انواع البشره^ ^

[أم عـذاري]

يوجد5 أنواع رئيسية للبشرة
العادية والدهنية والجافة والمختلطة والحساسة وكل نوع فيهم له مزايا وله عيوب ونبدأ بتعريف الأنواع المختلفة.


البشرة العادية


البشرة العادية ناعمة الملمس، خالية من الحبوب والدهون والبقع، صافية ملساء رقيقة، وهي أفضل أنواع البشرات، لأنها بشرة متوازنة.



البشرة الدهنية

دي بقى بتبقى لامعة وبتتميز بمسامها الواسعة اللي بتفرز دهون كتير، خاصة على الأنف وعند الدقن، ده بالإضافة للبثور الصغيرة اللي بتحتوي على رءوس بيضا وسودا كمان




البشرة الجافة

البشرة الجافة بتكون خشنة ومشدودة والمسام بتاعتها بتبقى ضيقة جدا وبيبان عليها خطوط الجفاف وتظهر في بعض الأحيان قشور بيضا بسبب الجفاف وده لأنها خالية من الدهون



البشرة المختلطة

جافة ودهنية في آن واحد، جافة عند الخدين ودهنية عند الجبهة والدقن وجانبي الأنف، والنوع ده من أكتر أنواع البشرة انتشارا.



البشرة الحساسة

ودي بتكون فيها عروق حمراء، وبتظهر على أنها بشرة صافية لكنها أكتر نوع من أنواع البشرة بيتأثر بالعوامل الخارجية. وتقلبات الجو يعني فجأة تلاقيها فيها حبوب واحمرار ومرة صافية وجميلة ونضرة


طريقة سهلة لمعرفة نوع بشرتك.


اختبار البشرة
فيه مجموعة من الاختبارات لمعرفة نوع البشرة وانا اخترلك منهم اختبارين مهمين. ما عليكِ إنتِ غير إنك تعملي الأنسب لك منهم....

اختبار المناديل


اغسلي وشك ونشفيه كويس وسيبيه لمدة ساعة وبعدين حطي عليه مناديل ورق واضغطيها على وشك وراقبي اللي هيحصل، المناطق اللي هتلزق عليها المناديل وتلاقي عليها دهون وكمان تلاقي المنديل بقى شفاف؛ هي دي المناطق الدهنية من البشرة. لو مابتشربش أي دهون فده معناه إن بشرتك جافة. ولو لزق بمنطقة الجبين والأنف والدقن فبشرتك تبقى من النوع المختلط.



اختبار بودرة التلك


زي الاختبار الأولاني تقريبا بس هو أسرع شوية في الوقت. اللي عليكِ إنك تغسلي وشك كويس وتنشفيه كويس جدا جدا وبعدين تجيبي بودرة تلك وتحطيها على وشك وتسيبيها 1/4 ساعة وبعدين تقفي قدام مروحة هتلاقي مناطق فضل عليها بودرة التلك هي دي المناطق الدهنية من البشرة. ولو مافضلش حاجة من البودرة على وشك فده معناه إن بشرتك جافة. ولو فضلت بس بمنطقة الجبين والأنف والدقن فبشرتك تبقى من النوع المختلط.

وابي الردود الكشخهـ

منقول

المزيد من آخر المواضيع من نفس القسم:

• اجمل موديلات احذية بيتي شتوية انيقة ودافئة
• شنط بتصميمات والوان عصرية لاطلالتك هذا الشتاء
• احدث تصاميم اكسسوارات باللون الذهبي لاناقتك
• اجمل موديلات شنط انيقة لاطلالة مثالية
• باقة مختارة من اروع تصاميم اقراط لاناقتك
• اروع تصاميم اكسسوارات غاية النعومة والاناقة
• موديلات بوت بتصميمات والوان عصرية لاطلالة...
• احدث تصاميم فساتين سهره فخمة وانيقة
• اجمل تنسيقات ملابس شتوية لاطلالة عصرية
• نصائح للبنات القصيرة لاختيار الملابس المناسبة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورده.ورديه]

مممم شكرا

بس كيف اعرف لو بشرتي عاديه ؟

[فن القفطان]

تسلميين الغالية