مشكلتيه ويا المصروف<ساااعدووني>

**الصدر الحنون2** · 2009-08-11, 07:22

صباح الذكر والطاعه

اخباركم خواتي؟؟

انا بدخل ف سالفتيه ع طول
انا ريلي يعطيني مصروف 6 الاف درهم
لي وللبيت
يعني نحن 3 افراد انا وريلي وولدي والشغاله
بس معاشها ريللي يعطيها
استلم المصروف اول الشهر ايي ثاني اسبوع ويكون باقي ألفين او ثلاث
وين سار الباقي ماعرف؟؟؟!!!!

يعني احس ماشي بركه فيه
ياليت حد منكم خواتي تعطيني طريقه احافظ عليه لين اخر الشهر
تراني تعبانه واايد من هالسالفه

ساعدوني ربي يبارك فيكم

وشكرا

المزيد من آخر المواضيع من نفس القسم:

**black_doll** · 2009-08-11, 07:29

حبيبتي خصصي جزء من المبلغ بشكل شهري للصدقه ولو ولو 30 درهم ..
ان شاءالله بتحصلين البركه في الفلوس باذن الله..

**الصدر الحنون2** · 2009-08-11, 07:34

تسلمين اختي عالرد والمرور الطيب

**مس UAE** · 2009-08-11, 07:35

اختي سوي لج جدول قبل لا ينزل الشهر ....

اكتبي احتياجاتج واغراض ولدج واعراضج ....

ودخلي جمعيه ألفين درهم احسن لج توفرين ...

و4 ألاف خصصي مبلغ مثلا 1000 درهم للولد
3000 لج ...حاولي ما تصرفين اكثر عن 2000 ع اغراضج ...ولا تنسين اللحين كل شي يبا ....ورمضان ع الباب ومن غير العيد يعني لازم بتصرفين ....

**الصدر الحنون2** · 2009-08-11, 07:38

تسلمين يا مس UEA

**Hno0odah** · 2009-08-11, 08:09

انا يا الغاليه شراتج آخذ المصروف من صوب وينصرف من الصوب الثاني

بس قمت اسويلي جدول

يعني هالشهر اكتب اهم الامور اللي احتاجها لي وللبيت وللعيال
ومبلغ احطه في الحصاله وما اسال عنه
ويعني كل شهر واهتماماتي
يعني مثلا الحين ياي ارمضان فاكتب شو الامور المهمه اللي لازم اشتريها لرمضان والامور اللي ابغي اشريها لي
واذا بقى من مصروفي شيء اروح واشتريلي شيء للعيد ابغي افتك بصراحه

واتصدقي بعد

وانشاء الله بيكون مصروفج فيه بركه

**x Yasmin x** · 2009-08-11, 08:19

دخلي 1000 للجمعية

بيبقى لج 5000 درهم...

اول شي أغراض الجمعية :- قبل نهاية الشهر سوي لج قائمة بمصروفات البيت الأساسية والضرورية اللي كل شهر مثلا تشترينها. ودايما خذي بالدرازن او الكراتين لانها اوفر ومابتحتاجين تروحين كل يومين الجمعية. مثل: الحليب ، الزيت .. الخ ! ويوم بتروحين الجمعية احرصي انج تتقيدين بالقائمة هذي ! قد ماتقدررررررررررررين !

إنتي وولدج :- لازم تكتبين في ورقة شو هي احتياجاتكم من السوق مع الأسعار المتوقعة لكل غرض واحسبي كم بيكلفونج. بتطلعين بلستة اتوقع عريضة وطويله .. طبعا مابتشترينها كلها .. لاااا.. بتشترين الاولوياااااااات .. والباقي خليهم حق الشهور الياية ..

ومهم اختي تحددين تقريبا سعر الشي اللي تبينه .. مثلا مفروض تكونين مخططة من قبل انج تبين مثلا عباه بحدود 500 لـ 800 درهم .. عشان يوم تروحين السوق تتقيدين بهالمبلغ..

سويلج حصالة مؤقتة:- يعني مكان تحطين فيه مبلغ معين .. بس بعيد عن "يدج " .. تحطينه .. وسبحان الله ان احتجتيه بتاخذينه .. واذا ما احتجتيه وااايد حاولي ماطلعين هالملبغ من الحصالة . حطي في نيتج ان هالملبغ مابا اخريه ! وهو حق الطواااااارئ لاسمح الله.

وآخر شي حطي لج مبلغ معين حق " النثرية "

ومثل ماقالوا البنات .. طلعي صدقه عن بيتج بمبلغ بسيط !

وبالتوفيق ...

**الصدر الحنون2** · 2009-08-11, 08:37

جزاكم الله الف خير

**الأصالة** · 2009-08-11, 08:53

ما شاء الله البنات كفو ووفو
بس اهم شي الصدقه

**زهرة السوسن** · 2009-08-11, 09:38

الغالية وزعي المبلغ وبتشوفين انه يكفي اذا ريلج يعطيج 6000 درهم
حطي 1000 درهم شهري حق ولدج ولا تزيدين درهم واحد .
حطي لج انتي 2000 درهم مصروفاتج انتي بروحج لا تاخذين حق البيت او ولدج شي منهن .
حطي حق البيت 2000 درهم اغراضه كله ولا تاخذين من مصروفج او مصروف ولدج واذا نقص خلي ريلج ايب الناقص من عنده
بالنسبة للمبلغ الا باقي 1000 هذا خليه احتياط يعني في الشهر اربع اسابيع خلي حق كل اسبوع مبلغ 250 درهم وهذا حق الاشياء الزايده يعني خبز سمون عصر اي شي عارض ويطلع فجأة وصدقيني بتشوفين ان الفلوس اتم انتي تخلطين الفلوس في بوك واحد وتصرفين ولا تعرفين كم صرفتي وكم تم والاهم من هذا كله .... سوي بوك حق البيت وبوك حقج بروحج انتي ولدج وعزلي فلوس وفلوس ولدج وان شاء الله بيكون فيهم البركه وتصدقي لو ب 10 دراهم الله يبارك لج في فلوسج

**Noor Al3yoon** · 2009-08-11, 09:45

المشاركة الأصلية كتبت بواسطة black_doll

حبيبتي خصصي جزء من المبلغ بشكل شهري للصدقه ولو ولو 30 درهم ..
ان شاءالله بتحصلين البركه في الفلوس باذن الله..

**Noor Al3yoon** · 2009-08-11, 09:47

الله يسر امورج ان شاء الله

**re33em** · 2009-08-11, 10:52

مثل ما قالوا البنات في الصدقة بركة وليش ما تفكين عمرج من هالهم وريلج اللي يتحمل سامان البيت وخبرج عاد في الاسعار كل يوم يزيدون فلس ويمكن ريلج ما يدري علبة النيدو كم وصلت وإنتي مضيجه عمرج يالله الوحده حدها تربي عيالها

**Prestigious** · 2009-08-11, 10:56

اكتبي حاجياتج المهمه وكم يبالهن وحاولي انج ما تشترين اي شي ما يفيدج
والصدقه زينه بعد والله يبارك في مالج وعيالج

**rozee** · 2009-08-12, 00:32

تخطيط شهري للمشتريات 6000 درهم
جدول للحاجات الأساسيه ( الأكل والمنظفات ) 2500 درهم وتكتبين ملاحظاتج في الجدول وتدبسين الفواتير
2000 درهم مصروفج مع ولدج وتخططين للمبلغ شو بتشترين مثلا ها الشهر قطع الشهر اللي بعده لتفصيلهن
500 اشتركي في جمعيه والمبلغ لهدف
1000 مبلغ طواري تحتفظين فيه اذا ما احتجتيه يتجمع مع الشهر اللي عقبه ( مناسبات )
فبالتخطيط مصروفج 4500 وتوفيرج بمعدل 1500

الموضوع: مشكلتيه ويا المصروف<ساااعدووني>

أدوات الموضوع

عرض

مشكلتيه ويا المصروف<ساااعدووني>

المزيد من آخر المواضيع من نفس القسم:

المواضيع المتشابهه

...مشكلتيه مع أبويه.....

المصروف ..:(

* مشكلتيه ويآ .[ الدلاغاات ]. . . !!

المصروف الشهري؟؟؟

مشكلتيه مع...........ابا لها حل