ريلي وكرشتي !!

[ام سلطآن]

السلام عليكم ورحمة الله وبركاته

خواتيه عندي مشكله مسويه لي ازمه بصراحه

انا مالجه الحمدلله وعرسي عقب شهرين تقريباً

ريلي طيب وحبوب ونحب بعض الحمدلله وكل شي تمام التمام

بس انا فيني كرشه صغيييره ><"

وريلي قالي مره انا ما احب شي اسمه كرش !! مستعد اسوي اي شي لج بس لاتكرشين !!

هذا وهو بعده مايعرف انه فيني كروشه صغيره ؟!

الرياضه تبا وقت ، وانا ماعندي وقت لاني تقريباً يومياً اظهر عسب اتزهب وجيه

ف شو الحل ؟!

جسمي حلو والكل يحسدني عليه الا هاي الكرشه اللي ظهرت لي من سنه تقريباً ><"

دخيلللكم ساعدوني ف حل سرريع للكرشه ><"


ويزاكم الله خير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلع بسنع]

خخخخخخ والله احترنا ويا الرياييل عالعموم لازم تخصصين ساعة من وقتج حق الرياضة عالاقل ف البيت سوي رياضة شد البطن وبتدش بسرعه ان شاء الله والله يتمم لكم على خير..

[نواعم الصغيرة]

عيل عقب الزواج بتزيد الكرشه شو بيسوي
صراحه لازم يتقبلج مثل ما انتي

والسموحه

[GMS]

امممم استخدمي اكريمات طبيعيه وبعدين رياضه البطن ما يبالها وقت يدووب 10 دقايق

[ام سلطآن]

هههههههههههههههههه

ضحكتوني والله

هو مسكين والله يعني احس اذا عرف اني مكرشه مابيقول شي

بس عادي الاقيه شركني ف نادي صحي هههههههههههه

انا بسوي رياضه شد البطن هب مشكله

بس يعني ماشي حبوب او اي شي يشدها بسرعه ؟

[ساسي ذهب]

سوي ريااضه البطن كل يوم شوي لين توصلين ال100 مره يبالج شهر وبتروح

[أبنةأمنة]

اقتطعي من وقتج وقت ثابت للرياضه..........

لاتقولين ماشئ وقت هذا اهم تجهيز للزواج..........

واستمري عليها بعد الزواج........

والافضل تروحين عند مدربة متخصصه تسوي لج تمرينات خاصه,,,,,,,,

والمهم ماتلفتين انتباه ريلج لها من خلال اللبس...او الحديث.....

ومبروك مقدما.

[سيدة الوروود]

عيل لو تشوفين كرشتي بتقولين حامل في شهر 18

لا تاكلين عيش وقللي من الخبز ولا تشربين ماي مع الاكل وامتنعي عن المشروبات الغازيه وان شاء الله بتختفي

شوفي من ينصح الثاني..

[آآآآآآه]

مبروك مقدما....
وبالنسبه لإستفسارج,,,,
شوفي دامج تطلعين السوق تتزهبين ..يعني تمشين وايد صح؟
استغلي هالنقطه....ولبسي حزام شاد ع بطنج في الساعات اللي تمشين فيها
او حطي كريم حاااااااار للبطن اظن نيوترشن يبيعه..ولفي فوقه بلاستيك شفاف مال الاكل...وعقب حطي الحزام
او حطي خل التفاح مال الجسم...وسوي مساج عالكرشه

وقطعي المشروبات الغازيه هيه تسبب كرشه...ولا تشربين ماي عقب الأكل ع طول...وللأ تتعشين ولا تتغدين عقب ترقدين ع طول...عالاقل مشي 40 دقيقه فالحوش..اول ركبي ونزلي الدري..
ودوم قيسي قياس بطنج....وشوفي فيه تحسن واستمري ع هالوصفات
وصدقيني بتروح الكروشه..

[لعيونك إنت]

عيل عقب الزواج بتزيد الكرشه شو بيسوي
صراحه لازم يتقبلج مثل ما انتي

والسموحه

[جروح الزمن11]

لا حبيبتي ما انصحج تاخذين حبوب حتى لو موجوده يمكن تظرج والواحد مب ناقص بلاوي. سوي بس حركات شد البطن فالبيت اذا ماتقدرين تروحين نادي كل يوم اول شي الصبح سوي 20 مثلا وانتي طالعه وخففي اكل المعجنات والعيش وانشاء يوم العرس بيشوفك قمـــــــــــــــر
دعواتك

[...(مريّة)...]

كثري من الماي ، وامشي ، وشدي بطنج
وانتي يالسة ، ورشي على بطنج خل التفاح
الصبح وفي الليل

[Bent RAK]

الله يعينج ع ريلج ..

سوي رياضة تشد كرشتج ..

و حاولي تشفطينها ..

^_^

[ام البنانيت]

بصراحه اختي مع احترامي لجميع اراء خواتي انا عندي اخت وعندها كروشه صغيره وهي ما شاء الله مليانه ذبحت عمرها من الرياضه والرجيم ما في فايده البطن يباله وقت طويل جدا جدا وخصوصا وحده مليانه. مشكله بعد الزواج ما بتكمل شهر او شهرين الا البطن بارز كانها حامل في الرابع (اقصد للبنات اللي قابلين للمتن). بصراحه نصحيت اختي اتسوي شفط لبطنها اول شي ما اقتنعت وخافت من الوجع واصريت عليها وسافرنا لبلد جريبه وسوت الشفط شو عاد ما اتوقعت ان الشفط بهذي السهوله لا وجع ولا خرابيط وكله كوم التكلفه وايد اقل عن الامارات يعني الربع. بعد ما كملت الحين شهر بطنها لازق في ظهرها وطلعت مليكان حتى الدكتور قال لها بعد العرس مستحيل راح يتجمع عندش دهون في البطن يعني بتميين فتره طويله جدا بدون كرشه الا اذا حملتي. والحين هي طايره من الفرحه. بصراحه ما اقتنع بعمليات التجميل في بلدنا السموحه بعد ما شفت سهولة العمليه في الخارج. الله يسهل عليش

[العهود111]

كلنا متعقدين من الكرووووش


انا احاول اخفها ماقدرت

ا>ا لقيتي حل خبريني بليز