اخوي والصدمه الكبرى

**مجنونة توكس** · 2009-07-30, 15:51

السلام عليكم

انا تشجعت اكتبلكم قصتي، خاصه لما قريت مشاكلكم

قصتي تبدأ مع اخوي

انا وايد ويا اخوي الي اكبر عني، بس احين ما اقدر اشوفه او حتى اسلم عليه

والسالفه تقريبا من اسبوعين واحد من ربعه فتحله ايميل،واخوي ما يعرف هاللخرابييط وقاله ادخل وبنسولف

المهم ياني وسئلني كيف ادخل على المسن وعلمته على نياتي

هو دخل المسن وبعد اسبوع جان افتح سجل المحادثات ولقيته يكلم بنات وربيعه يعطيه الارقام
والمصيبه العوده ربيعه يعرف بنات عرب ونصدمتتتتتتت
لا وبعد كاتب اسماء اهلهن، يعني بنات جبايل

فهالحظات ما عرفت شو اسوي اقوله ولا لا

مع انه الي اعرفه انه ما يرمس بنات لانه نحن من عائله محافظه ما عندهم هالسوالف

المهم تميت يومين وانا افكر شو اسوي ومحد يدري غيري انا واختي

وحسيت وايد تعبت نفسيتي، الصراحه احين ما لوم الحرمه المعرسه يوم تدري انه ريلها يغازل تبى تطلق

اخوي مب معرس عمره تقريبا 23

تميت بعد يومين ما اقدر ارقد وكله افكر معقوله يغازل وهو الي يعيب على الشباب الي يغازلون

امي ناويه تخطبله،قدتلها قبل لا تخطبيله ادبي ولدج عن لمغازل لانه بنات الناس مب لعبه

وانا الي ما ارضاه على نفسي ما ارضاه على غيري

قالتلي شو دراج، جان اقوله حرمه خبرتني، امي انصدمت ويلست تحايلني تبا تعرف الحرمه بس ما قتلها اني شفته في الكمبيوتر

المهم امي قالت يالله بستر شو ناوي هالولد يفضحنا، وسارتله وقالتله انه حرمه دقت لامي وقالتلها بس امي ما طرتني، قالها انه ما يغازل وعصب ويلس يصارخ وقالها شوفي تيلفوني لو ما تصدقين

امي نزلت وكنا فالصاله انا وخواتي ، ويانا وقال لامي اعطيني تيلفونج ابا اعرف منوه الحرمه الي قالتلج المهم شل التيلفون وامي قالتله تبا تفضحني رد التيلفون

وهنا يا دوري وجان ارمس وقلتله انا الي قلتلها وجان اقوله كيف عرفت وما طاع يعترف ويقول مب انا

المهم قتله انا عندي دليل اذا تبا تتأكد قالي اوكي

فتحت سجل المحادثات وانصدم وتغير لون ويهه واختبص وبعد يقول مب انا، اونه ربيعه الي فجله الايميل هو الي يعرف الباسورد ويمكن هو

بس على منوه يجذب علي انا، ربيعه لو فتح ايميله بيسجل المحادثه عنده مب عندي

واخوي طاح من عيني

واخيرا بعد ما درى بالسالفه قلنا انا وخواتي ما بيقول ابا الابتوب
سبحان الله بالباجر الظهر قال ابا الابتوب

تعرفون شو سوى ما بتصدقون وهذا اكبر دليل على كلامي

مسح كل محادثاته فالسجل المحادثات اكيد ربيعه علمه لانه اخوي ما يعرف شي فالكمبيوتر

والمشكله العوده انه ربيعه يعطيه ارقام حريم وبنات جبايل وعرب وما كنت اعرف انه حتى بنات الجبايل ما فيهن مستحى جان يرمسن شباب

يمكن هو خاف اراوي ابوي لانه ما يدري عن فعايل ولده

وهو مصدق عمره انه مب مسوي شي وانه ما يغازل

قولولي شو اسوي احين

المزيد من آخر المواضيع من نفس القسم:

**الزيدية** · 2009-07-30, 15:56

الله يهديه ان شاء الله

**كلي_جاذبيه** · 2009-07-30, 15:57

ليش مكبرين السالفه
شاب في هالعمر شو تبونه يسوي وهو يشوف ربعه واللي قده يغازلون ويرمسون بنات

ياختي مهما حاولتوا تمنعونه خلاص الولد يبا يجرب هالشي
شايف غيره يسوي قال انا بعد بسوي
وتقريبا كل الشباب يرمسون بنات وعندهم خرابيط مالها معنى

يمكن مع الايام الله يهديه بس لاتمنعونه بالقوه انصحوه وبس
ترا جدامكم بيقول مايرمس ومن وراكم بيسوي اللي في راسه

**عسليه** · 2009-07-30, 15:57

ربع السووء ترى وايد يأثرووون ..

