المستشفى الملكي

**رحيق_القلوب** · 2009-08-07, 02:29

شو رايكم في علاج المستشفى الملكي بالشارقة قسم النساء والولادة ؟؟؟؟؟؟؟

المزيد من آخر المواضيع من نفس القسم:

**al shooq** · 2009-08-07, 02:34

نصيحه مني روحي مستشفى غير عن الملكي ... ما انصحج عليه ...

**رحيق_القلوب** · 2009-08-07, 02:36

شو السبب علاجهم مب شي

**رحيق_القلوب** · 2009-08-07, 02:39

ممكن حد يرد علي ضروري الي امجرب الدكتور سامبات أو الدكتورة كشري يقول رايه بليييييز

**رحيق_القلوب** · 2009-08-07, 02:43

لييش محد يرد علي

**ghadeer1** · 2009-08-07, 04:28

للرفع

**منى الروحm** · 2009-08-07, 21:02

ما عندي فكرة

**أزف الرحيل** · 2009-08-07, 23:35

انا من يومين رحت وصراحة مدري مارتحت

في ولادتي الاولى كنت اراجع في زليخة صح زحمة لكن وقت الولادة يابولي دكتورتي الي اتعالج وياها وحتى كانت يحليلها فاجازة وتعاملهم حلو

مدري هذا رايي

**الريم519** · 2009-08-08, 14:54

انا ناويه ان شاء الله اربي بالملكي بس ليش ها الردود اللي ما تشجع

**عروسه 2009** · 2009-08-08, 16:00

نصيحتي لكل الحوامل احذري المستشفى الملكي وخاصة قسم النساء والولاده والله مااقصد شي بس مرينا بتجارب الله لايراوي حد اخر تجربه من 8 شهور تخيلو مرة اخوي ميته من العوار وتبي تربي قالو لها سيري البيت عقب يومين تعالي وماعنده دكتورة قسم بالله انه السسترات كانو يرمسون بالانجليزي ويتحرونا مانعرف ويقولون خلها تروح مكان ثاني ومدري شو وصلنا للسيارة الحرمه مارامت تمشي طاحت ويوم ردينا داخل يت صيدلااااااانية فصخت البالطو ولبست لبس ثاني وشفناها بعيونا والحين مرت اخوي تعاني لان الخياطه كلها في بعض وغلط في غلط حسبي الله عليهم و وايد ناس تعرضوا لاكثر من هالشي بسبب الاهمال انصحج فالقاسمي ولا زليخه ولا تروحين الملكي نصيحة لله يابنات انا ريلي يداوم فالشرطه ويقولي عن البلاوي اللي يسوونها الملكي احذرووووووووووو يابنات

**buss-girl** · 2009-08-08, 19:08

اخت ربيعتي مربي عندهم

وموووول ما يمدحونه

**القانونيه** · 2009-08-12, 00:22

السلام عليكم بنات
انا ما انصحكم ابداااا اتروحون المستشفى الملكي قي الشارجة ، انا حامل في الشهر التاسع وجاسني ويع في بطني وظهري شرات الام الدوره وكان مزاجي وايد متعكر هاك اليوم ولاني انا فاتحة ملف في مستشفى الوصل وانا واااااااايد ارتاحلهم ولاني ساكنه فالشارجة والمستشفى الملكي قريب من بيتنا قلت لريلي ودني المستشفى الملكي بخليهم يفحصون علي اذا ولاده بروح مستشفى الوصل واذا منان برد البيت وصلت عندهم الساعه 12وربع فاليل وسالتني اللي في الاستقبال ولاده قلت لها مادري بس فيني ويع وانا في الشهر التاسع المهم ودونوني وين غرف الطوارئ اللي في الدور الارضي وكانوا المرضى مازرين المكان والستاير تفصلهم واللي ايكحون واللي يتويعون والنيرسات لابسات كمامات المهم انا ما ارتحت قلتلهم ودوني عنبر قبل الولادة وافحصوني اتهناك اهني ماينفع المكان الناس مرضى وانا اتويع ومزاجي متعكر ورياييل ومرض خفت على نفسي وعلى البيبي وتمن يضحكن علي وقالولي ارقدي وقاسوا درجة حرارتي وقالولي مافيج حراره وبعدين يابوا جهاز الضغط من الحجم الصغير ويوم قاسوا ضغطي ماكان يتسكر على ايدي وقالت ماعدنا اكبر منه والمهم ماقاسوا ضغطي جان اقولهم وين الدكتوره قالولي في الفندق (فندق المطار) ؟؟؟
قلت ازقروها قالو بنسويلج سيتي جي بس الجهاز فوق بنسير بنيبه واتريت نص ساعه لين مايابوه وحطت الجهاز على بطني بدون ماتربط الحزام وتمت ماسكتنه بأيديها ومتأففه مره هي ومره ربيعهتها لين مامرت ساعه وانا احيد الجهاز ايخلون نص ساعه بس ؟؟
المهم جان اتقولي اني مب في الشهر التاسع وانتي مافيج ولاده وراس البيبي مب نازل وجان افج عيني واتم اطالعها جان اقولها انتي على اي اساس تحكمين على لاقايستي بطني ولاسألتيني متى اخر موعد دوره على اي اساس انا في الثامن ؟؟؟ ماردت علي قلت لها ازغري الدكتوره قالت محد اتولد حرمه غيرج ولتريها لين ما اتخلص قالت يمكن عقب 10 دقايق ومرت نص ساعه وين الدكتوره قالو يايه في الدرب اتريي 10 دقايق جان اقولها اذا مايت عقب عشر دقايق بطلع المهم مرت العشر دقايق ومايت جان اطلع من القسم والاحظرتها الدكتوره كانت موجوده الظاهر راقدة في غرفة المبيت ومن ظهرت عند باب الاستقبال جان ادق عليها النيرس الباب وظهرت وشعرها منكوش واهني كانت الساعه ثلاث الفجر اتخيلوا اترياها من الساعه 12وربع لين ثلاث الفجر مع النيرسات اللي امسويات عمارهن دخاتر واللي يتفلسفن علينا والمشكله انهم مالهم صله بعنبر الولادة يعني مب مال توليد وهاي قصتي معاهم اللي ترفع الضغط والحمدلله اللي كان فيني منان مب ولادة عقب يومين رحت الوصل قالولي انتي في التاسع وراس البيبي نازل وهاي الاعراض اللي اتصيرلج ايسمونها تقلصات الرحم لانها تدفع الياهل للحوض واللي اتهيأج للولادة وهذا يدل على قرب موعد ولادتج

**شواااقة** · 2009-08-12, 15:54

أنا ربيت في الملكي من شهر ، الصراحة و عن تجربة واااايد ارتحت سواء من دكاترة أو نيرسات ، و رعايتهم ما عليها كلام ، ما أعرف ليش الناس ما يمدحونه

**Malack_84** · 2009-08-12, 16:39

المستشفى الملكي ما انصح اي حد يروح له وخاصه للكروشات، يا اختيه انا لعوزوني وياهم ماشي اهتمام موووووووووووووووووول انا كنت حامل في الاسبوع ال 5 ونزفت ويوم سرت لهم خلوني ياااااااالسه قراب الساعتين اونه اتريي لين ما اتي الدكتوره، وآخر شي يت الممرضه اونه سيري مستشفى القاسمي، شو هالرمسه؟؟ احسن احنا انسير الخاص عشان انحصل اشوية اهتمام بس في حياتي ما شفت مستشفى مثل الملكي ولو المووووت ما اروح لهم مره ثانيه ما انصحج اتسيرين ابدا ابدا ابدا ابدا

هذي نصيحتي لج وانتي ابراحتج بعد

**Methayel** · 2009-08-12, 18:54

غريبه أنا كنت والده عندهم ومعاملتهم وايد أوكي

وولادتي الثانيه بعد عندهم إن شاء الله

اختي انتي سيري ولو ارتحتي للمكان اتوكلي على الله

لأن لو كتبتي عن عدة مستشفيات بتلاقين حد يمدحه وحد لا

أنا كنت مجربه الدكتوره منيره

وفي عندهم الدكتوره انجانا بعد وخيريه

والله ييسر لج امورج

الموضوع: المستشفى الملكي

أدوات الموضوع

عرض