ريلي وكرشتي !!

[ام سلطآن]

السلام عليكم ورحمة الله وبركاته

خواتيه عندي مشكله مسويه لي ازمه بصراحه

انا مالجه الحمدلله وعرسي عقب شهرين تقريباً

ريلي طيب وحبوب ونحب بعض الحمدلله وكل شي تمام التمام

بس انا فيني كرشه صغيييره ><"

وريلي قالي مره انا ما احب شي اسمه كرش !! مستعد اسوي اي شي لج بس لاتكرشين !!

هذا وهو بعده مايعرف انه فيني كروشه صغيره ؟!

الرياضه تبا وقت ، وانا ماعندي وقت لاني تقريباً يومياً اظهر عسب اتزهب وجيه

ف شو الحل ؟!

جسمي حلو والكل يحسدني عليه الا هاي الكرشه اللي ظهرت لي من سنه تقريباً ><"

دخيلللكم ساعدوني ف حل سرريع للكرشه ><"


ويزاكم الله خير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[دلع بسنع]

خخخخخخ والله احترنا ويا الرياييل عالعموم لازم تخصصين ساعة من وقتج حق الرياضة عالاقل ف البيت سوي رياضة شد البطن وبتدش بسرعه ان شاء الله والله يتمم لكم على خير..

[نواعم الصغيرة]

عيل عقب الزواج بتزيد الكرشه شو بيسوي
صراحه لازم يتقبلج مثل ما انتي

والسموحه

[لعيونك إنت]

عيل عقب الزواج بتزيد الكرشه شو بيسوي
صراحه لازم يتقبلج مثل ما انتي

والسموحه

[GMS]

امممم استخدمي اكريمات طبيعيه وبعدين رياضه البطن ما يبالها وقت يدووب 10 دقايق

[ام سلطآن]

هههههههههههههههههه

ضحكتوني والله

هو مسكين والله يعني احس اذا عرف اني مكرشه مابيقول شي

بس عادي الاقيه شركني ف نادي صحي هههههههههههه

انا بسوي رياضه شد البطن هب مشكله

بس يعني ماشي حبوب او اي شي يشدها بسرعه ؟

[Miss.Feminine]

انتي تقصدين البطن اللي تحت صوب السررة ؟؟

ترا هاي مغريه اذا كانت شويه طالعه خاصه مع بنطلونات اللو ويست

لوول

امم

انتي ابدا لا تلفتين نظرة و لو قال شي خلليييج كوووول ابدا لا تتضايقين او تهتز ثقتج بنفسج بالعكس

في صالونات يسوون شد للجسم في 12 جلسه تنزلين من 2 -4 انش

نسيت اسمه ال بي جي كنه او شي جييه

انا جربته و فعلا واايد يبين علييج من 4 جلسه

ما يتعدا ال 2000

و تخلصينهم في 2-3 اسابيع على كيفج تبين كل يوم او يوم و يوم لا

انا شراتج جسمي واايد حلو و متناسق و مخصر و فيني هالكرووشه بس يوم صغرت شويه

استوت احلى

اممم

انا يوم سويت هالجهاز كان وزني 65

خلصت و انا وزني60 و نص بس انا لو نزلت كيلو يبين فيني على طوووول

لانه كان العام خلال رمضان بعد و كنت اخفف و امشي 3-4 مرات في الاسبوع

و للحين محافظه يعني ما رجع الا لو زاد كيلو

و الحين الحمد لله وزني يتأرجح بين ال 58-59

جربي الجهاز

حلو و فكي عمرج من الصدعه

قبل العرس ب3 اسابيع يعني ااخر جلسه تكون قبل العرس مثلا باسبوع

بتكونين بيرفكت

^_*

بالتوفيق الغاليه و الله يسعدج

اسمحيلي طولت عليج

[بدور القلب]

لا تشربين غازات
ولا تشربين ماي بارد
لاتشربين وانتي واقفة ..
ودايما دخلي بطنج ع داخل ..
ويكون احسن لو ما تاكلين عيش وايد ..
وسوي رياضة شد البطن كل يوم صبح ومسا

وبالتوفيق

[ساسي ذهب]

سوي ريااضه البطن كل يوم شوي لين توصلين ال100 مره يبالج شهر وبتروح

[أبنةأمنة]

اقتطعي من وقتج وقت ثابت للرياضه..........

لاتقولين ماشئ وقت هذا اهم تجهيز للزواج..........

واستمري عليها بعد الزواج........

والافضل تروحين عند مدربة متخصصه تسوي لج تمرينات خاصه,,,,,,,,

والمهم ماتلفتين انتباه ريلج لها من خلال اللبس...او الحديث.....

ومبروك مقدما.

[سيدة الوروود]

عيل لو تشوفين كرشتي بتقولين حامل في شهر 18

لا تاكلين عيش وقللي من الخبز ولا تشربين ماي مع الاكل وامتنعي عن المشروبات الغازيه وان شاء الله بتختفي

شوفي من ينصح الثاني..

[نونه بوظبي]

عيل لو تشوفين كرشتي بتقولين حامل في شهر 18

لا تاكلين عيش وقللي من الخبز ولا تشربين ماي مع الاكل وامتنعي عن المشروبات الغازيه وان شاء الله بتختفي

شوفي من ينصح الثاني..

هههههههههههههههههههههههههههههههههه

عجبني ردج





حبيبتي انا و ريلي

ريلي ما شا الله عليه واحد عووووود وكرشته تقولين حامل بالشهر ال80 ويقولي شوفي كرشتج جنج مال السومو المصارعين اللي شرات هاييل


رغم ان كرشتي مقارنه بوحده يايبه بنتين مقبوله

يعني خووات ريلي مش معرسات وكروشهن اكبر عن كرشتي رغم انهن اضعف مني بواااااااااااايد

الله يعينا

[آآآآآآه]

مبروك مقدما....
وبالنسبه لإستفسارج,,,,
شوفي دامج تطلعين السوق تتزهبين ..يعني تمشين وايد صح؟
استغلي هالنقطه....ولبسي حزام شاد ع بطنج في الساعات اللي تمشين فيها
او حطي كريم حاااااااار للبطن اظن نيوترشن يبيعه..ولفي فوقه بلاستيك شفاف مال الاكل...وعقب حطي الحزام
او حطي خل التفاح مال الجسم...وسوي مساج عالكرشه

وقطعي المشروبات الغازيه هيه تسبب كرشه...ولا تشربين ماي عقب الأكل ع طول...وللأ تتعشين ولا تتغدين عقب ترقدين ع طول...عالاقل مشي 40 دقيقه فالحوش..اول ركبي ونزلي الدري..
ودوم قيسي قياس بطنج....وشوفي فيه تحسن واستمري ع هالوصفات
وصدقيني بتروح الكروشه..

[جروح الزمن11]

لا حبيبتي ما انصحج تاخذين حبوب حتى لو موجوده يمكن تظرج والواحد مب ناقص بلاوي. سوي بس حركات شد البطن فالبيت اذا ماتقدرين تروحين نادي كل يوم اول شي الصبح سوي 20 مثلا وانتي طالعه وخففي اكل المعجنات والعيش وانشاء يوم العرس بيشوفك قمـــــــــــــــر
دعواتك

[...(مريّة)...]

كثري من الماي ، وامشي ، وشدي بطنج
وانتي يالسة ، ورشي على بطنج خل التفاح
الصبح وفي الليل