الله يهديه إن شاء الله ..

لو يدور له ربع صالحين اخير له ..

**دبي** · 2009-07-30, 16:01

يوزوه ان شاءالله يعقل

ولمحوله انه هالشي غلط

ربي يهديه

**سلطانة حب** · 2009-07-30, 16:01

شباب و وايد يخبصون ..
ما ادري احس ان انتو ضغطو عليه و صدمتووه من اللي صار
و كان عادي تحلين الموضوع بروحج بدون ما تقولين لامج.
لان اول شي مب كل شي ينقال لامج او ابوج في اشياء ترومين تحلينها بينج و بينه و تزيد ثقتكم ببعض
و بالطريقه اللي انتي سويتيها خربتي وايد اشياء ف علاقتج بين اخوج.

صراحه انا اخواني كلهم اكبر مني و ما فكرت في عمري لو شو ما سوو اني اخبر او اقول هالشي.
بس لو صار هالشي لحد اصغر مني يعني عيال اخوي .. مثلا
فصدقيني ما بفكر اني اخبر حد .
اول شي بحافظ ع سريه الموضوع و بكلم صاحب الشأن اللي غلط. بهدوء و بقول له انت عندك خوات
و كما تدين تدان.. و ترضى حد يسوي جي بخواتك

مممم ما ادري بس احس ردت فعلج غلط .. الاولاد ما يحبون حد يقول لهم جي .. ويعاندون زود

**فديتني ريماني** · 2009-07-30, 16:02

الله يهديه الغلا

**دلوعتهـ^.^** · 2009-07-30, 16:18

احس مكبرين الموضوع واايد وايد ...
كل الشباب جي هالايام .. بس ها مب معناه انه الي يسويه صح !
الله يهديه ..

**قمـآري }..** · 2009-07-30, 16:22

الله يهديه ..

**مبروكين** · 2009-07-30, 16:33

الله يهدي

**اميرة1** · 2009-07-30, 16:43

اللله يهديهم ان شالله بس انتي قوليله تخيل اخواتك بدال هالبنات وكما تدين تدان

والله يهديه ان شالله

***القطريه*** · 2009-07-30, 17:23

لايعالج الخطأ بخطأ

يااختي ماكان الرفق في شي الا زانه

جان قعدتي معاه في مكان برع البيت

وسولفتي معاه لين هو يقر باللي في قلبه

اما جذيه خلاص عرفتوا اشصار يعني

طاح من عينكم انزين وبعدين

حاولي اتهدين الوضع واتقربين منه اكثر

لانه هو الحين متذبذب ولااتكلمينه عن

الموضوع كلميه عن اي شي يحبه

والله يوفقج ويهديه.

**الولهـانه** · 2009-07-30, 17:38

كل الشباب هالزمن يغازلون !!

بس ما يبون حد ينصحهم..!

يعني خليه براحته ونصحيه مرة بهدووء..وعقب خليه..والله بيهدييه ان شاءالله

**Jo0oDY_ABo0oT** · 2009-07-30, 19:03

الله يهديييه انشاااء الله

**Cute Mamy** · 2009-07-30, 19:07

الله يهديه يا رب

الموضوع: اخوي والصدمه الكبرى

أدوات الموضوع

عرض

اخوي والصدمه الكبرى

المزيد من آخر المواضيع من نفس القسم:

المواضيع المتشابهه

الأخت الكبرى

فساتيني في عرس اخوي وولد اخوي

بنت خـالتي و 12_12 والصدمه

فيديـــــــــــــوو الشغالـــــــــــه والولـــد .............والصدمه في الاخـــيـــر