سائق البيت(الدريول)

[أم ندوش]

السلام عليكم ورحمة اللة وبركاته

شحالن خواتي اعضاء المنتدى

عندي موضوع احب اناقشكن فية
الا وهو الدريول خواتي انتشرت ظاهرة هالايام ان الحرمة او البنت اسير عند الدريول بدون عباه بس لابس مصلى وتقول سايرة عند الاهل , انزين سيري لابس عباة وانت راكبة عند هذا الاجنبي
ما يعلم الانسان شو يستويله في الطريق . ولو عند اخوة او ريله ولابس مصلي يحيا افضل من الدريول
خواتي ما اعرف احس وايت انتشرت ومش حلو اتيسر ما مسترة عند ريال غريب.

اتريا الردود يالحلوات

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مياري86]

هلا وغلا ..

موضوعج وايد حلو..

والله صدقج اختي ام ندوش ڪيف يطلعن وهن مب لابسات العباه ،،،انا اذا ما لبست عباه احس عمري جني مفصخه..
وفوق هذا الانسان مايعلم شو بصيله يوم يطلع من البيت ،،ف ستر زين

وسموحه
مياري..

[فلونة]

عنا نحن

ممنوع الدريول يدخل بيتنا

يعني بصريح العبارة.. ما عندنا دريول.. منقوووووووووود..

بويه تقاعد يوم داومنا في الجامعة عشان يقدر يودينا واييبنا ع حسب ساعات دواماتنا...

أما إنه نركب مع دريول ممنوع..

بس صدق صدق منقود تطلع مع الدريول بمصلى..

حتى لو لبست سكارف.. بعد ما يصير.. لأنه ما فرقت شي...

المفروض الوحدة تحتشم.. ما تعرف يمكن سبحان الله تسوي حادث..

بتنزل في نص الشارع بشيلة صلاتها؟؟

وابوي عليها أنا...

بس تدرين... بربه المصلى عن اللي نشوفه هالأيام بعد..

البنية ما تلبس الشيلة جدام الدريول.. ليش عاد؟؟ هندي.. عندنا من زمان.. من يوم نحن يهال وهو يشتغل عندنا..

انزين شو يعني من زمان يشتغل عندكم؟؟

شي فترة إذا اشتغل فيها إنسان في بيت بعدين يغدي محرم ونحن ما نعرف؟؟

شو هو جواز يوزعونه ونا ما أعرف؟؟

يعني صدق ما أدري شو عليهم من عقليات..

[أمرأه]

يحيها الي بتلبس شيلة صلاه فالسياره بس
مره كنت سايره الخياط وشفت ثنتين بشيل صلاه عند الخياط المشكله انهن صغار يعني فالثلاثين مب عيايز والكندوره فرنسي

[سيدة الوروود]

اعرف بنات عافاني الله دايما طلعاتهم السريعه بشيلة البيت

[أم ندوش]

اللة يستر علينا
اظنيتي هذي من علامات الساعة انتشار الفساد الله ثبتنا ع الدين

[أم ندوش]

خواتي الستر زين

[الـغااويـه]

انا مستحيل احط دريول لعيالي
الحمدلله روحي اسوق
وريلي يسوق
وولدي بيظهرله الليسن قريب ان شالله

اما اخلي الاجنبي يوصل بناتي .. لا والف لاااااااااااااااااااا

منقوووووووود والله

[البنون]

الستر زين والله

[(MOON)]

و الله وايد اشياء تصير هالايام وكأنه الناس ما تعرف الحلال من الحرام وكل ما نصحتي حد يقولج عادي شو فيها
الوحده المفروض يوم تطلع من البيت لازم تكون متسترة ولابسة عباة وشيلة حتى لو مكان قريب وعند ريلها ولا ابوها ولا اخوها لانه محد يعلم شو ممكن يصير فالدرب
والحين مستوية الخدامة المحرم يوم يطلعن البنات ويا الدرويل وتشوفونها متفيزرة جدام الحين الاهل قاموا يأمنون بناتهم مع الاجانب والغرب وكل حد لاهي في دنياه
والله يهدي الجميع ان شاء الله

[(MOON)]

أختي انفلونزا الحب
الموضوع ما فيه شي والمفروض ما تحطين فخاطرج ولا تزعلين و نحن مب يالسين نفتي يالسين اناقش الموضوع
حتى لو الوحده طلعت بشيلة الصلاة المفروض تكون شاله عباتها وشيلتها وياها سبحان الله محد يعلم شو بيصير
يعني مب حلوة لو مثلا نزلت فالشارع وسط الناس بشيلة صلاة وكندورة
والله يهدي الجميع

[cute uae]

الله يهديهم و يستر عليهم

[x.maitha.x]

الحمدلله اني اسوق روحي ومتى مابغيت اطلع اشغل موتري وادقه سلف
ولا اركب ويا هندي...وانا متعطره ولا شي

[الهنوف80]

و الله وايد اشياء تصير هالايام وكأنه الناس ما تعرف الحلال من الحرام وكل ما نصحتي حد يقولج عادي شو فيها
الوحده المفروض يوم تطلع من البيت لازم تكون متسترة ولابسة عباة وشيلة حتى لو مكان قريب وعند ريلها ولا ابوها ولا اخوها لانه محد يعلم شو ممكن يصير فالدرب
والحين مستوية الخدامة المحرم يوم يطلعن البنات ويا الدرويل وتشوفونها متفيزرة جدام الحين الاهل قاموا يأمنون بناتهم مع الاجانب والغرب وكل حد لاهي في دنياه
والله يهدي الجميع ان شاء الله

والله صدقتي اختي صاروااااااما يعرفون الحلال من الحرام،،، كل شي خلوه حلال حتى لو حرام صار حلال،،، الله يعينا ويرحمنا ويستر علينا دنيا واخره ،،، ويثبتنا ع دينا ..

[Ms.3wash]

ابوي أغلب البنات الحين تبرن من المذهب .. ماشي احساس بالعيب والحرام

ربكن كريم , وسالفة الدريول بكبرها ما ادش المخ ع الاقل يكون دريلول حرمة لحريم البيت عشان يكون أفضل في الطلعات ... أما عن انهن يطلعن بشيلة صلاة لأماكن عامة وجذي ..

ممممم أظني فيها شو لبس السالفة ...

الله يستر علينا و ع بناتنا