كيف بتتصرفين ؟؟؟؟؟؟

**وردة جوريه** · 2009-08-03, 11:33

قبل اسبوع تقريبا كنت في دبنهامز اللي مركز صحارى واشرتلي وحدة من بعيد متنقبة وانا سرتلها قالتلي يابنتي ترا رمضان جريب وانا اباج تساعديني وانا ماعندي فلوس حق التاكسي ولا تفتكريني طرارة ونسيت الباجي وهي من السعودية وسألتني انتي من وين يعني اي امارة ؟؟ بصراحة كسرت خاطري قلتلها صبري شوي سرت اييب البوك كان عند اختي سألتني اختي وخبرتها وماخلتني اعطيها قالتلي خلينا نطلع حراام ماعطيتها شي الحين افكر من كثر القصص اللي نسمع مايندرى اذا صدق ولا جذب ونفس القصة سمعتها من وحدة ثانية بس في سنتر ثاني الحين شو تصرف اختي غلط ولاصح ويوم تسمعين كلامهم يكسرون بخاطرج بس مادري يعني كيف وصلت السنتر اذا ماعندها بيزات وشو يايبنها دبنهامز وقت الزحمة الله يفرج همها ويشفي ولدها لأن قالت ان ولدها على ما اظن مريض ماركزت عدل لأن كان زحمة

المزيد من آخر المواضيع من نفس القسم:

**زهر الرمان** · 2009-08-03, 11:40

ماعندها فلوي للتاكسي ويايه صحارى تتسوق !!!!!!!!!!!!!

**мiss.busџ** · 2009-08-03, 11:41

لا تصدقينها ..... صح اللي سوته اختج 100%

**mhra111** · 2009-08-03, 11:54

نفس الموقف صارلي ف دبي مول وكنا نحن 5 خواتي متفرقات ف المول وراحت عند وحده وحده
اتقولي ما عندها فلوس التاكسي ومره ما عندها بترول واااااااااااايد
اذا مره ثانيه جت قوليلها الله يعطيج وروحي الهلال الاحمر ما بيقصرون ف المحتاج

**ام شواخي@** · 2009-08-03, 12:16

والله الواحد ها الزمن مايوثق في حد من كثر المشاكل الي نسمعها

**a.r.s.h** · 2009-08-03, 12:29

أبتعد عنها بهدوء وأدعي لها بالرزق الطيب ... هذه الأشكال من الناس المفروض تخبرين عليهم السيكيوريتي المول .وهم بيتصرفون

**سوالف26** · 2009-08-03, 12:52

أبتعد عنها بهدوء وأدعي لها بالرزق الطيب

**ياقوتةخضرا** · 2009-08-03, 12:57

اذا تبين تتصدقين ، الفقراء وايد وبتشوفين حالتهم التعبانة بعيونج.

هذي وحدة من مئاااااااااااااات منتشرين الحين في السناتر
عيل أنا نفس السيناريو استوا ويايه
جدام الساكس فيفث آفينيو في برجمان
وتتكلم اللهجة السعودية لكن الله أعلم يمكن تكون بقايا حجيج .

وليش يتني أنا من بد كل الناس ؟
لأنه كان وقت التنزيلات وأنا ما مخليه كيس ما شالتنه :
فقالت هذي صيده حلوة !

الحين اللي ما عندها بيزات شو يجيبها الساكس فيفث آفينيو ؟!!!!!!!!!!!!

**ωαяd jσσяч** · 2009-08-03, 13:07

شرآت آلمۈقف آلليَ صآر لنَآ ۈ ف نَفس آلمڪآنَ بعد . . !
تصرف آختج صح / ۈ هآلآشڪآل مآ يَنَعطۈنَ ۈيَـﮧ . . *

**وردة جوريه** · 2009-08-04, 06:27

مشكورين على المرور

**ام حمد وموزه** · 2009-08-04, 07:10

الله المستعان تصرف اختج صحيح فهذه الفئه دائماً نشاهدها في المولات

الموضوع: كيف بتتصرفين ؟؟؟؟؟؟

أدوات الموضوع

عرض

كيف بتتصرفين ؟؟؟؟؟؟

المزيد من آخر المواضيع من نفس القسم:

المواضيع المتشابهه

كيف بتتصرفين بهالموقف ؟

كيف بتتصرفين معــآه ..؟

كيف بتتصرفين في هالموقف ^_^

كيف بتتصرفين لو؟؟

كيف بتتصرفين في هالحالة؟؟؟!!!