويرج ماشالله اجنااااان الله يعطيج العافيه

[عينـــاويـــه]

عزيزتي عزوزه .. مع احترامي للدول .. بس الصراحه اندونيسيا ما تقارنينها مع مومباي .. مومباي صدق زباله والعرب مطيحين فيها بس عشان السوق والتجارة والعلاج مب لشي ثاني ..

مومباي اوصخ مدينة في العالم .. ويمكن انتي ما شفتيها عدل .. شوفي فلم سلام دونغ مليونير .. بتعرفين مومباي صح ..

الاندو واااااااااااايد ارقى .. ومب غاليه .. شرق اسيا كله يعتبر مب غالي .. والاسعار في الاندو مقاربه للهند تقريبا .. انتي يمكن ما سرتي اوروبا واستراليا .. لو سرتي بتعرفين الغلا وين ..

وحتى الفنادق في الاندو وااااااااااايد ارقى عن مومباي ..

ويوم اقول مومباي تراني اخصها .. يعني الاندو بشكل عام افضل عن الهند بوااااااااايد ..

بس ما خبرتيني انتي اي مدينة سرتي في الاندو ؟؟ يمكن في مدينة معينه تطرينها ولا شي .. ولا ترى الاندو فيها جزر خيال وايد حلوه ووووااااااااايد انظف عن الهند "مومباي"

[عشقUaE]

×
×
×

~ || بالعكس حبوبه وايد رخيصه .. انا يا ما كنت اشتري كوليكشنات من عندهم .. احيد يوم كنت البسه كل حد يقول شو هاللي لابستنه بعد سنه سنتين تلقينه نزل عنا والكل حزتها يذكرني باللي كنت البسه

بخصوص الزحمه اكييد يكفي ان تعدادها السكاني فجاكرتا بس حوالي 18 مليون يعني الزحمه شي متوقع منه

بخصوص المطاعم والمقاهي شي وايد فالمولات وبرع المولات .. شي مكان اسمه شيتوس ها وايد مطاعم عربيه فيه .. وااااايد اماكن

بخصوص بالي معروفه هالجزيره .. حالها من حال اي جزيره ثانيه وايد فيها اجانب وعرب توهم معرسين اما العوايل مب ذاك الزود


لول احس صايره دليل سياحي هع

وواحد من اخواني كثر مايسير ويا ربعه .. ربعه يطلبون منه يرتب لهم هم واهاليهم .. وسارو عن طريقه اكثر عن 70 عايله ومب زياره وحده بس .. تكررت زياراتهم لاندونيسيا


وتسلمين حبوبه عالكومنت عالصور || ~

×
×
×

[عينـــاويـــه]

عزوزه .. ما اتقارنين البلاد من فندق واحد سكنتي فيه ..

اتقولين الاندو مافيها خدمات سياحيه .. يعني مومباي اللي فيها ؟؟؟

والطبيعة الاندو والهند واحد .. طبيعه وحدة .. يبال خضره وشلالات وغيره ..

والمواصلات رخيصه في أي دولة .. مب بس في الاندو ..

والفقاره من الله هم فقارى في كل دولة الله حطهم فيها .. ما يستوي اتشوفين فقارى في دولة واتقولين انها مب اوكي .. ومومباي ما شفتي فيها فقارى ؟؟ شو يوم نزلتي مطار مومباي .. ما اتلصقولج الفقارى على بيبان السيارة وفالشوارع في كل مكان ؟!! .. انا ما شفت فقارى لزقه في اي دولة في العالم مثل فقارى الهند وبالاخص مومباي ..

عزيزتي .. بخبرج كيف اتشوفين الدولة اذا اوكي او لا ..

انتي اتقولين يلستوا فيها 4 ايام وروحتوا ما عيبتكم .. بالله عليج حد يقدر يبدي رايه عن دولة كبيرة مثل اندو في 4 ايام .. يعني اقل شي اسبوع الواحد بيشوف الاسواق والمولات والشوارع والفنادق والخ وعقب يقارن ..

ومثل ما قالت عشق UAE .. بالي جزيرة مثل أي جزيرة .. انا سرتلها .. حلوه مثل أي جزيرة في العالم .. والاندو كلها عبارة عن جزر بس منها الكبير ومنها الصغير .. وعدد سكان الدولتين الاندو والهند .. لازم بيكون اغنيا وفقارى .. من شعب الدولة غني ولا فقير ما يستوي تحكمين عالدولة ..

اممممممم .. انا بعد استويت دليل سياحي ..

يعطيكم العافية

[بدر0البدور]

كملي تقريرج وايد حلو

[عزوزه]

انزين انا ما عيبتني حرام اقول راييي

انزين هي مب ابلادنا عشان جي اتحرجون ههههههههههههه

كل واحد وذوقه وانا احترم ذوقكم

وانا قبل لا اسيرها اربيعاتي ما نصحوني بس حبينا انجرب

وفعلا ما عيبتنا

وسبحان الله مثلا ولد عمتي عيبته ترى الناس اذواق

الي مثل ذوقي اكيد ما بتعجبه


انشالله على طول تستانسون

[pearlly]

متابعه


يعطيج العافيهـــ =)

[@ أم زايد @]

الحمد على السلامه ومشكوره على الصور

[small]

ياسلام ايبين عليها غاوية لبلاد

ماشالله تصويرح حلو

متابعيين

[عينـــاويـــه]

عزوزه .. ليس حرام الا ما حرمه الله

بس انتي اتقارنين جنة بنار .. فحبينا انصلحلج المعلومة هههههه ونعطيج معلومات وحقائق صحيحة ..

حياج في أي وقت "حبوبه" وانرحب برايج وذوقج في كل وقت