شو اسوووي ؟؟؟

[eyonan]

السلام عليكم ورحمه الله وبركاته

أخواتي ابيكم تسااعدوني

انا قريب معرسه كملت شهرين

انا ساكنه مع اهل ريلي

بس

في شي يخوفني في البيت ، انا ريلي يروح الدوام وانا انش اصلي واقرا ادعيه وارقد ، كل ما ابي ارقد احلم كوابيس يوم انش اشووف اشيااااء غريبه في الغرفه ، صارلي يمكن من شهر، المشكله بس انا والبشكاره في البيت واهل ريلي بس في الويكند عندنا ، وثاني شي ريلي عندي في البيت وانا اكون مرتاحه ما اخاااف ولا شي يخوفني

والحين انا انش من ساعه 6 الصبح وما ارقد ، والله اني تعبانه ، اقول حق ريلي يقول انتي تخافين عشان جي، وانا خبرت عمي يقول من زمان عندنا الينيه.

ع فكره اشغل قرأن في الغرفه .


بنات شو اسوووي

والله تعبت ؟؟

خبروني شو اسوووي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[*أم شهد*]

الله يكون في عونج ،،، هاتو مطوع خل يقرا ،،، وان شاء البنات يفيدونج حبوبه

[أم ريمـاني]

داومي ع سورة البقره ,,

وخلي المسجل شغال على اذاعة بوظبي ,,

ودايما اقري المعوذات وحصني عمرج ,,

الله يعيينج لان هالشي صعب الواحد يتحمله ,,

[eyonan]

المشكله انا ساكنه روحي في البيت، بس في الويكند اهل ريلي موجودين

والله يوميا اقرا قران واشغل القرأن

واخاف حتى من ظلي...

شو اسوووي

[ورد معطر]

اميه !

انا حرمة اخويه خبرتني بعد استوت لحد من اهلها نفس هالسالفة انه حرمة تظهر له كل يوم

وسالوا حد يمكن شيخ عقب قالهم خل يقول 3 مرات "

اعوذ بكلمات الله التامة ، من كل شيطان وهامة، ومن كل عين لامة"

وداوم عليها وماقامت تظهر !

جربي والله يعيييييينج صج صج

[غلا فيصل]

حبيبتي لما تنامين شغلي اذاعة القران الكريم وحطي على يمينج مصحف او امسكيه في ايدج ونامي (عن تجربه) وربي الحافظ

[eyonan]

انا حاطه القران عدالي

وانا مشكلتي يوم ارقد ما اريد اسع ولا صوووت وانا نومي خفيف

والله اول مره شفت حرمه لابسه ابيض شفتها في المرايه قلت يمكن هذي حلم ، وثاني يوم شفتها كل مره تخطف من جدام المراياااا قلت ما بسكت بخبر حد ، وعقب ثالث يوم كنت راقده احس وحده تمطني ، وانا تلحفت كامل ما اريد اشووف ويهااا لانه كنت خايفه قلت والله حرام ابي ارقد ، وعقب تمت تمشي ع ريولي ، والله تمت اصيح اقوول يا رب شو اسوووي اول مره تسير معاي جي ، عقب تمت تنطط ع الشبريه قلت والله حرام عليكم انا شو سويتلكم، عقب حسيت حد دخل حمام غرفتي ، وعقب اتصلت في ريلي قلت انا بتصل في اهلي بسير عندهم ، قالي لا تسوين جي شغلي قران والله شغلت قران قلت خلاص من هذيج اليوم ما برقد اذا ريلي محد ، ع فكره يوميااا انظف الحمام والغرفه والصاله مالتي وادخنه

بس ابي اسير عند مطوع يكون صاادق معايه ، وريلي ما يصدق المطاوعه شووو اسوي ..؟؟

[ميثاء R_K]

الله يعينج بس لا تخافين خلي القرآن دوم شغال وعليج بالاذكار لا تودرينهم وترى ع الخوف هم يزيدون اذ كان حد


الله يصبرج


والسموحه

[Ana Ahwak]

الله يعينج أختي... المشكلة إن عمج قال لج انهم متعودين على( الأخت) يعني هم عادي عندهم الوضع وشكلج لازم تتعودين انت بعد عالوضع...

الله يستر من اللي ياي

[زهرة السوسن]

انا كنت شي يتراوالي اشياء بس من شغلت المسجل على اذاعة القراءن لمدة طويلة تقريبا شهر او اكثر يشتغل 24 ساعة وحتى يوم انا راقده يشتغل والحمدلله اقرا المعوذات والكرسي واخر البقرة 7 مرات ولا اشوف شي ولا احس بشي

[قمر 20]

شوفي اختيه بقولج عن شي بواقع تجربة احنا عشناها اتعرفين الملح الحجري يعني الملح ألي مثل الحصا الكبير تلاقينه عند العطار روحي اشتريه وحطيه تحت سريرج يعني حطي نايلون أو كيس وحطي كم حصاة ملح وفوق الكبت وزعيه يعني يخافون منه وثاني شي يبي ماي واخلطي وياه بعد من نفس الملح واقري عليه صورة البقرة وبعض ايات من صورة يس والكهف والمعوذات ثلاث مرات ورشي فيه البيت أول من عقب ما يروح زوجك الشغل يعني حطيه في بخاخ ورشي وخاصة الزوايا والصالة واقري اية الكرسي وانتي ترشين مرة الصبح ومرة العصر قبل المغرب ثلاث أيام وشغلي البقرة في البيت ولو بغيتي بعد تتسبحين من نفس الماي وايد زين بس مب تصبينه في الحمام حرام خذي شاور واطلعي وصبي عليج شوي من هاذا الماي وحطي تحتج طشت والبسي بس من دون ملح وجبيه تحت الزراعة ولا برع .
بس بشرط تدعيلي ومن قلبج لأنه بأذن الله راح يخلص هاذا الشي عنج .

ولا تنسين قول الرحمن أنه كيد الشيطان ضعيف يعني انتي اقوي منهم .

[eyonan]

عمي قالي هذي ينيه مسلمه معانا من يوم كانت بيتنا في ابوظبي
بس ليش انا بذات تخوفني ، والله اني ما اسويلها شي ...

[أبكاني ذنبي]

وهو اش دراه انها مسلمة؟وانها وحدة موب واحد؟

الخوف اييبهم والايمان بالله يشردهم

في احد في بيتكم يدخن سجاير او يسمع اغااني؟او تعلقون صور او تعرضون صور في براويز؟

[eyonan]

لا ما اعلق صور

غرفتي يديد

من 4 شهور معدلين الغرفه

بس ليش نقلوااا موضوعي ؟؟؟

[ظنحانية 2020]

الله يعينج حبوبه..~بس دااومي ع ذكر الرحمن..~واحسن حل لج اظهري من البيت..~


السموحه