زوجي حبيبي

**أم الخيال** · 2009-07-29, 20:22

هلا خواتي اريد رايكن وبصراحه انا احب زوجي وايد وهو يحبني بس اليوم صار لي معاه خلاف وهو كان معصب فنهى الخلاف باللعنه قالي الله يلعنج ستين لعنه شو موقفج لو مكاني وشو بتسوين

المزيد من آخر المواضيع من نفس القسم:

**أحلى الحلوات2** · 2009-07-29, 20:24

والله ما عرف شو اقولج بس حبيت ارفعلج الموضوع بدعوه

الله ايسر اموركم وان شا الله ايكون هذا اخر خلاف من بينكم يا رب

**Bent RAK** · 2009-07-29, 20:26

يمكن زل ألسانة ... لا تاخذين كل كلمة بمحمل الجد ...

**رهفة الاحساس** · 2009-07-29, 20:30

بيييج وبراااضيج واكييييييييييد مب قصده شي بس طلع عن طوره ...

**هوتميل** · 2009-07-29, 20:34

زله السااااااااااان حبووبه ....... لا تحطين في خااطرج بس حسسيه بعظم هالكلمه لانها مب شي .... وتراا الاغلبيه يوم يعصب يقوول كلام مب قاصده

**أم الخيال** · 2009-07-29, 20:41

ياني وحبني فوق راسي بس وايد معورتني الكلمه مب متوقعتنها منه

**عاشقة الطفوله** · 2009-07-29, 20:42

الله كريم ويبعد عنكم المشاكل وتعيشون حياه حلوه بس يمكن متلوم على هذا الكلمه
الله يصلحكم

**shaikah3** · 2009-07-29, 20:49

المسامح كريم .. وما عليه حصل خير حطي في بالج انه الي تحبينه هب ملائك ما يغلط هوه انسان والانسان يغلط ويعلم من غلطه ما يكرره .. سامحي زوجج وتقبلي اعتذار و صفي القلوب وخلي زوجج بين احضانج و حاولي تتناسين الم الي سببت كلمه في خاطرج و إن شاء الله الله بيزاج خير أكيد بتكبرين بعيون زوجج وبقول الحمدالله حرمتي عاقله و تقدر ضروفي وتفهمني .. والله يسعدج يارب مع زوجج و أهلج يا رب

**.+ Swan +.** · 2009-07-29, 21:06

وحاسبنهم بعد ستين لعنه *_*
الله يهديه .. قوليله وانتوا في قعده صفاا ان هالشي صدمج واول مره تسمعين شي منه جيه
وانج تاثرتي من هالشي ...وبعدين قلبيها مزح يعني ليش 60 لعنه حاسبنهم الاخ خخ .. عسب ماينقلب الموضوع جد او زعل ويزيد الكلام فيه ..
علميه يقول حسبي الله ونعم الوكيل أو الله يلعن الشيطان ويبتعد عن اللعن المباشر لان لو ماستجاب بينرد فيييه
فهميه هالنقطه لوجه الله .. وسامحي اختي بافعالج بس مب لازم تقولين له انا سامحتك بلسانج عشان مايتعود انه كل مره يسب وانتي تسامحيه ..

**أم ريمـاني** · 2009-07-29, 21:26

الله يهدي رياييلنا يووم يعصبوون مايثمنوون رمستهم ,,

**بهلولة** · 2009-07-29, 21:29

يا حياتي لاتزعلين هاي كلمة وانقالت بلحظة غضب
بس يوم تهدى النفوس قوليلة لا تلعني مرة ثانية
عشان رب العالمين ما يخسف فيني

**salamah123** · 2009-07-29, 21:48

زل لسانه وغلط .. سامحيه حبوبه .. المسامح كرييم .. الله يسعدكم ..

**ومــVIPــن** · 2009-07-29, 22:23

حبيبتي لالا تزعلين ... يمكن ما يقصد يقوولهاااا طلعت بالقلط ... صبري اكييييييييييييد بي يراضيج ....
بس لازم تحسسينه معنى هل الكلمه مب حلوووه يقووولهااا حق زوجته حبيبته ..

**كيمي 2** · 2009-07-29, 22:38

ادعيله بالهديه ويا ابناء المسلمين اسمنها الامه الاسلاميه
هالاياام في حاجه ماسه للدعاء مب بس انتي يالغلا في غيرج يعانوون بعد

الله يفرجها على المسلمين

**الحبسيه** · 2009-07-29, 23:29

خليه يعطيج 60 بوسه خخخخخخخخخ (( عقاب عالكلام اللي قاله ))

الغلا ولازم تحطي في بالج انه الريال اذا عصب ما يحب حد يكون عنده فكيف اذا رمستي وياه ودخلتي معاه في موضووع

الموضوع: زوجي حبيبي

أدوات الموضوع

عرض