ملجة أخوي

**نبض القلم** · 2009-08-13, 09:13

السلام عليكم ورحمة الله وبركاته

خواتي بغيت مساعدة منكن واستشارة، يالسين نخطط لملجة اخوي، فحبيت تخبروني كيف تكون الهدية للعروس يعني شو رايكن فالذهب يكون ابيض احسن او اصفر او مخلوط وخفيف او ثقيل؟؟ وشو انواع الساعات الحلوة تكون مهمه لهاليوم،ووين الاماكن الحلوة للذهب في الشارجة وللساعات بعد، اعرف سوق الذهب والسوق المركزي..؟؟

وبغيت بعد تخبروني وين الاماكن الحلوة الي نقدر نزين فيها الزهبة ويكون شكل حلو في الشارجة؟؟؟

وبعد بغيت طريقة لتقديم المهر؟؟ كيف يكون وين مكان ممكن يسويلي ترتيب حلو ومرتب؟؟

اتمني ما تخذلوني وتساعدوني بافكاركن

جزاكن الله خير

المزيد من آخر المواضيع من نفس القسم:

**حدي دلوعه** · 2009-08-13, 09:31

الف الف مبرووووووووووووووك.. بيت عامر بالافراح يارب
الله يوفقهم ويسعدهم

السموحه غلاي ما عندي افكار الحين... احس عقلي مقفل الحين

امممممم بالنسبه للذهب.. انا احب الذهب الاصفر الاطقم الخفيفه ----> شو يخصني شو احب ولا ما احب اللي يقول انا خطيبة اخوج

بس الذهب الابيض وتشكيلاته وايد حلوه...

**نبض القلم** · 2009-08-13, 09:33

جزاج الله خير على ردج

انزين يوم تتفجيين وعقلج يكون مرتاح، خبرينا عن افكارج الحلوة

**طيرالسما** · 2009-08-13, 09:34

مبروكين مقدما
والله يوفقه ويسر عليه
الذهب الغاليه يختلف والناس اذواق..عموما تكون هدية العروس في الملجه طقم كامل ويفضل انه يكون ثقيل لانه يعتبر طقم الشبكه...والدبله مناسبه تنلبس مع الذهب الصفر او الابيض..
والساعه تكون معروفه وتصلح تنليس ويا فستان العرس..
اما عن الترتيبات في الشارجه اماكن لا حصرلها ولا عد بس اغلب اماكن الورد يرتبن ترتيبات حلوه اهم شي تودينه لهم من وقت عسبة ما يستعيلون عليج... وبعد خواتي في المنتدى بعد ما بيقصرن معاج..
الله يوفق الجميع ويفرحكم فيه.

**نبض القلم** · 2009-08-13, 09:45

جزاج الله خير على الرد

هي اكيد بيكون الطقم كامل، بس شو الاماكن الحلوة الي ترتب هالامور، اعرف حدائق روز واثير للزهور

وبغيت طريقة للمهر كيف يكون تقديمه

**الشرية** · 2009-08-13, 10:17

للرفع
الله يوفقكم ويسعدكم

**مبروكين** · 2009-08-13, 10:41

بالبركه الغلااا ..
اسالو البنت شو تحب ذهب ابيض ولا اصفر ولا مخلوط ويفضل الطقم يكون ثقيل
بتحصلون محلات سوع حلوة في سوق الذهب او اسالو البنت شو الماركة اللي تحبها ..
وموفقين ان شاءالله

**الأصالة** · 2009-08-13, 10:49

بالبركه غناتي
والله يوفقهم يارب

**نبض القلم** · 2009-08-13, 10:56

انزين خبروني طريق تزيين واماكن حلوة ترتب حلو وتزين

**Anwaar** · 2009-08-13, 11:05

انا ما اخذت ذهب اصفر ابدا كل الذهب الاصفر اللي ياني كان هدايا من داماس (المنثورة وفرفشه وشي بعد نسيت اسمه) والسوع كونكورد وجيفنشي وديور وبوليس وهيرمز وغيره

ساعة العرس من ماركة فرانك روشا من الدهام للمجوهرات والدبله من سالم الشعيبي والطقم انا صممته وطرشته برا ينفذونه لي

بس عشان استوعب سؤالج.. هل تقصدين الهدايا والا الزهبه كجزء اجباري ورئيسي من تجهيز العروس؟

**Anwaar** · 2009-08-13, 11:06

وبالنسبه للتزيين شوفي المناسبات للزهور صوب مركز الفردان عالبحيره

**نبض القلم** · 2009-08-13, 11:18

بارك الله فيج وفي ردج

لا هدية الملجة يعني تراها دبلة وطقم وما ادري بعد شو نحط وياه؟؟

وطريقة نقدم فيها المهر، يعني يكون شكله حلو نحطه في شكل مميز عدال الطقم والساعه

**مبروكين** · 2009-08-13, 11:26

المشاركة الأصلية كتبت بواسطة نبض القلم

بارك الله فيج وفي ردج

لا هدية الملجة يعني تراها دبلة وطقم وما ادري بعد شو نحط وياه؟؟

وطريقة نقدم فيها المهر، يعني يكون شكله حلو نحطه في شكل مميز عدال الطقم والساعه

الهديه على حسب الميزانيه اللي حاطنها المعرس
مثلا اشترولها قطع حراير مجموعة عطور ولوشنات دخون وعود ودهن عود
واذا الميزانية اوكي اشترولها شنطه ماركة وساعه من نفس ماركة الشنطة او ماركة ثانية
ومجموعة شيل وو شو بعد
طريقة تقديم المهر ماعندي فكرة

**نبض القلم** · 2009-08-13, 11:30

هي حاطين في بالنا عطور وهالسوالف

بغيت اماكن حلوه انزين ترتب لي الذهب والمهر والعطور

**كيفي !** · 2009-08-13, 14:24

عزيزتي .. أي محمصة أو محل زهور يقدرون يرتبون لج الهدايا .. لا تتقيدين بمحل معين .. إنتي سيري أقرب محمصة أو محل زهور وهم بيرتبونه لج

موفقين يا رب ..

الموضوع: ملجة أخوي

أدوات الموضوع

عرض