اختي تكرهني !!!

**حزن_زايد** · 2009-08-04, 15:28

بنات عندي اختي الكبيرة واهي اكبر عني بعشر سنوااااااااات
حاطة دوبها ودوبي تكرهني ماعرف ليييييييييش؟؟
حد يقول لاني احلى منها انزين شو اسوي؟؟؟؟؟؟؟
ودوم تطريني عند الناس وتبسني والله تقولهم انا فيني حالة نفسية وما اختلط بالنااس
ويوم سافرت معانا وحدة(ربيعة اختي) قالت لي انه اختج تقول عنج جييه وانا الحين عاشرتج بالسفر
وعرفتج انج غير وطيبة بعكس كلام اختج قلت لها الله يسامحها وخواتي نفسهم يقولون لي هاي تغار منج ومايقدرون يمدحوني بشي تمووت قهر وترمس عني جدامهم واخواني يخبروني لانهم عارفين الصح وعارفيني ويقولون لي انها تقول عنج جذاابة!! كانت سالفة صايرة
ويوم اخوي سمعها تقولي عني جييه ماصدق وقال بيتأكد وراح وتأكد وعرف اني انا صاااااااااادقة
هذا شوي من الي تسويييه
بس انا مب عارفة لييييييش !!!!
مع اني طيبه معاها وع نيااتي ومب في قلبي شي عليها والله اضحك مثل الهبله معاها واسولف ومن اظهر يقولون لي ترمس عنج!!!
وارد اقول ماعليه وارمسها بس مب حلوه في حقي انا ما احب انافق حد يعني اتم معاها ع نفااق؟؟واعرف انها تسبني
انزين ليش؟؟؟
دعيت لها بالهداية وللحين اكتشف انها تسبني وترمس من وراي و هااا ما اتحمل
وانا قلت بتقرب منها عسب تودر هالشي بس للأسف تضحك وياي وعقب ترمس عني
انزين ليش شو عندي انااا ؟؟ حاسدتني عليه؟؟ لا ريل ولاشغل ولو عالجمال من ربي وانا مب ملكة جماال عسب تسوي كل هذا !! حتى اهي حلوة واذا الناس تمدحني وتمدح اخلاقي انا شو يخصني تكرهني؟؟
ادعوا لها بالهدااااااااااااااااية

واذا عندكم حلول خبروني

لانه احس ماشي امل منها
وايد عاملتها بالزيييييييييييييين ولا فااااااااااااااااااااااااااااااااااااااااااد

المزيد من آخر المواضيع من نفس القسم:

**فتاة راك** · 2009-08-04, 15:34

الله يهديهاااااااااااا يااااااااااارب

شو ها عافانا الله

**جــنــه** · 2009-08-04, 15:38

يعني اذا ماعاملتيها بالحسنى شو بيكون خيارج الثاني...
دام اختج مثل ما تقولين تغارمنج... يلسي وياها و وانسي انها تغار منج و خلي عنج كلام الناس... مش مهم... هذي اختج .... تتكلم و الا ما تتكلم... هذي اختج... و تحمليها...
ما ادري شو ممكن اقول لج... لانج اذا قلتيلها انتي ليش جذيه تقولين عني ... ما اظن ترد عليج بشي مفيد... و يمكن تسوء الحال بدال لا تتعدل...

الحسنى احسن ....
و الله يهديها و يهدي اليميع

**shaikah3** · 2009-08-04, 15:38

الله يهديها يا رب
مهما كان هاي أختج والظفر ما يظهر من اللحم .. حاولي تتقربين و تقعدين معاها و تسولفين معاها و تساعدينها لو هيه محتاجه مساعده .. حاولي تهدينها الرسول عليه الصلاة وسلام قال تهادوا تحابوا.. شوفو تيلفزيون مع بعض و طلعو مع بعض و يوم تشترين شي حق عمرج اشتريها وشاوريها لو كنت حيرانه في شي تبين تشترينه و حاولي شوي يعني لو حد قالج شي حلو انتي تتطنزين ع عمرج و جي يعني و إذا هيه قالتلج شي سوي طاف كبري مخج شوي لا تنسين هاي اختج العوده و انتي لج الاجر الكبير يا رب .. كل خوات يغارن من بعض انا بعد اغار من اختي بس مب جي خخخخ
ما اقول غير الله يقرب نصيب و تروحين بيت بروحج و ترتاحين من هالحشره كلها قولي أمين .. خخخخخ
ما عليه حبيبتي ابتسمي والله بيكون معاج وخلج دوم في حسن الظن الناس و اهلج خصوًصا

**رمشة حنان** · 2009-08-04, 15:40

اكثري من الاستغفار
وادعي ربج بهالداية لها
وخذي لها هدية وقدميها لها ..
خاطرها بيطيب ان شاء الله ..
والله يعينج ..

