أفيدوني....بنتي ..فيها حول...

**Om_3g009** · 2009-08-04, 03:04

السلام عليكم ...عزيزاتي ...

بغيتكم ...تفيدوني ...بليز ...

أنا بنتي عمرها سبع شهور ...أحس بعيونها مثل الحول ...يعني لما تشوفينها مباشرة ..ما يظهر ...

لما أناديها وتشوفيني على جنب ...تبدأ عين وحده ...مثل كأنها تحول..

حتى وااايد أحاتيها ...

هل أوديها الطبيب ولا أصبر لحد ما تكمل سنة ؟؟

هل صار لوحده منكن قصدي يعني لعيالها او حد تعرفه مثل جذي ؟؟

شو تنصحـــــــــــوني ...

بليز وإللي تدخل وما عندها جوااااب تدعي لها

في هالأيااام المبااااركة

المزيد من آخر المواضيع من نفس القسم:

**أم شماء** · 2009-08-04, 03:45

حبوبة لا تحاتين اليهال فهالعمر تكون عضلات عينهم بعدها ضعيفة وتحسين فيهم حول..
وإن شاء الله ما عليها شر ...
وإذا انتي وايد خايفة وديها لأخصائي عيون عسب تتطمنين..

**Um_Raian** · 2009-08-04, 03:49

وديها عند دكتوره ملكه فيمستشفى دبي

**zoomyat** · 2009-08-04, 09:07

بسم الله عليها ان شاء الله ماعليها شر يالغاليه

اتوقع اليهال اللي اقل من عمر سنه بعدها عضلاتهم ما تكون قويه نفس الكبار

الاحسن وديها عند دكتور اطفال او اتصلي فالدكتور واساليه اذا قال يبيها وديها

**الملبكه** · 2009-08-04, 10:21

لاتحاتين اختي ترا حتى انا كنت نفسج
يوم بنتي كان عمرها 3 شهور اتصلت
بالدكتور وخبرته ان بنتي حوله قام
يضحك علي ويقولي كيف يعني حوله؟
قلتله يعني عين سيدا وعين يمين
قالي ان الاطفال عضلات عيونهم
تكون مرتخيه قبل السنة والنص وتتم
عيونهم تروح يمين ويسار يعني ماتثبت
قبل السنة ونص واذا كان فيها شي
لاسمح الله دكتور العيون نفسه مابيقدر
يسويلها شي قبل السنة ونص << هذا
كلام الدكتور
وان شالله بنتج ماعليها شر واذا حابه
تطمنين اتصلي في دكتورها واسأليه

**بهلولة** · 2009-08-04, 10:23

حياتي عيالي نفس الشي
بس يوم يكبرون يخوز

**أموناليزا** · 2009-08-04, 10:50

حبيبتي لا تحاتين أنا بنتي كانت نفس الحالة يعني توها زينه وفي دقيقة تحول وعقب شوي تعتدل عينها وعيال خواتي واخواني نفس الشي ولا تودينها دكاترة إلا عقب السنه بنتي الحين الحمد لله سنه ونص بس منزماااااااان عينها معتدله تقريبا يوم عمرها 10 شهور جذه

**أشواق333** · 2009-08-04, 11:37

نصيحة منى لج...
لاتخلين بنتج تطالع لفوق هذا كلام الدكتورة قالت لى لاتخليتها تطالع فوق خاصة اذا حد واقف وراها مهب زين لان عضلات عيونهم تكون لينة ..

**Om_3g009** · 2009-08-06, 01:49

مشكوراااات الغالياااات

والله العظيم إنكن ريحتني ,....

ما تعرفن شو كثر أحاااتي ....

الله يسعدكن ...ويطمنكن...ويريح بالكن ...في هالأيااام المباااركة ...مثل ما ريحتني بااالي ..

الموضوع: أفيدوني....بنتي ..فيها حول...

أدوات الموضوع

عرض

أفيدوني....بنتي ..فيها حول...

المزيد من آخر المواضيع من نفس القسم:

المواضيع المتشابهه

بنتي فيها بلغم

بنتي فيها حبوب؟؟؟

أفيدوني بخصوص شعر بنتي الله يخليكم

بنتي فيها...

بنتي فيها كحه وزكام.......