الاطفال والاكل

[moja1979]

السلام عليكم

حبيت اسال متى نبتدي ندخل للرضيع اكلات غير الحليب مع اني ارضع بنتي طبيعي وايغي اعرف متى اعطيها اشياء ثانيه غير الحليب مع العلم بنتي عمرها شهرين ونص

اسمحولي وايد اسال لانه اول مولوده لي وما اعرف شو اسوي اتمنى استفيد من خبراتكم

ولكم الشكر

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[babaty]

الغاليه بنتج بعدها صغير دخلي الاكل يوم بتدخل 6 شهور

[moja1979]

للرفع

[salamaaaaa]

up
up
up

[BenToooH]

بين الـ4-6 شهور
بس الأفضل واللي ينصحون فيه الدكاترة انج بس ترضعينها لين السادس عقب تأكلينها

[العيناوية عنيدة]

في الشهر الرابع ابدي دخليلها اكل بسيط مثل التفاح المهرووس والجزر و الكوسا كله هرسيه وعطيها شووي

[عسوله كسوله]

انا اكل ولدي ع الشهر الرابع والحمد ةالله اشةي اشوي ياكل

[Bint_sl6an]

يوم بتكمل بنتج 6 شهور دخليلها أكل ...
حرام لا تأكلينها قبل و عقب تتبهدل بالأكزيما ...
سوي سرج في قوقل و شوفي مضار انج تأكليت الطفل قبل الـ 6 شهور ...
يعني قبل يأكلون الياهل يوم يكمل 4 شهور .. صبري شهرين زياده .. ما بيصير شي

[الياسية وبس]

اول ماتبدين تغذين طفلك من ( الشهر الخامس )
وبعض الدكاترة يقولون من السادس

بس أنا أكل ولدي من الشهر الرابع


ممكن تعطينه الاعشاب مثل اليانسون والنعناع وغيره ..
وماي التمر مغذي ويسمن ..

طريقته :

انقعي تمرتين بماي مغليه ..
واهرسيها بالشوكة اذا ذابت التمرتين .. صفيها وخذي الماي بس ...بالرضاعه ...

ابدي معه بعصير البرتقال المخفف

[Bint_sl6an]

عصير البرتقال المخفف ما ينعطى الياهل إلا من الشهر السابع و فوووق

[zoomyat]

راجعي هالكتيب اختي

http://forum.uaewomen.net/showthread.php?t=487971


والاحسن انج ما تعطين بنتج اي اكل قبل ال6 دام انج اترضعينها طبيعي ...

[سلسبيل77]

الغالية تبدين من الشهر ال6 حتى تمنعين من تولد حساسية لها من اي طعام ..والطفل ما يحتاج اكثر من الحليب كغذاء في اول ال6اشهر الاولى من حياته ...

[ام_سعدوني]

حسب كلام الدكاترة والصحة و...... 6 شهور
التمر من اول اسبوع لهدي الرسول صلى الله عليه وسلم - عن تجربة يهدي الاطفال وينومهم ويخليهم افصح من اليهال الثانيين
الحساسيو الاكزيما تي حتى حق اليهال الي يشربون حليب امهم بس
بالنسبة لعيالي بديت معاهم من اربع شهور وبصراحة احس ان من تعطيهم شوي شوي يرقدون فترة اطول

اسمعي تجارب الامهات وبعدين قرري الانسب بس كل شي سوي على الخفيف والمولود الاول معاناة و الله يوفقج

[أم الحلا]

أنا بديت أعطي ولدي من أول ما دش الشهر الرابع..بديت أول شي بماي التمر واااااايد يفيد وزين تعطينها على العصر بس لو فيها كحه لا تعطينها ترييها لما تخف وبعدين عطيها لأنه يزيد الكحه بس وااااااايد مفيد يشبع ويغذي..وتقدرين تعطينها بعد رز الأطفال من ميلوبا خفيف وزين طبعا لما تسوينه يكون مخفف مش غليظ علشان تقدر تهضمه وعطيها تفاح مهروس والأفضل تسوينه في البيت يعني تقطعين التفاحه وتفورينها في شوية ماي إلين ما تلين وعقب أهرسيها بالشوكه أو في الخلاط بس لا تزيدين ولما تدش الخامس سويها كوسا مهروسه أفوكادو بعد زين لو في الرابع أنا إنشاء الله بشتريه وبعطي ولدي..ولا تعطينه قمح ولا بطاطس إلا في السادس..وترى التفاح والرز والأفوكاو والتمر والموز ما يسببون الحساسيه لا تخافين..أنا مثلج وهذا أول بيبي لي فعلشان جذي أقعد أدور وأتصفح في النت وأسأل وأدور الشي المفيد وأسويه له..ولا تبغين شي لا تتردين في للسؤال وفي وحده من الخوات كتبت موقع مفيد واااااااااايد عن أكل البيبي وشو تعطينه ومتى والأكل اللي تقدرين تسوينه له في البيت..مش موجود الحين لو بغيتيه بطرشه لج..والسموحه طولت عليكم..