**فديت أبويه** · 2009-08-04, 15:44

دايماً عاملين بمعامله ما تتوقعها ..

هي تتوقع انه بتكون لج ردة فعل مب اوكيه

بس خليج معاملتج معاها بالزين والأحســان

**ام سلطآن** · 2009-08-04, 15:44

ماعليه الغاليه فتره وبتعدي
يمكن هب غيره يمكن طبع فيها سبحان الله
يمكن ابتلاء من الله يختبر صبرج وكيف بتعاملين اختج
واذا رمست عنج او شي قولي لها الله يهديج وسامحيها ماتعرفين شو ف داخلها
صدقيني انا اقولج اياها يوم بتعرسين ان شاء الله او بتسيرين سكن جامعي او المهم تبعدين شويه بتحس بقيمتج
تحملي وخلج ع المعامله الطيبه ،هاي اختج من لحمج ودمج
والصبر زين فديتج

**بسمة2009** · 2009-08-04, 16:06

السلام عليكم
الله يهديها بس حبيبتي انا من رايي انك وحدك مراح تقدري تغيري رايها و كمان فيه شي في حكايتك ما عجبني بالمرة و حسيتو بداية انقطاع العلاقة بينك و بينها الي هو ان اهلك يقولون لك انها تغار و تكرهك ..... الخ مع احترامي لاهلك وانا ما اقصد شيئ بس هذا الكلام يزيد العداوة بناتكم
فمن راي انك انت عمليها عادي باحترام و طيبة و كوني حنونة معاهة لانها اختك هذا مااسمو نفاق بالعكس هذا حقيقي انتو اخوات و مالكم غير بعض و كمان كلمي اهلك انهم يكلموها في غيابك يعني مايبينولها انك على علم بشيء و يقولولها انك اختها الصغيرة و مالك غيرها لو ماحنت عليك منو بيحن عليك و كلام من هذا
اهم شيء اياكي ثم اياكي تبينيلها انك عارفة كلامها او متاثرة بيه او في مرات تكوني مضايقة منها و تحاولي تغيظيها
حاولي دايما تتوددي ليها و تكسبيها كان ما في شيء و اهم شيء ان اهلك يكلموها يهدوء في غيابك و الله يصلح حالكم

**اخت بوحميد** · 2009-08-04, 16:11

الله يهدددددددددددددددددديه لكم

**فطمطم** · 2009-08-04, 16:13

ماقول غير الله يهديها ويصلحها ياررررب

**ضفدعةجميلة** · 2009-08-04, 16:28

في وايد غيره من بين الخوات
حتى اكثر عن جي
انتي حاولي تتقربي منها

**الرمـش الكحيل** · 2009-08-04, 16:31

-

عاملي إختك بالحسنى , وسامحيها ..

وإذا تكلمت عليك لاتزعلين , لا إعفي عنها .. قولي : اللهم إني عفوت عنها فاعفو عني يا أرحم الراحمين ..

و تذكري الحديث :

{ ما عفا رجل عن مظلمة إلا زاده الله بها عزا }

وإختك تقربي لها , و توددي لها ,

شاوريها في إختيار ملابسك , أو في طلعاتك خذيها معاك ,

والإحححححترام موجودة إن شاء الله ,, لأنها هي الكبيييييييييرة : )

وإدعي الله يهديها .. وأكثري من الإستغفار .. والله يجمع مابينكم .. ويألف بين قلوبكم .

**فتاة راك** · 2009-08-04, 23:49

كلامكم حلو يابناات

**ريم الفلا4** · 2009-08-04, 23:54

الله يهدي الجميع

**ام نانو** · 2009-08-05, 00:04

ماشئ اخت تكره اختها

حبيبتي اكيد في سوء فهم

و ربيعتها وصلت لك كلام المفروض ما تقوله عشان

ما تييب مشاكل بين الخوات

مهما كان انتوا خوات و الظفر ما يطلع من اللحم يالغاليه

الموضوع: اختي تكرهني !!!

أدوات الموضوع

عرض

اختي تكرهني !!!

المزيد من آخر المواضيع من نفس القسم:

المواضيع المتشابهه

آآمي تكرهني واللــﮧ تكرهني . ( نقاش) <~

أمي تكرهني

ما يحتاج تكرهني

اميه تكرهني

مشكلتي مع بنت عمي اللي تكرهني .. بس ليش؟!~