الي جرب أشعه الصبغه للرحم يدخل يفيدنا الله يخليكم

**العوش99** · 2009-08-15, 02:01

مرحبا خواتي

شحالكن عساكن بخير

ابا اعرف حد سوى اشعه الصبغه انا هرموناتي كلها سليمه ولله الحمد

فقالت لي الدكتوره لازم اسويلج اشعه الصبغه عشان اشوف اذا فيه انسداد بالانابيب او تشوهات في عنق الرحم او الف شي طلعته

فلي سوته

اريد اعرف وين سويتي هالاشعه ؟؟

ومتى سويتها بعد الدوره والا متى بالظبط ؟؟

الي تعرف عنها شي تخبرنا

ويزاكن الله خير

المزيد من آخر المواضيع من نفس القسم:

**أحلى المعاني** · 2009-08-15, 02:45

اختي سوتها في راك
بس عورتها وايد فديتها لانه طلع عندها انسداد خفيف فقناة وحدة من قنوات فالوب
عند دكتورة خاصة بعد الدورة بيوم
بس احسن انه الوحدة تتحمل الالم وتسوي يمكن يكون سبب حمل باذن رب العالمين

**BinKhadim** · 2009-08-15, 02:49

انا سويتها على شهر 4 ... ما اذكر اسم المكان لاكنه كان في الشارجه على البحيرة ...

اول شي يضربونج ابرة ( مخدر بسيط) ... وعقب ربع ساعه يبدون يسوون لج التصوير ... في البداية ما يعور موول .. وعقب تبدين تحسين بالالم بعد ما يبدا الرحم يمتلي بالسائل ... واذا كان في انسداد بيفتح ابروحه ... وعقب بيبدا السائل ينزل ابروحه ...

لازم اتسوينها في اول يوم بعد الدوورة ... او في آخر يوم للدورة بعد ما يوقف نزول الدم ...

**ماي العين** · 2009-08-15, 13:10

الدكتوره بتسويلي اياها قريب ان شاء الله

الي اعرفه انها اتظهر اذا الأنابيب فيها شي ولا لا

**نجمة اسهيل22** · 2009-08-15, 14:21

المشاركة الأصلية كتبت بواسطة العوش99

مرحبا خواتي

شحالكن عساكن بخير

ابا اعرف حد سوى اشعه الصبغه انا هرموناتي كلها سليمه ولله الحمد

فقالت لي الدكتوره لازم اسويلج اشعه الصبغه عشان اشوف اذا فيه انسداد بالانابيب او تشوهات في عنق الرحم او الف شي طلعته

فلي سوته

اريد اعرف وين سويتي هالاشعه ؟؟سويتها في مستشفى المفرق

ومتى سويتها بعد الدوره والا متى بالظبط ؟؟بعد الدوره

الي تعرف عنها شي تخبرنا ....:الاشعه ابدا ماتعور كانج تسوين فحص نسائي اللهم يدخلولج ماده سائله وبتحسين انها بارده وعقب بيصورونج تصوير اكس ري اظن هذا اسمه وبس..ولازم تاخذين عندج اولوييز لان بنزل الماي ودم بيستمر ليومين او 4

ويزاكن الله خير

**فواحة كالورد** · 2009-08-15, 14:40

عادي انا سويتها ..عقب الدورة على طول .. في مركز ايماج في الشارجة Image المهم الصراحة انا وايد كنت خايفة بس ما تعور يادوب مثل ألم الدورة و عوار شوي في الظهر بس مب مثل اللي قريت عنه قبل ما اسير اسوي الاشعة .. قريت انه ألم و عوق و .. و .. و .. لأني تميت هادية و ما أتحرك ماعورني وايد ..وعقب الأشعة عورتني فخوذي شوي مثل ألم الدورة .. بس كله راح عقب الأشعة بساعة تقريباً .. لا تاخذين بتجارب البنات كل وحدة تجربتها غير توكلي على الله وسيري .. ولا تنسين تاخذين وياج فوطة صحية (كوتكس) أو أي نوع لأن نزل مني دم خفيف عقب الأشعة و ماكان عندي كوتكس حطيت كلينكس ونزلت الصيدلية اشتريت و في حمام شيشة البترول لبست الكوتكس .... خخخخخ قصيت قصة حياتي صح ؟؟ وهذا اللي صار وياي .. والله يكتب لج الذرية عاجلا غير آجل ياااااااااااااارب

