تعالو براويكم صورتي

[الدر الثمين]

السلام عليكم ورحمة الله وبركاته..

بكل صراحة ودي ارمس عن موضوع وااااااااايد مهم وضروري واشوف ان اغلبية البنات غافلات عنه..

موضوعي اوجهه للبنات الي يصورن ويعرضن صورهن فالنت


اختي الغالية,,
كيف ترخصين نفسج للي يسوى والي ما يسوى.!!
كيف تهون عليج نفسج اتسوين بعمرج جذه!!
كيف عينج اتغمض وانتي صورتح فالنت والكل يقدر ايشوفها؟؟

مب الاولى اتصونين جمالج واتحافظين عليه؟؟؟
الكل عارف ان هالمنتدى مترووس رياييل ما عندهم ذمة ولا ضمير,,, وممكن ياخذون الصور وينشرونها واتطيحين في بلاوي وفضايج انتي في غنى عنها,,

شو موقفج حزتها؟؟؟
شو بتقولين حق ابوج؟؟ اخوج؟؟ امج؟؟ اهلج؟؟ الناس؟؟؟

اتقي الله في نفسج يالغالية,.. وكلمتين المدح الي تسمعينها من البنات ما بينفعنج اذا طحتي في مصيبة لا سمح الله,,,

انا استغرب منكن والله

اللي اتصورلي عيونها وخشمها, انزين شو تم من الويه؟؟؟
واللي اتصورلي جسمها.. مب حرام تعرضين هالجسم الفتان للي يسوى الي ما يسوى؟؟!! الله انعم عليج,, صوني النعمه,,
واللي اتصورلي ايديها محناية,, واللي واللي واللي ...


ليش هالغفلة اللي انتو فيها... زمنا هذا ما منه امان,,,

والادهى والامر من هذا كله,,, يوم ادخل موضوع فيه صور واشوف ردود البنات,,

روووعه
جنااااان
خبااااااال
وين اتحنيتي؟؟
وين حطيتي الميكب ؟؟

تيني جلطة والله,,,
ولا وحدة تنصح
ولا وحدة اتحاول اتصحيها من غفلتها,,
ردودكم معناها التاييد والموافقة على هالشي...


والله عيزنا من كثر ما نرمس وانقول لا اتحطون صوركم,, هالنت مامنه امااان,,
لكن امنو يسمع,,
الله يهديكن كلكن ان شا الله
والسمووحة,,,^_^

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير