شو السالفه !!!

**بنت رفيعه** · 2009-08-10, 15:44

سلاام عليكم اشحااالكم يا بنات

بنات انا الحين فالاسبوع السادس من حملي و هذا اول حمل لي و من اكثر من اسبوع تنزل مني افرزات بنيه ولونها اشوووويه مايل الي الدم و هالافرازات تنزل بكثرة يوم امشي وااايد !!!
و احيد سالت الدكتورة و قالت شي عادي و انا الصراحه خايف ما عرف اذا هالشي عادي و لا ؟؟

اتمنى انكم اتفيدوني

المزيد من آخر المواضيع من نفس القسم:

**غندورة دبي** · 2009-08-10, 15:49

عزيزتي حاولي تريحين عمرج قد ما تقدرين .. قللي حركتج ودوم انسدحي و ارتاحي ..

إن شاء الله ما عليج باس .. بس روحي عند دكتورة ثانية .. لأنج في بداية حملج و أحسن إنج تتطمنين ..

والله يثبت حملج يا رب .

**بنت رفيعه** · 2009-08-10, 16:00

مشكورة ماقصرتي ^^

**x.maitha.x** · 2009-08-10, 16:06

سيري اطمني ... وريحي ولاتمشين وايد مب زين

**::ملاك::** · 2009-08-10, 16:37

هذا مب عادي حبوبة،،
لازم ما تمشين وايد،، ريحي، لأن خطر،،
المشي الزايد يمكن لا سمح الله يسببلج اجهاض،،
المفروض يعطونج ابر تثبيت أو حبوب تثبيت..

راجعي الدكتورة مرة ثانية أو سيري عند حد ثاني

**حرمة خالد** · 2009-08-10, 16:53

مثل راي الخوات

ريحي ولا تمشين

وسيري عند دكتورة ثانية

معروف اصلا هالنوع من الافرازات مب زين

ويمكن تحتاجين أدوية تثبيت

والله يثبت لج هالحمل وتفرحين بضناج

**om_ahmed** · 2009-08-11, 06:49

هاي الافرازات تحذرج من الاجهاض شو هاي الدكتوره الهبله على الاقل تعطيج ابر تثبيت سيري عند غيرها وقوليلها ابا ابر تثبيت انا ماعلي منهم قلتلهم ابا ابر وعطوني والحمدلله انا في الخامس الحين

**بنت رفيعه** · 2009-08-11, 15:18

الله يستر يااارب !! لاني مووول ما قمت احس بويع البطن مثل قبل و احس عمري خفيفه مش مثل قبل

ان شالله بسيراليوم

**بنت الزيودي** · 2009-08-11, 15:39

صح ريحي والله يتمم لج

**سمره كيوت** · 2009-08-11, 18:12

اوالله يثبتلج لاحملج وتشوفين ضناج
وبعديييييييييييييييين عن تجربه مني انا هاذي الافرازات مب زينه وخطيره وايد مابي اخوفج بس سيري عند دكتوره شاطره ومب زين المشي في هالشهور الاولي والله انا اجهضت بسبب المشي في الاسبوع السادس او السابع ما اذكر
والله يعطيج يا رب الذريه الصالحه

**ام الودايم** · 2009-08-11, 18:19

حبيبتي انا امس سايرة عند الدكتورة عشان نفس الحالة تنزل افرازات مني مثل الدم عطتني حبوب تثبيت وقالتلي قللي الحركة وارتاحي وقالتلي مافي جماع لمدة اسبوعين
حبوبة لازم تاخذين حبوب تثبيت سيري عند دكتورة ثانية

**#وجدان#** · 2009-08-11, 18:32

اختي اول ثلاث اشهور لازم اتريحين جسمج وما تتعبين

والشهور السته الباقيه لازم تتحركين وايد ..

بس مو لدرجة الارهاق لا ع قد ما اتقدرين

**شواقة** · 2009-08-11, 18:44

ما ابا اخوفج اختي بس مثل ما قالوا الخوات لازم ترتاحين وما تتحركين وايد

انا كانت تنزل عندي نفس هالافرازات واجهضت

لا تتاخرين اختي وروحي عند اي دكتورة ثانية خل تعطيج ابر تثبيت

وربي يتمم لج حملج على خير

**ربي استرني** · 2009-08-11, 20:43

اختي اذا كان دم احمر وخفيف فهذاانا استوالي وان بسبب انغراس الجنين في الرحم لكن الافرازات البنية معناها موت الجنين وكان المفروض تراجعين المستشفى من اول ماشفتيها

**بنت رفيعه** · 2009-08-11, 23:55

يزااكم الله خير ما قصرتن
و سرت عند الدكتورة نضال الي في مستشفى النور و الحمدلله شيكت ع النونو و قالت مافي شي و عطتني حبوب للتثبيت ^^

الله يسهل علينا و عليكم يارب ^^

الموضوع: شو السالفه !!!

أدوات الموضوع

عرض

شو السالفه !!!

المزيد من آخر المواضيع من نفس القسم:

المواضيع المتشابهه

شو السالفه

شو السالفه ؟؟

صج السالفه