محتارة شو اشتري..؟

[الماسة88]

السلام عليكم..

اخواتي انا معزمة اشتري سيارة خلال هالشهرين ان شاءالله..

يا ليت اللي عندها خبرة تفيدني..

واللي ماعندها يا ليت لو تسأل حد يقربلها ويعرف للسياييير..>>>>المهم ابغي جواب خخخ

وهذي مواصفات السيارة الاساسية:

اول شي ابغي شكلها نسائي شوي..يعني مثل x5 مب مثل ارمادا

ابغي سيارة فورويل يعني الدفعر رباعي..

8 سلندر او 6

4 ابواب

شاشة ملاحة

تصلح للبر وللبحر مثل ما يقولون >>>>سفينة مب سيارة

يفضل 7 كراسي..بس عادي اذا 5

وبس..>>>>>قولوا خليتي شي انتي..


انتظر ردودكم بفارغ الصبر..

واللي ما عندها ابدا معلومات..

اتمنى ترفع الموضوع..


والسموحة على الاطالة..

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احتاجك..]

الصراحة ما افهم ف السيايير ولا ففهمت شي من اللي قلتيه^^

بس احس انفنيتي و بورش كايين حلوات حق الحريم^^
والسموحة الغالية

[أميرة2009]

ما عندي فكرة وايد
بس أشوف الكل طايح في اللاندكروزر اليديدة يعني فيها كل الي ذكرتيه
والحريم يشترونة أكثر من الرياييل ما أدري شو السالفة

[الماسة88]

الصراحة ما افهم ف السيايير ولا ففهمت شي من اللي قلتيه^^

بس احس انفنيتي و بورش كايين حلوات حق الحريم^^
والسموحة الغالية

انا مثلج اختي ما كنت افهم للسيايير..

بس مثل ما يقولون الحاية بنت حرام..

عشان جيه قمت اتعلم من اخواني ومن المنتديات..


انا ما عيبني شكل البورش من جدام..

وبالنسبة للانفنتي الكل يشتريها الحين..

وانا احب التغيير..يعني احب اكون مميزة..

وبالذات هذي بتكون اول مرة لي اشتري سيارة..

مشكورة اختي على ردج..

[الماسة88]

ما عندي فكرة وايد
بس أشوف الكل طايح في اللاندكروزر اليديدة يعني فيها كل الي ذكرتيه
والحريم يشترونة أكثر من الرياييل ما أدري شو السالفة

مشكورة اختي على رايج..

بس احسه وااايد ثجيييل بالنسبة لحجمي..

لاني انا بنية صغيرة..مب جحفل مثل ما يقولون عشان تناسبني هالسيايير..

ومشكورة مرة ثانية..

[بنت اجاود]

انا عن نفسي شارية من 3 شهور مرسيدس 4 ويل والكل اعجب فيها وانا مرتاحه فيها وايد
ومش وايد ماخذينها ونسائية وفيها المواصفات الي قلتي عليها والله يوفقج في السيارة الي تحفظج

[روح الــــورد]

الاكس 6
سالي عنها

[عسوله كسوله]

نيسااااااااااااااااااااااااااااااااان فتك

روعه كل يوم انا وبو الشباب انروح البحرولا البر ونعطيه ويل خخخخخ
بس والله عجب هههههههه

[shozen]

مورانو اليديده حلوه خاصة اللي لونها عنابي روووووووعه

[Pheno-m-enon]

الانفينيتي اليديدة حلوة

و البورش كايين من داخل وااايد راقية

و اذا مب حابتنها.. خذيلج X6

بس انا بشكل عام ماحب البي ام = )

[violetlady]

هلا اختي

انا كنت ادور على سياره فوريل نسائي بس للاسف ماحصلت شي حلو

سرت وكاله النيسان ماعجبني الانفيتي ابدا وكنت ابي اطلع ال x5 بس خلص عندهم ال 6 سلندر اتوقع بكون متوفر على شهر 9 شيكي معاهم

وبالنسبه للبورش كان حلم حياتي بس الكل ماشجعني لان خرابه وايد وقطع الغيار والسيرفس موووووووت وسرت اشوف السياره كلش مب حلوه من الداخل اي قطعة تبين تضيفينها لها سعر خاص اللي مسكت السيارة الشكل الخارجي

وكنت ابي اطلع Ford و lincom بس ماحد نصحني كونه امريكيه وبتخترب بسرعة

وطبعا اضطريت اطلع صالون وشفت المرسيدي الجديده E300 موديل 2010 كلمه روووووووووووعه يشوي عليها كل المواصفات اللي تبينها بتحصلينها في السياره والحمدلله انا مستانسه على سواقتها



بالتوفيق ونصيحتي لاتلفين وايد لانج بتحتارين

[violetlady]

صح نسيت اقولج مبروك مقدما يعطيج خيرها ويكفيج شرها

[مسلمة للابد]

انا عن نفسي اشتريت كامري وااايد عملية و احبها وايد
بس انتي تبين فرويل مثل ما قالن خواتج الي فوق انفينيتي حلوة واايد انا لما اشوفها احس غير يعني الي فيها انسان مميز هههههههههههه

[rozee]

للرفع

[_دبوووه_]

X6


ماعليها كلام