الى متى يا ................ثقة................!!

**ريم وفرح** · 2009-12-28, 20:51

المشاركة الأصلية كتبت بواسطة bellegirl

اخواتي الغاليات مشكورات على التفاعل بس مطلوب فعل

ونبغى من الاخوات الي تقدر توصل الي قاعد يستوي حق المسؤولين لإن الموضوع وايد كبر والسرقة صارت عيني عينك !!

الموضوع انذكر وايد برامج البث المباشر واخرها استديو 1 وما شي فايده ولا تفاعل

**lailee** · 2009-12-28, 21:55

احنا يوم شكوا فينا او بالاحرى غيرنا شككهم فينا خلونا ندفع نص جيمة الدوا والحراميه الكبار موجودين ولا حد يقدر ايسوي شي ترى القوانين ما تتطبق غير ع المواطن ترى بس هو الحرامي

**lailee** · 2009-12-28, 21:58

المشاركة الأصلية كتبت بواسطة النسيم البارد

والله انتوا اهل ابوظبي ما خلوا شي ما سووا لكم وماتشكرون الله يعين باقي الامارات لا ثقه ولا غيره الله يرحمنا برحمته ؟؟؟؟؟؟؟؟؟؟؟؟؟؟

الي سوالنا هالخير هم شيوخنا الله يحفظهم هب المسؤولين لو يت عليهم جان داسوا المواطن بريلوهم المهم هم بس ايعيشون بالنعمه محد دفع من جيبه حبيبتي اعتقد عامة الشعب مالهم حق ايعايرون

**لولوة mama** · 2009-12-28, 22:20

هل من مجيب ؟

**ام اعقوص** · 2009-12-28, 22:21

عيل شو اتقولين عني انا واعيالي انا من بوظبي وريلي من دبي المشكله انه كان ريلي يعمل في امارة بوظبي وظهرت لنا بطايق الثقه بس يوم حول ادبي وانتهت مدة البطاقه قالو لي لا خل ريلج يجيب لنا انه بعده يعمل في امارة بوظبي حتى نعطيكم غيرها ولا ماشي بطاقه ثقه والحين انا اصلن ساكنه في بيت ابوي في بوظبي بس شو اسوي ادفع دم قلبي حالي من حال الوافديين بس هم الاحسن عندهم بطاقه الضمان وانا اشوه عندي خليها ع الله شو بنسوي قال ريلي قومي بنسير دبي بس بيت ابوه ماشي مكان وانا ما اريد ياخذ ايجار اكلف عليه الله يرحمك يا زايد شو اقدر اسوي اوني مواطنه

**اسوفي** · 2009-12-28, 22:31

اذا كان على الخاص تهون لكن حتى المستشفيات الحكوميه من صارت تحت اداره اجنبيه و الهدف صار مادي 100%100 شوفي يوم الواحد يروح المستشفى يطلع بكيس الادويه كانه طالع من جمعيه من كثر الادويه وطبعاالمستشفى مستفيد لان ثقه تدفع قيمه الادويه لهم (ما في شي مجاني) صارت بطاقه ثقه هي تحدد مصيرك الواحد الي عنده بطاقه بيتعالج والي ماعند لازم يدفع الكشف والادويه والا على الدنيا السلام ....................... مع ان المفروض المواطن من حقه ويضمن له الدستور العلاج والتعليم مجانا

**شووقـ** · 2010-10-03, 15:52

ان شاء الله الامارات تنتبه لهالاشكال من النصابين حسبي الله عليهم

**رتوـش** · 2010-10-04, 01:32

وعليكم السلام ورحمة الله وبركاته

التكا هذا (نانسنس)

هاك اليوم الدكتورة يحليلها ساعة يالسة تلصق طوابع وأوراق وايد وآخرتها ضيعوا الملف ههههههههه

**رتوـش** · 2010-10-04, 01:34

المشاركة الأصلية كتبت بواسطة النسيم البارد

والله انتوا اهل ابوظبي ما خلوا شي ما سووا لكم وماتشكرون الله يعين باقي الامارات لا ثقه ولا غيره الله يرحمنا برحمته ؟؟؟؟؟؟؟؟؟؟؟؟؟؟

لا إله إلا الله والله أكبر

وكل شي سووه حقنا ونستاهل أكثر

**Noor Al3yoon** · 2010-10-04, 01:40

يمنع رفع المواضيع القديمه

الموضوع: الى متى يا ................ثقة................!!

أدوات الموضوع

عرض