شو تنصحوني ؟ (متردده)

[šάjάџά]

السلام عليكم ورحمة الله وبركاته

شحالكم عضوات منتدانا الغالي ؟

بدش في الموضوع وما بطول عليكم

انا ولدي عمره 3 سنين وشهرين وهذي السنه سجلته kg1
بعضهم قالوا لي ان بعده صغير بس انا اذكر في عمره دخلت الروضه
وهذا اول عيالي البجر ..وأحاتيه وااايد وما اعرف كيف اتصرف
وخاصه انه يعاند في سالفة الحمام << عزكم الله
اللي بغيت اعرفه منو منكن دخلت ولدها الروضه بهـ العمر وشو تنصحوني ؟؟
اخليه فـ البيت لين ما يكمل الاربع سنوات << صدق محتاره !!!

ياليت تفيدوني واكون شاكره لكم

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ريم2009]

نصيحه خليه يكمل 4 سنوات أنا ولدي ألحين بدخله لأنه كمل 4 سنوات ..
ولدج صغير ويباله أنتباه وملاحظه فالمدرسه لأنه يمكن مايروح الحمام وعقب ينحرج ويتعقد أن سوا شي على روحه وظحكوا عليه اليهال ..
مدري هذا رأي ..

[dbooh]

حبيبتي انا اشوف عادي لان ولدي البجر دخل وعمره 3 سنوات و 5 شهور والحمدالله ما وجهت مشكلة وياه يمكن لأني عودته على الحمام وكنت وايد احمله المسؤولية واخليه يعتمد على نفسه فهذا الشي ساعدني.. فهذا يعتمد اولا عليج اذا ترومين الحين تعودينه شوي شوي وبعدين يكون عند المدرسة مساعدة توديهم الحمام وتهتم بالصغارية .

[صمت الاصايل]

احسه صغير خليه يكمل الـ4 سنوات ولا تستعيلين عليه

[cute uae]

حبيبتي انا اشوف عادي لان ولدي البجر دخل وعمره 3 سنوات و 5 شهور والحمدالله ما وجهت مشكلة وياه يمكن لأني عودته على الحمام وكنت وايد احمله المسؤولية واخليه يعتمد على نفسه فهذا الشي ساعدني.. فهذا يعتمد اولا عليج اذا ترومين الحين تعودينه شوي شوي وبعدين يكون عند المدرسة مساعدة توديهم الحمام وتهتم بالصغارية .

نفس الشي
و لدي الكبير دخلته الروضة يوم كان عمره 3 سنين و 5 شهور .. و كنت معلمتنه كيف يتغسل من قبل ما ايدش الروضة (ما شاء الله)

[ام عبـدالرحمن]

خليه لين ما يكمل ال4 سنوات
انا بنتي الحين بدش الروضه و عمرها 5 سنوات ولا طول بدخلها ثاني روضه

[ام فطييم]

اممممممممممم ما اعرف

[اماني الحياه]

يالغاليه بعده صغير

خليه لين يكون عمر

4 الله يحفظه لك

[شانون]

انا انصحج ادخلينه وعمره 3 سنواات حرااااااام اظيع علييه سنه

احسلج دخليييه وعودييه على الحمااام (عزج الله )
ووصي عليه المعلماات في الكي جي
العلم في الصغر كالنقش على الحجر لا تقوولين بعده صغير

[الرهام]

أختي أنا رايي لا تستعيلين عالولد بعده صغير فديته خليه ايكمل الأربع اسنين.. مو مسألة اتعلم عالحمام وإلا لا ... المسألة إن المناهج صعبه وكل سنه تتغير والعيال صغار الله يحفظهم... يعني الدراسه وراه وراه ما بتفرق هالسنه بالعكس بتكون فصالحه ...إذا بتشوفين عيال صف أول بتلاحظين إن لصغار فالعمر متأخرين عن أقرانهم فالفهم والكتابه والحفظ بعد ..أنا عن نفسي كنت أمدخله ولدي وعمره 3 سنين وشهر مع عيال من أهله بس أكبر منه بسنه فكان الفرق واضح فسرعة الفهم والحفظ ما بينهم ..حسيت الولد قام ايشوف عمره كسلان ومو شاطر فتلاحقت عولدي وطلعته ودخلته عالسنه اللي عقبها هالحين ماشاء الله ايسير صف رابع الله ايحفظه ومن المتفوقين ولله الحمد
يعني سنه مابتأخر ولا بتقدم فعمر الآدمي ...فلا تضغطين الولد .هذا رايي

[نونو الحلوه]

أنا أشوف عادي دخليه المدرسة خاصة إذا كان هو يتكلم عدل ، أنا ولدي العود دخلته وهو عمره 3 سنوات وشهر
بس الأصغر عنه دخلته وهو 4 سنوات لأنه ما كان يتكلم ، ففي البداية دخلته حضانة علشان يتعلم النطق ، والحمدلله
الحين هم الإثنين من المتفوقين ماشاءالله .

[الفخامة]

انا انصحج وبشدة ادخلينه وعمره 3 سنواات

حرااااااام تضيعين عليه سنه

الأفضل دخليه الروضة

وعوديه على الحمااام (عزج الله )

ووصي عليه المعلماات في الكي جي وهم ما

بيقصرون وأصلا هم متعودين ع سوالف اللأطفال ولا

ليش بالأساس معلمات أطفال

العلم في الصغر كالنقش على الحجر

لا تقوولين بعده صغير

[بنوتة العين]

أنا مسجله ولدي في كي جي 1 وعمره بيكون يوم بيدخل 3 سنوات و8 شهور

وااايد متردده بس احسن له بدال قعدة البيت وغذا شفته ما استفاد يمكن اخليه يعيدها

والحمد لله صليت استخاره ورتحت

[تكنولوجي ر]

أنا دخلت بنتي و هي 3سنين و شهرين و الحمدلله ممشيه في الدراسه لكن اتعب وياها و الحين كل ما بغيت انقلها مدرسه احسن يقولون بنزلها سنه لانها صغيره نصيحة أخت دخليه الحضانه و الله المدارس الزينه ما يقبلونه لان السن الطبيعي 4 سنوات.

[تكنولوجي ر]

انا انصحج وبشدة ادخلينه وعمره 3 سنواات

حرااااااام تضيعين عليه سنه

الأفضل دخليه الروضة

وعوديه على الحمااام (عزج الله )

ووصي عليه المعلماات في الكي جي وهم ما

بيقصرون وأصلا هم متعودين ع سوالف اللأطفال ولا

ليش بالأساس معلمات أطفال

العلم في الصغر كالنقش على الحجر

لا تقوولين بعده صغير

اي سنه بتضيع من عمره حياتي السن الطبيعي و العالمي في بريطانيا و امريكا و اليابان 4 سنوات