ممكن تساعدوني ,, ضروري ,,

[قاروره]

السلام عليكم خواتي ,,

بغيت منكم شغله ,,

انا طالبه فجامعه فبوظبي و دوامي الصبح و رمضان ياي ودوامنا فنص رمضان بس ما عليه بتتدبر ,, ادور لي شغل المسا ,, و ابيه اليوم قبل باجر ,, و الله حالتي ما يعلم بها الا الله ,, لو شركه خاصه و معاشهم جليل ما عليه بس ابي شغل ,, بشتغل بشهادة الثانويه ,, و ابي شغل يبدا من الساعه 5 ,, و اخلص فيه المسا ,,

اللي تعرف مكان و جي تقولي فوين عسب اقدم ,, اللي ما تعرف تسال حد من قرايبها او شي ,,

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[أم دانووه]

للرفع

[diya]

الغلا ما تبين شغل المندوبة؟؟؟تبيعين بين الاهل والمعارف؟؟

[الدماني5]

ان شاء الله تحصلين
الله يسر أمرج

[قاروره]

كيف بتكون الشغله ,, ماعرف ,,

[بنوتة صغيرونة]

^
^

اسالي من وحدة من التاجرات تكونين مندوبة لها و قولي لها شو المفروض تسوين ..

و اذا تعرفين تصممين بيعي تصاميمج للناس

او سوي بحوث و تقارير لبنات الثانوية العامة

و اذا عندج ليسن حاولي توصلين بضاعة التاجرات في امارتج يمكن تستفيدين ..

وان شاء الله الله ييسر لج امورج

[قاروره]

بنوته الصغيرونه ,,

اختي انا عندي تصاميم و كل شي ,, و حاولت اتواصل مع اللي راح يسويلي اياه ,, بس لين يومج هذا ما رد علي ,, بس الظروف ما تساعدني اني اروح له ,, و هالشخص فالعين ,, يعني مسافه ,, انا عندي ليسن بس بدون سياره ,, و متبهدله و جي ,, يعني ما بروم اتنقل وايد ,, حتى سايق خاص ما عنا ,, و احاول قد ما اقدر اني ادبر عمري حق الجامعه ,, عسب جي طلبت اني اشتغل فشغل المسا ,, و انا ابي حد يشرحلي وظيفه المندوبه ,,

[تعب حال]

مندوبه حق تاجره تعطيج بضاعتها وتبيعنيها عند هلج وربيعاتج

ولج عموله

يعني لو بعتي بقيمة 5000 الج 500 مثلاً

^^"

[قاروره]

بتصل فيهم ,,

[rozee]

الانصاري للصرافه