بغيت نصيحتكم

[عسولة زوجها]

مرحبا خواتي


شخباركم

بغيت نصيحتكم

راح أنتقل إنشاء الله أبوظبي

وشقتي هناك تتكون من غرفتين وثلاث حمامات ومطبخ ومخزن وصالة

للعلم عندي ولدين وشغاله

في البداية فكرت المخزن أخليه غرفة خدامه

والحين أفكر أستغني عن الخدامه

شو رايكم
لان المخزن راح احطي فيه الكواي + مكنسة الكهرباء

ما أعرف شو أقولكم


استغني عن الشغالة
ولدي واحد عمره 4 سنوات

والثاني 9 شهور

وأنا ما أعرف أطبخ بس راااح أتعلم

للعلم الشغالة ما تعرف تطبخ

شو تنصحوني

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[BinKhadim]

الصراحه احسن لج اتمين ابدون خدامه لو ما كنتي اداومين ,,, لاكن اذا اداومين الله يكون في عونج ...
واذا عن الطبيخ ترا والله ما يبالة اتحاتين ... ابسرعه بتتعلمين ... لو خبصتي الدنيا مرة ومرتين ... والحين ما شاء الله كتب الطبخ اتعلمج كيف تسلقين البيض حتى ... وعندج الانترنت ما يقصر والبنات عندنا في المنتدى ما شاء الله عليهن يحطن لج الطبخة بالتفصيل الممل ...
ووالله بتاخذين راحتج في بيتج وبتلبسين الي تبينه بدون خدامه اتراقبج طول الوقت ...

[strawberry_77]

نصيحتي لج اختي تستغنين عن الشغاله لان ماوراهم غير صدعة الراس وخاصة بيتج صغير وعيالج صغار
وربي يوفقج ااامين

[البدواويه]

بعدين عيالج صغار بيلعوزونج انتي تطبخين او بتغسلين او يتكوين الثياب
خليها رمضان ياي على اقل بتساعدج في شغل البيت

[لمسة سحريـة]

اختي خليها عندج تساعدج بشغل البيت خاصة انه رمضان و العيد بتحتاجينها

الغالية خلي المكنسة بغرفتها اللي تنام فيها عادي

[ابيك بعيوبك]

خليج بدون شغاله احسن اولا شقتك صغيره يعني مابيكون الشغل كثير وانتي تاخذين راحتج بكل شي لبس اكل ونوم من غير مراقبه والله يسهل امركم

[Lipsy]

رمضان ياي وعندج صغاريه صح انه بدونها افضل بس وجوودها بيريحج شويه في الطبخ والغسيل بعد رمضان شوفي نفسج ترومين تستغنين ولا لااا وووبالتوفيق

[عسولة زوجها]

مشكورين خواتي

وانا ما أشتغل أصلا وبعد ولدي بسير الروضة

مثل ما قلتوا راح استغني عنها

[بريق_العسجد]

انا عن نفسي ما احب الشغالات
و بعدين انتي بشقه موووول ما بتاخذين راحتج
غسال الثياب سهل ما يباله حطي الثياب بالغساله و هي بتقوم بكل شي
و الكواي عادي و على فكره في دراسه تاكد ان كوي الملابس تريح النفس
و الطباخ سهل
انا اول ما اتزوجت ما كان عندي شغاله بس لأني داومت و ما عندي حد يقعد مع عيالي جبت مربيه