الحلويات المغربيه

[نظاره طبيه]

صباح الخير يا حلوات ,,,, حابه استفسر عن الحلاوه المغربيه, منوه جربتها ؟ وشو رايكم فيها؟ وشو احسن تتقدم في رمضان وإلا في العيد؟ وآخر سؤال ممكن حد يقولي وين احسن مكان للبيع الحلويات المغربيه في ابوظبي أو العين؟ ادري اني وايد اسأل بس حابه اعرف
وما ادري هل هذا المكان الصحيح للاستفسار وإلا لا ؟؟؟؟؟

اتمنى اللي عندها معلومه عن هذا الموضوع ما تبخل علينا

وتسلمون

المزيد من آخر المواضيع من نفس القسم:

• طريقة عمل تتبيلة السلطة اليونانية حصري
• طريقة عمل صوص الكراميل في البيت حصري
• اجمل افكار تقديم الضيافة في رمضان
• طريقة عمل صوص الزبادي بالنعناع سهل ولذيذ حصري
• طريقة عمل باذنجان مشوي في الفرن حصري
• طريقة عمل صوص الكراميل اللذيذ في المنزل حصري
• طريقة عمل صوص الليمون والكمون للمشويات...
• طريقة عمل صوص الزبادي بالثوم والكزبرة...
• طريقة عمل صوص الافوكادو والزبادي من اشهى...
• طريقة عمل صوص الجبن في المنزل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Nْ 7]

الحلويات المغربية لذيذه خص البسطيلة وأنتشرت في المناسبات الحين .. لكنها دسمة حيل وغنية بالسمن

واعتقد انها تناسب المناسبتين لكن العيد أكثر كنوع من التغير .. وبصراحة ماعرف المحلات إن شاءالله

البنات يفيدونج

[فن القفطان]

يمي مي شهيتيني
لذيييذة و تنفع للعيد و لرمضان و اذا ياج حد
و اشهر حلوى كعب غزال و هذي صورته

[نظاره طبيه]

تسلمن حبيباتي على الرد
انا صراحه اشوف هالحلويات بس ما فكرت اجربها احسبها وايد دسمه
فحبيت استفسر عنها وان شاء بجربها بقولكم

بس اذا حد من الحلوات اللي يقرن الموضوع اتمنى يردون


وشكرا

[نظاره طبيه]

ما شاء الله تسعه وخمسين وحده مرن وما في حد يرد غير هنتين, عالعموم شكراً عالمرور. ووألف شكر مره ثانيه للي ردن....

[أم كاكي]

ان شاء الله البنات يفيدونج

واحس للعيد افضل

[bellegirl]

اختي الحلويات المغربية ما عليها كلام للعيد ورمضان

وإذا تبغين محل بطرش لج الرقم على الخاص

[اسعد اللحظات]

ما عندي فكرة اختي انشاءالله البنات ايفيدونج

[meshad]

انا اعرف محل في الشارجه
بس لو تبغين تسويها اعطيج وصفه اي حلاوه تبينها

[نظاره طبيه]

اختي الحلويات المغربية ما عليها كلام للعيد ورمضان

وإذا تبغين محل بطرش لج الرقم على الخاص

تسلمين حبيبتي و اذا ممكن تطرشيلي الرقم , بس اريد اعرف انواعه وشو الاحسن؟

مشكوووووووووووووره وما تقصرين:

[نظاره طبيه]

انا اعرف محل في الشارجه
بس لو تبغين تسويها اعطيج وصفه اي حلاوه تبينها

هلا والغلا ,,,
شو اسم المحل اللي في الشارجه؟
المشكله اني ما اعرف انواعها عشان جيه اسأل ,بس اذا ما عندج مانع عطيني الوصفات وبشوف اذا بقدر اسويهن مع اني حاسه ان الطريقه صعبه ما ادري ليش... وعشان الخوات بعد ممكن يستفيدن , يزاج الله خير فديتج

[نظاره طبيه]

ان شاء الله البنات يفيدونج

واحس للعيد افضل

انا بعد اقول جيه بس ساعات اقول حلوه في رمضان نقدمها لان العيد ما شاء الضيافه اغلبها حلويات وشوكليت وبسكوتات خاصه لعيد الفطر, فانا اقول في رمضان هذي جاهزه وسريعه وتتقدم للضيوف مع القهوه خاصه اذا ما كنت مسويه سويت بعد الفطور. هذا رايي

شكرا ختيه على الرد


واشكرتج يا اسعد اللحظات , يكفي انج شاركتينا

[أم النامي]

تصدقون عاد أنا آكلها متى ما يت على خاطري يعني مب شرط في رمضان والعيد ...أموت على الحلويات المغربية
روحيله وقوليله حطلي نص كيلو مشكل من كل إلي عندك وجربيهم وإلي يعبنج أكثر ردي خذيه
محل الحلويات المغربية في الخالديه
إذا تبين تفاصيل على الخاص لأني يمكن ما أرد لهالموضوع

[meshad]

سلام عليكم المحل الي في الشارجه اسمه مخابز الامير
و الوصفات الي تبينها انتي اختاري الحلاوه الي تبين و انا اعطيج الوصفه و الطريقه
هي سهله وايد في تسويتها مو صعصبه
اعتقد انج تسوينها بيديج احسن ما تشتريها من بره
مو متل بره ما تعرفين ان كانت زينه ولا لا و يمكن بعد تكون قديمه

[نظاره طبيه]

سلام عليكم المحل الي في الشارجه اسمه مخابز الامير
و الوصفات الي تبينها انتي اختاري الحلاوه الي تبين و انا اعطيج الوصفه و الطريقه
هي سهله وايد في تسويتها مو صعصبه
اعتقد انج تسوينها بيديج احسن ما تشتريها من بره
مو متل بره ما تعرفين ان كانت زينه ولا لا و يمكن بعد تكون قديمه

الصراحه الغاليه انا ما اعرف اسماءهن وانا معاج شغل البيت انظف . ممكن تعطينا وصفه وحده فيهن وانا بجربها, وبخبرج ان اشاء الله, ومشكوره على التواصل فديتج.

تسلمين