الياهل معترض )":

**الشيخه حمده** · 2009-07-30, 12:16

مرحبا خواتي ..

اليوم كان عندي موعد والحين انا ماباقيلي شي على الولاده ويوم سوتلي صوره قالت ان الراس مب نازل في الحوض ومعترضوالله تضايقت وايد ياليت اللي تعرف تمارين يخلي الراس ينزل في الحوض تخبرني ..

المزيد من آخر المواضيع من نفس القسم:

**Blo0owi** · 2009-07-30, 12:17

ما ادري الصراحه

بس يمكن الحبو زين

**رنج ابيض** · 2009-07-30, 12:17

امشي وايد

واذا موعد الولادة يا وهو معترض اعتقد الممرضات وقت الولاده يحركونه

بس ما عليج الا بالمشي ثم المشي

**أم منــصور** · 2009-07-30, 12:19

مرحبا الغاليه اختي كانت جي و كانت اتصيح شو سوينا وديناها عند يدتي و مسحت لها بطنها بخفيف و اعتدلل راسه و على طول ودينها تمشي نزل راس الياهل تحت و ثاني يوم ربت

حطي زيت زيتون و اقري على بطني و بشوي شوي امسحي على فكره انا سمعت ان الياهل يدور فالبطن عكس عقارب الساعه يعني امسحي بهالطريق او انصحج اتروحي عند مساحه احسن لج

**::ملاك::** · 2009-07-30, 12:20

الغالية وايد أخوات يقولون انه الحرمة لازم تحبي و تكثر من السجود عشان البيبي راسه ينزل،،
الله اعلم،، بس وايدين استفادوا من هالشيء..

**مزوحية** · 2009-07-30, 12:32

هلا حبووبه

عليج بالمشي .. وخاصه فالتساسع امشي بلا قياس وإن شاءالله بينزل ولاتخافين من اي حركه

اختي صارلها نفسج راحت عند دكتوره فدبي ماذكر شو أسمها بس مسحت بطنها وحركتب البيبي قبل يوم ولادة وعقب قالتلها عليج بالمشي وكثري منه

**الحلا مبتليها** · 2009-07-30, 12:35

المسح اوووووووووكي وااااااااااااايد

امي كانت عندها نفس المشكله .... وراحت مسحت عند حرمه ونزل

**حرمة خالد** · 2009-07-30, 12:43

عن تجربه

المشي

السجود

وتحبين

والحمد لله ولادتي تسهلت .. الحمد لله .. الله يسرها لي

ادعي واستغفري وكثري من المشي والحبو والسجود

والله يسهل عليج ان شاء الله وتربين طبيعي

**um sheikha** · 2009-07-30, 13:04

الله يهديج ياختيه المفروض من الأسبوع 28 لازم ينزل راس الياهل تحت والدكاتره ينصحون من الأسبوع 31 يبتدون يحركون الطفل علشان ياخذ الوضعيه الصحيحه بأن يكون راسه تحت وبعد الياهل يكون اصغر .. أذا أنتي في بوظبي روحي لمستشفى الكورنيش وساليهم عن كلاس الأمومه التثقيفيه هناك نيرس إلي تعطي هالدروس أسمها " جاسمن " هي بريطانيه أشرحيلها حالتج وشوفيها شو تقولج هي ماشاء الله عليها دوم تنبه علينا أذا الطفل في هالفتره ما نزل راسه أنروح عندها علشان تسويلنا تمارين ينزل راس الياهل في الحوض .. وأن شاء الله خيرعزيزتي .

**الحب الاول** · 2009-07-30, 13:16

احبي واااااااااايد واسجدي

**البنفسج((1))** · 2009-07-30, 13:20

اذا اتخافين اتسيرين عند حريم سيري عند دكتورة زينب الشنار في دبي اتسوي تدوير مسح شاطره وايد

**كش ملك** · 2009-07-30, 13:24

ان شاء الله تتيسر ولادتج وعليج بمثل ما قالن لج البنات

**Fafi** · 2009-07-30, 13:56

المشاركة الأصلية كتبت بواسطة ::ملاك::

الغالية وايد أخوات يقولون انه الحرمة لازم تحبي و تكثر من السجود عشان البيبي راسه ينزل،،
الله اعلم،، بس وايدين استفادوا من هالشيء..

نفس الرد .. الله يسهل عليج إن شاء الله و علينااا أجمعين

**سلامه )** · 2009-07-30, 14:28

أنا ويا البنات سيري امسحي عند الدكتورة زينب بنت خالي مرتين مسحة عندها و نزل الراس و ربت في نفس اليوم و كانوا مقررين عليها عمليه

الله يسهل عليج الغاليه

**فينوس** · 2009-07-30, 14:48

اختي السجود والحبو وجلسة القرفصاء..
وايد مهمة الغالية انج تيلسين القرفصاء كلما يلستي..
حاولي انج تسوين حركة الرياضة مثل ما تقعدين على كرسي في الهوا..
وتكون السيقان وهي مثنية متباعدة عن بعض وايلسي وقومي كرري الحركة دوم ولا تقولين تعبت او اتعور عسب ينزل البيبي في الحوض ويتوسع عندج عنق الرحم..
الله ييسر عليج وتقومين مع البيبي بالسلامة يا رب،،،

الموضوع: الياهل معترض )":

أدوات الموضوع

عرض

الياهل معترض )":

المزيد من آخر المواضيع من نفس القسم:

المواضيع المتشابهه

إلجنين معترض !!

وضع الياهل"سوال"

ساعدوووووني .. البيبي معترض

الياهل معترض نبغي رقم وحدة تمسح في الشهامة