فيه واحد يبي يعرس

[وردة 2009]

عادي حبيبتي بيكفي و للعرس بجمع المبلغ.. الله يوفقه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سديموو]

مب شرط العرس يكون بافخم فندق بل العكس يكفي وزياده والله يسر له اموره
واذا البنات مهرهم وايد غالي خله يسير يتزوج له وافده تكون محتشمه ومؤدبه على الاقل مابتكسر ظهره بل الطلبات

[мěмσяίěş]

واذا البنات مهرهم وايد غالي خله يسير يتزوج له وافده تكون محتشمه ومؤدبه على الاقل مابتكسر ظهره بل الطلبات

حلاة الثوب رقعته منه وفيه ،،

والسموووحه

[عنقاء]

انصحه انه ياخذ قرض بسيط من البنك لانه العرس با له اكثر من 200 الف

او انه يشوف اهل العروس اشكثر ناويين يطلبون مهر لبنتهم........ اكيد كل وحدة تتمنى تاخذ كل شي راقي و100 لاالف ابروحها للزهبة ويمكن مااتكفي......... وغير القاعة وبيزات المهر والفرقة وخدمات الاعراس ......... خليه ايجمع ع الاقل 250ى الف بالكثير

والله يعينه

[وصلاويـه23]

عيل ولــد يرانا كان عنده 100 الف


وهلــه ساعدوووه مجمووع مصاريف عرسه 170 الف





وماشاء الله عرسه كان حلووو

[jameela200]

معقولة 130 ما بسد.... بسد ونص...

والله المبلغ وايد اوكيه .... وبيكفي وزيادة...

والله يعفه ويالبنت اللي تبا تعف نفسها

جد والله احسه وايد...

يمكن لأني قيوانية...

خخخخخخ

[لمياء2007]

الله يوفقه ويحصل بنت الحلال المواطنة ، بنات مب لازم العرس يكون في اربع ليالي وفي فندق حرام والله مصاريف على الفاضي. خله اهله يدوروله البنت القنوعه واهلها مايطلبون وااايد.

[بنت الحبتور]

انا براي المبلغ اوك وبيزيد اذا بغيتو.. وصح الدنيا نار بس احنا ترا الي نحب الاشيا النار يعني مب شرط نزهب كل ماركات ناخذ ماركات بس مب كل شي جم شغله عن خاطرنا وترا الاسواق مابطير تروم تاخذلها عقب العرس الي تبا من بيزاته وهو اكيد مابيقصر معاها وترا دوم ينزلون اشيا يديده وترا اقلهن مهرا اكثرهن بركه
ودامه نوا شي بالحلال الله بيسهله وانا سمعت ان شي 3 اشيا لو العبد نواه عطول الله ايسرله مثل الحج والزواج سبحان الله الله يسر هالامور بسرعه دامه نوا بالحلال وتوكل ع رب العالمين وترا شي قاعه زايد ببلاش تنفع للملجه اذا حب
وانا اربيعتي عرست ف قاعه الشهامه ع شي و30 وفستان بتحصلونه ع 5 ولا 7 مب شرط ناجره بمليون كل واحد يمد ريله ع قد لحافه وانا اشوف بنات فساتينهم ب 30 ولا 40 ولا ينشاف والي 5والله خبال لا تحبطونهم يابنات حاولو ترفعون من معنوايتهم لاتقولون البيزات ماتسد طلعوله حلول مب تحبطونه
خله يتوكل ع الله وانشاء الله, الله بيسرله ونتريا خبر زواج جريب عسب نفرح لاخونه

[أرجو رضى الله]

حبيبتي اذا خطب بنت فاهمة دينها و أهلها ما يريدون الا ولد حلال و ريال يصونها و يهنيها، أظن انه المبلغ زين و يتوكل على رب العالمين و هو يرزقه من حيث لا يعلم بما انه نيته للحلال.. الله يوفقه آمين

[um saif**]

حبيبتي المقدم 20,000 ،،

الزهبه 50,000

القاعه 35,000 او 40,000


وبتم عنده 10,000 او 15,000 ،،، للبيت ،، ( الليتات ) زينة السيارة ، اثاث مب شرط يكون ب 7000 في اللي ب اقل عن 5000 ,,



والله يوفقه يارب

[يفداك قلبي]

ربي ايسرله اموره ..~

[الأمينه]

حبيبتي الملغ يكفي لبنت حلال وشايفه خير وتبي الستر واهلها ناس متفهمين وبايعين بنتهم انا عن نفسي ريلي كان عنده هذا المبلغ وما تسلف شي والحمدالله كفى ووفى لان ممكن يحصل من الصندوق ويشترك في العرس الجماعي ويسوي جمعيه والعرس الجماعي لها مميزات كثيره ومنها خصم على الفنادق والقاعات والله يسهل عليه واذا يبي عندي له عروس ههههههههههه

[New Bride]

130 الف درهم ما بكفوا!! حرام كترة المصاريف !! يا بنات ( أبركهن أقلهن مهراً ) و باقي المصاريف على شو؟ حفلة ساعتين و كل واحد بروح بحال سبيلو! والشاب الي بدخل ديون و جمعيات مو بالاخر هاد باثر على حياتو وحياة البنت الي اتداين من شانها!

بعملتنا هدول تقريبا 25 الف دينار!! في ناس بتتجوز ب 10 الاف دينار وعرس حلو والكل بطلع رضيان!!


حرام يا عالم! يعني الشباب منين يجيبو!!!

[الأصالة]

الله يوفقه ان شاء الله
ويرزقه من حيث لا يحتسب
مشكورات حبيباتي ع الردود الحلوه

[جنة الآشوآق]

انا اعرف صديقتي انخطبت شهر سبعه وحفله بسيطه عائليه اهل البيت واهل المعرس فقط
والملجه بعد نفس الشي ....

ومهرها كان كله 70 الف درهم اغراضها وذهبها وحتى فستانها للعرس ومكياج كان بــ4500درهم ......(ملابس وجلابيات وقمصان نوم وعبايات وعطورات ومكياج والذهب ووو الخ ).

وتزوجت شهر ثمانيه وكان في قاعه كلفتهم 19 الف درهم مع الكوشه والتصوير والفيديو والدجيه .....والطاولات تكفي لـــ300شخص ...

محد توقع المبلغ هذا كفى ....

بدون الليتات العرس والعزايم والخيم والفرق طبعا كان لضروف خاصه ...

اذا تبون اوصلكم وادلكم على العايله والله والنعم فيهم اجاويد همهم الستر لبناتهم والاحلى ان بناتهم متخرجات ...واخلاق عاليه وادب ...ومن عايله محافظه ....