**ساحرة العيون** · 2009-08-15, 17:11

الصراحه يوم بيسوولج بتحسين بعوار انا تميت اصييح من العوار

**ريان الحب** · 2009-08-15, 17:43

انا سويتهاا 3 مرااات ( اليوم 9 من الدوره في الفجيره والمره الاولى في مركز انجاب في الشاارجه )
الصراحه اذا كاان عندج انسداد بيعورج لما بنفتح الانبووب
وان شاء الله الشهر هذا بسويهاا للمره الرابعه
لاني اول مره سويتهااا ما انفتح ولا انبووب عندي والمره الثاانيه الانبووب اليسار انفتح نص فتحه والايمن ما انفتح
والمره الثاالثه انفتح الايسر كاامل واليمين نص فتحه وان شااء الله الشهر هذا ينفتح عندي الانبووب الايمن كامل وافتك( طوولت عليج ادري بس اخبرج بتجربتي)

**@غرشوبه@** · 2009-08-15, 17:55

انا بسويها عقب باجر أن شالله

في لايف لاين بووظـــــــــــــــــــــــــــــــبي

الغاليه كلهن يقولن تعور بس ألا عوار ساعه وبنفتك أن شالله لله يكتب لنا الحمل

^________________________* موفقه

**سنة خير** · 2009-08-15, 19:25

ابصرااحه انا بقولكن سويتها يوم الخميس اللي طاف في المركز الدولي للاشعه في الشارجه مكانهم في برج الكرستال عالبحيرة الدور الاول
السعر كان 750

انا قبل لاسير اوردي دكتورتي عاطتني حبوب مضاد و حبوب بروفين وقالت لي قبل لاتدخلين بنص ساعه اخذي حبة بروفين 400 جرام عشان تخفف الالم

هيه صح سويتها في اليوم السادس من الدورة انا دورتي بس 4 ايام الحمدلله

و بعدين تعالي هم ما يسوونها و انتي فيج الدورة لازم الدورة اتخلص و عقب يسووونها لج

المهم انا ما عطوني ابرة تخدير ولا شي بس لازم حزة ما بتدخل الدكتورة المنظار تكونين مسترخيه و ما تكونين شاده عمرج و صدقيني ما بتحسين بالويع اللي هو ...

و الله ما بجذب عليج اني كنت سايرة و انا زاايغه لانه كلام البنات كان يرن في بالي و لكن الحمدلله ربج سهل عليه الامر بس نزل لي شوية دم في نفس اليوم .... و عقب ما خلصت سوت لي الدكتورة بالسونار بعد عيبتني غرفتهم لانه يكون تلفزيون مجابل الدكتورة و تلفزون مجابلنج منسدحه عالشبريه و عيني عالتلفزون اللي جدامي خخخخخخخخخ وناسه

عطوني صورة الاشعه و التقرير و سي دي فيه التصوير

و ربنا كريم و نحن نستااااااااااااااااهل واااااااااايد هذربت و إذا لقيتي اغلاط إملائية مشيها و سلامي لج..

**نهر الحرير** · 2009-08-15, 22:40

انشاء الله تحملين قبل الاشعه وما تحتاجين لها

**دمـعے العيونے** · 2009-08-15, 23:59

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآي يعوووووووووووووووووووووور
جربته الاسبوع إلي طاف ريولي تنتفض قو والله يعور واايد مثل الدوره واكثر = (
صحت لين ما قلت بس
والحمدالله طلح الرحم عندي سليم اميه بالميه الحمداااااااالله

**AL-Maith** · 2009-08-16, 01:30

آآآآآآآآآآآآآآآآآآآآآآآي ذكرتيني بالالـــــــــــــــــم..
انا سويتها في دار الشفاء بوظبي
الالم بتحسينه في الرحم قريب البطن
الله يعينج واااااايد عورني انا

**العوش99** · 2009-08-16, 02:07

شكرا لكل من ردت عليه

والله يرزقنا أجمعين يارب

انا بسويها في اليوم التاسع من الدوره

وان شاء الله يكون كل شي سليم يارب

**لولو23** · 2009-08-16, 02:12

توكلي على الله الغاليه ..
ومايعور مثل ماتتصورين .. بيعطونج قبل حبه تبلعينها وعقب بيعطونج ابره
وخلاص انتهي الموضوع ..
انا سويتها من اسبوع او اكثر

الموضوع: الي جرب أشعه الصبغه للرحم يدخل يفيدنا الله يخليكم

أدوات الموضوع

عرض

الي جرب أشعه الصبغه للرحم يدخل يفيدنا الله يخليكم

المزيد من آخر المواضيع من نفس القسم:

مرحباا

المواضيع المتشابهه

منو جربت اشعة الصبغه للرحم

أشعه الصبغه؟؟

الكل يدخل الله يخليكم ويحفظكم ..

الدكتوره أحلام أشعه الصبغه

الكل يدخل ويدعيلي الله يخليكم ..................