شو نسوي مع هالحرامي؟!

**A+k** · 2009-08-11, 22:38

السلام عليكم
بصراحة ضاربتني ضيجة من هالسالفة شوفو واحكموا:
قبل تقريبا شهرين قلت لريلي بسير أفصل حق العيد قبل الزحمة سرت سوق الجديم فالشارجة وخذت لي قطعتين ع أساس أخورهن
سرت الخياط فالسوق نفسه وأخترت الخوار وكل شي واتفقنا ع السعر مبلغ وقدره وريلي دفع له السعر كامل وحتى التفصيل قال راعي الخياط برايه بخليه عليه وعطانا الفاتورة وظهرنا
اليوم خواتي سارن بيظهرن مخاويري تخيلوا شو صار؟

يوم عطوه الفاتورة قال إن نحن ما دفعناله درهم واحد
غشنا ونحن بعد ماجيكنا ع الفاتورة قبل مانظهر من عنده
بصراحة ماتوقعته يطلع حرامي
ألحين شو انسوي ريلي قال مابسكت له لأن نحن فبوظبي
وبعده ماسرنا الشارجة
يعني ليش شافنا مواطنين قال عندهم بيزات وايد ولا شو سالفته؟
كيف نتصرف مع هالناس؟؟

المزيد من آخر المواضيع من نفس القسم:

**أبنةأمنة** · 2009-08-11, 22:45

قالوا له بنبلغ الشرطه .............

او حلفوه وان انكر ادفعوا واحتسبوا عليه الله ..........

انتوا غلطتوا لازم تشيكون علي الفاتورة .......

يمكن نسي بعد هو مادام مش مكتوب في الفاتورة ...........

الله يعوض عليكم.

**أم ريمـاني** · 2009-08-11, 22:57

لا حول ولا قوة الا بالله

يبا ياكل بيزات حرام قبل الرمضان.؟!!!

انتوا سيروله يمكن يتذكر شكلكم ,,

**Um_Raian** · 2009-08-11, 23:04

بلغو الشرطه بس المشكله انه ماشي دليل صج مشكله ووهقه

**دموع النور** · 2009-08-11, 23:09

حسبي الله ونعم الوكيل

المفروض حبوبة انج اتأكدي عليه يكتب بالفاتورة انج دافعة

**bint_bladey** · 2009-08-11, 23:11

هاي مشكلتناا ماانجييييك .. انا قبل جي كنت

الحين اجييك حتى على الفلس

اختي سيروا يمكن يذكر اشكالكمـ

لان مافي فايدهـ مابيدكمـ شي

وترى صح هالجنسيات يتحرون المواطنين مليونيريه ... ولاقطين بيزاتنا من الشارع

**A+k** · 2009-08-11, 23:20

أنا مب أول مرة أفصل
دوم أفصل بس ولا مرة صار معايه هالموقف
حسبي الله عليه ياكل بيزات حرام

**ريد 2020** · 2009-08-11, 23:29

حبيتي ليش تعطونه المبلغ كامل

المفروض ما تدفون له شي .. يعني نحن نخيط عندنا بالعين .. ويكتب الفاتورة .. وبعطينا اياه وعند استلام الملابس\ندفع ... ومرة ضيع الخياط كندورتي قلت له ما بعطيك فلوسها إلا لما تظهرها ..

شوفي حبيتي هو استلم الفلوس كامله ..
قبل لا بفصل الثياب !!

وهالشي قو عينه وشكله يبا ينصب عليكم اونه ما دفعتو ..

او لو يوم دفعتو كتبتو بالفاتورة ( دفع المبلغ كامل)

والله يرد حقكم بس مرة ثانيه لا تعيدونها
مالهم امان يستغلون طيبة عيال االبلاد

**عاليه متعاليه** · 2009-08-11, 23:29

حسبييييييييييييي الله عليه ..~ ياكل فلوس حرآم ..~
لازم كنتوا تشيكون ..~ قبل .. ^^

ولا تسكتون عن حقكم ..~

**@وردة جوري@** · 2009-08-11, 23:33

مشكله والله
ومافي دليل على انكم دفعتو !!!
حرااام

**الهوجسية** · 2009-08-11, 23:36

الله يهديج بس ليش تعاطينه الفلوس من اول شي يمكن عربون اوكيه .. نحن انفصل و في موعد التسليم نعطيهم البيزات ماتلقفهم من اول شي شو يظمن اصلا انه مايخربهن او يسوي الحركة اللي سواها معاكم ..

**فساتين عرايس** · 2009-08-11, 23:50

الله يعينكم صراحه محد مايغشنا احينه

**سحـابة خير** · 2009-08-12, 00:14

الغلط منكم اختي سمحيلي

والشرطه مابتسوي لكم شي لان اوراقه سليمه

دفعوا وامركم لله

**سحـابة خير** · 2009-08-12, 00:15

على فكره بالعاده الخياييط لما تدفعين بعد ماتستلمين الفاتوره يكتبون بالورقه الخضرا يعني النسخه اللي عندهم بالدفتر

خليه يشيك عليها

واذا مافي خلاص دفعوا

**البنون** · 2009-08-12, 00:17

حسبي الله ونعم الوكيل عليهم

الموضوع: شو نسوي مع هالحرامي؟!

أدوات الموضوع

عرض

العرض المتطور

شو نسوي مع هالحرامي؟!

المزيد من آخر المواضيع من نفس القسم:

المواضيع المتشابهه

شو نسوي معاها؟؟؟؟؟؟؟

تعالو نسوي ..

شو نسوي؟؟!!