:( تدوخين!!!

**dolfii** · 2009-08-06, 01:54

بنات حبيت اخذ ارائكم في موضوع خطير .. هو جدامنا دايما بس يستوي بالدس!!

شفتي هذيج الي تدوخ !! ومب زقاره لاااااااااا..اطري مدواخ!! هيه مدواخ!!

حرام والله بنات وعدهن ما عرسن ومعرسات وام عيال بعد ويدووووووووخن مدواخ!! مادري هالموضه شكلها الحين ..الحريم يتيمعن .. وكل وحده تطلع دوختها ويالله !! فلانه سوت وعلانه قالت!!

شو قدرين تسوين لو اقرب الناس لج يدووخ!!

المزيد من آخر المواضيع من نفس القسم:

**فلفل أزرق** · 2009-08-06, 01:58

الحمد لله لا : )

**مرافئ صمت** · 2009-08-06, 02:01

ماقدر اسوي شي اذا هو نفسه مب ناوي يترك التدخين..

والله يبعدنا عن هالسوالف ويبعد كل احبائنا

**دانة الغلا** · 2009-08-06, 02:02

عوذ بالله
حسبي الله عليهم
الحمدالله ما عندنا هالسواااااالف

**دارها العين** · 2009-08-06, 02:06

الي اشوفها ادوخ الصراحه ما اعتبر فيها ربع انوثه الصراحه

اشمئز منها

**Kill-eyes** · 2009-08-06, 02:06

لا حوووو
اخر الزماااااااان
الله يهدينا

**أم شموتي** · 2009-08-06, 02:07

عجب من الحريم

**اغلى ناسي m** · 2009-08-06, 02:07

ماقدر اسوي شي اذا هو نفسه مب ناوي يترك التدخين

يااااااااااااااارب يهدووون هالسم >>ادعووووووولى

**أم ريمـاني** · 2009-08-06, 02:09

الحمدلله ماعندنا شباب او بنات يدوخون..

الله يهديهم ويصلح بالهم..

**فلا11** · 2009-08-06, 02:10

سقــــــــم

مستخفات الصراحة لي يدوخن .. عنبوهن يبن يجاكرن الشباب ..

يبالهن عصا تتمردغ ع ظهورهن لين يقولن توبة .. والله انه التربية ماطاحتهن .. ومخلينهن سيدك قيدك

بنات هالجيل فاسدات ويبالهن حملة توعية من ابسط امور الدين لين اكبرها ..

لانه اغلبهن مايعرفن الحلال والحرام .. الي بتسوي شي كلهن بيربعن يسون شراتها ..

في نظري الحل يباله متابعة وتوعية للاهل والبنات ..

**الحلوووه19** · 2009-08-06, 02:11

هههههههههه والله ضحكت !!

تخليب بنت أدووخ مدوااخ هع هع

ما أتخييل @@ لك الحمد

أنا ريلي يدووخ و ضراابه ويااهـ و ريحت الدووخه أتلووع بالجبد ^^ ما أتخيييل بنت أدوووغ بشمئز منهــأأأ

مدري ليش متقبلين بسأن الريال يدووخ هع

**رومانسيـه** · 2009-08-06, 02:44

بنت و مدواخ!!!!!!!!!!!!!!!!!!!!!!!!!!!!

وين الانوثه؟؟؟؟!!!!!!

**الدر الثمين** · 2009-08-06, 02:50

ربنا لا تؤاخذنا بما فعل لسفهاء منا..

**Maria_Louisa** · 2009-08-06, 03:01

ماستوت جدامي .. بس ايام الكلية كانت في كلاسنا وحدة متحجبة و (تشيش) يوم تسافر سوريا ويا اهلها طبعا اهلها خبر خير بس هيه مرة خبرة المعلمة كنا مسوين مثل ديسكشن .. و القهر كانت تتمصخر عل بنات اللي يسمعون اغاني و تضاربهم

**نقاط وحروف** · 2009-08-06, 03:05

ذكرتيني مره كنا نتمشى ع البحر ايام الربيع ولا نشوف عايله ماشاالله الحريم متيمعات كل وحده بشمدها وقابضه هالمدواخ ورووووح

عاد احنا يوم خطفنا صوبهم كلنا صدينا عليهم وفجينا عيونا @_@ اقول عافانا الله بعد اشكره جدام الناس وعااااااادي عندهم ضحك وسوالف والحياه حلوه عندهم

الموضوع: :( تدوخين!!!

أدوات الموضوع

عرض

:( تدوخين!!!

المزيد من آخر المواضيع من نفس القسم: