الأربعين

**om 7amada** · 2009-08-10, 01:02

هلا حبوبات...أنا بعدي في التاسع وانتظر بأحر من الجمر شوفة بنتي ربي يحفظها..
بس عندي كم سؤال عن الأربعين؟
شو الأشياء اللي مب زين انسويها في الأربعين؟
شو عن غسل الشعر ؟هل عادي وإلا يضر؟
شو أكثر سي لازم نشربه أو ناكله سواء لتنظيف البطن أو للحليب؟

ونتريا ردودكن....

المزيد من آخر المواضيع من نفس القسم:

**منى الروحm** · 2009-08-10, 01:11

انا شاء الله البنات يردون علينا
بس انا اليل اعرف قريت في كتاب
تبتعدين عن الاشياء الباردة والمشروبات الغازية
الخضراوات اللزجه مثل الملوخيه والباميه
تلبسين صروال
تشربين اشياء حارة مثل الحبة الحمرة وبعد
نسيت

**موزه عبيد** · 2009-08-10, 01:20

أهم شي ما تشلين شي ثجيل
و لا تشربين الساخن و لا الحار مثل الفلفل
و لا تكثرين من السوائل وقت الغدا عشان ما تزيد الكرشة
و الحبة الحمرا مفيدة لتنظيف البطن
و اليانسون يكافح الغازات عند الطفل
و لا تنسين الخضروات و الفواكه مفيدة لج و لطفلج
و ابتعدي عن الدهون عشان تحافظين على وزنج
و عليج بالتمارين الرياضية

**still night** · 2009-08-10, 02:01

للرفع

**سما دبي 2** · 2009-08-10, 02:07

هلا فديتج مبروووك عليج النونو اهم شي غناتي لاتشلين شي ثجيل لان الرحم بعده مش مستقر مكانه وثاني شي لاتشربين شي فيه غازات والاكل بعد اي شي فيه غازات لاتاكلينه لانه بالرظاعه ياثر عالنونو ووقت الرقاد حطي ريل على ريل عسب لايدش هوى فالرحم ووقت الغسول لاازم تتنشفيين عددددددل عسب لاتستوي رطوبه فالمكان الحساس وبالذات لانه توه متخيط فعاادي يسوي صديد او التهابات وطبعا دوم حطي مطاره حاره واشربي اشيا حاره عسب بااقي الدم والكتل اللي فالبطن تنززل وانشاء الله اكون فدتج

**lavander** · 2009-08-10, 02:51

للرفع .. الله يسهل على كل حامل .. آمين

**ميثوة** · 2009-08-10, 03:38

هلا

الله يسهل عليج ياربي

اهم شي انج تيلسين وريولج تحتح عشان الخياطة ^^

ولاتشربين ماي بارد عشان الكروشة تخوز بسرعة

وكثري من الحلبة والحبة الحماء عسب ينظف بطنج &&

ولاتشلين اشياء ثقلية

ويوم تيين ترقدين حطي مخدةعلى بطنج عسب تدخل داخل لوول >>>معلومة في كتيب عطوني اياة المستشفى اتمنى أنها تفيدج &&

وبس ^^

**fashions** · 2009-08-10, 04:08

الله يهون عليك يارب .. ويسهل ولادتك اللهم آمين
ابتعدي عن كل شي بااااااااااااارد والغازيات بأنواعها ...
أشربي حوااااااااااار فقط .. ومويه .. علشان الحليب لازم تكثري شرب سوااااااااااائل ولاتنسي الحلبه تدر الحليب وبنفس الوقت تقوي عظامك عقب الولاده ..
الأشياء اللي تنظف الرحم : حبة سوداء + قرفه + قشر القهوه -وزنجبيل

منزله موضوع كاااااااااااااااااامل عن كل اشياء النفاس للاستفاده تقدري تطلعي على الموضوع
اضغطي عالرابط
ودعواتكم

http://forum.uaewomen.net/showthread.php?t=181963

**رنج ابيض** · 2009-08-11, 21:34

اعتقد الحركة مب زينه للي يسوون خياطة

اكيد الحبة الحمرا والحلبة وااااااايد اوكيه

السوائل كثري منها عشان الحليب

كل شي فيه فوائد لج وللبيبي كليه ( حليب - جبن - عسل -الخ)

لاتاكلين اشياء فيها فلفل ولا حامضه مثل اللبن لانه يستوي طعم في الحليب ( نصيحه امي )خخخخخخخ

**مره حيل** · 2009-08-12, 00:47

للرفع

**جمال الوهم** · 2009-08-12, 00:59

البنات ما قصرن ...
و ازيد عليهم ... علشان يزيد الحليب كلي رهش او الحلاوه الطحينيه + الماي + لبن بالثوم

عن تجربه

**um.ataqi** · 2009-08-12, 01:08

مشكوره ع الطرح

اذا عني انا استفدت وااااااااااااااايد

**نورااااني** · 2009-08-12, 01:13

للرفع و مشكووووووووووووووووورات

**om 7amada** · 2009-08-12, 01:16

أشكركن خواتي عالردود....ماقصرتن..
الله يعطيكن العافية يارب...

**غديرالحب** · 2009-08-12, 01:24

لا تاكلين قرنبيط ولا ملفوف عشان ما تسوي غازات وفي نفس الوقت كلي خضروات وفواكه لأنها غنية بالالياف وتبعد عنج حدوث الامساك

انا شراتج اتريا بنوتي الامورة انشالله بفارغ الصبر

الموضوع: الأربعين

أدوات الموضوع

عرض

العرض المتطور

الأربعين

المزيد من آخر المواضيع من نفس القسم:

المواضيع المتشابهه

ما بعد الأربعين ..............؟

بعد الأربعين؟

الدورة بعد الأربعين

بعد الأربعين ......................!

في الأربعين؟؟؟؟