رحلتي إلى ZOO العين ..بالصور

[همس-الليل]

شخباركم عساااااااكم بخير ومستانسين...الحمدالله

من كم يوم اخويه قرر يودي عياله حديقة الحيوان اللي في العين من كثر ما طفروه
وحليلهم عاد هم إلا اثنينه ...المهم ولدي سمعهم وقد بعد يحن وسرنا معاهم مع انه حر بس من زماااان كان خاطري اسير واختي بعد خذت ولدها ..وانطلقنا الساعه 6 المساء ..
اصبروا علي تراني اهذرب واااايد الله يعينكم..

عاااد انا ماصورت وااايد اشياء من الحر ..لاني الذكيه
كنت لابسه شي ثجيل تحت العباه..خلااااااص خلااااص بخليكم ويا الصور..
..... واخييييرا..


لحظه لحظه نسيت اقول شي.....ااممممممممممممم.. شووووووووووووو
لا لا كنت اسولف خلاص....



















































بعدني بكمل ماااخلصت..

المزيد من آخر المواضيع من نفس القسم:

• شتاء دبي غير مع كنوزها التاريخية والتراثية...
• دبي تستعد لليلة رأس السنة بعروضٍ مبهرة
• اجمل الأماكن السياحية في جميرا دبي
• حوض الحجرات المفقودة في دبي
• اهم المعالم السياحية الجذابة في دبي
• جولة في فندق والدورف أستوريا دبي بالم جميرا
• منتجع وسبا دبل تري من هيلتون جزيرة المرجان
• جزيرة ياس افضل الوجهات الترفيهية للعائلات
• اجمل اماكن السياحة الشتوية في الامارات
• اقوى عروض فنادق ريكسوس لعيد الأضحى

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[همس-الليل]

هاذا على ما عتقد الثعلب المكار...


وهاذيلا الحلوين...القرود الطيبه..






وها سعدون صغير ..


والزرافه هاي حبيتها ما ادري ليش ...حسيتبها انيقه ...خخخخخخ








وهاي الغوريلا ما ادري اشبلاها معصبه وعاطتنها ظهرها ..وحاولنا اصورها من كذا جهه وهاي اللي طلعت..بس تمشي الحال



وهنيه وكر الذياب وحبيت المطارده كان هناك ذيب عنده قطعة لحمه والكل يراوغه عليها ..بس مب هين لولا الحر جان كملت اشوفهم..



باقي عاده صورة الأسد ...تعبت الصراحه وما فيه انزل صفحه عشانه..ومن غير شي في الحديقه النمور والتماسيح والافاعي والحيوانات الليليه بس ما لحقنا انصور...بصراحه حريت وسرنا عقبها المطعم ويلسنا اليهال وطلبنالهم بيتزا وعصير وكانت البيتزا لذيييييذه وحاره ..انا واختي طلبنا كابيتشينو بس كانت عاديه شرات النسكافيه مع الكوفي ميت.. عالساعه 8 تقريبا ظهرنا والحديقه اتسكر الساعه 10 المسا وان شاء الله تعيبكم رحلتي ورحله موفقه للجميع..

مع السلااااااااااااااامه وفي حفظ الله وما ابا غير دعوه حلوه منكم....اختكم همس الليل..

[مرااايم.]

تسلم الايادي تقريرج واااايد حلوو ......الله يعطيج العافيه

[همس-الليل]

تسلم الايادي تقريرج واااايد حلوو ......الله يعطيج العافيه

الله يسلمج الغاليه ..واسعدني مرورج...تعالي كل يوم ...

[همس-الليل]

9 مشاركات ماشي غير رد
عالأقل رفعوا الموضوع..

[همس-الليل]

للرفع

[همس-الليل]

استغفر الله العظيم..

[همس-الليل]

للرفع..

[همس-الليل]

لا إله إلا الله

[احتاجك..]

حلو ماشالله^^

[ὼᾅṝḋ]

تسلمين همس الليل ع التقرير الحلو ..

فعلا الصغارية حبهم الحيوانات ,,

الله يحفظهم لكم ,,

والله يعطيج العااافية ع الصور الحلوة ,,

وبإنتظار اليديد منج ..

[جنة المشاعر]

ههههههه أنا دومني معسكرة هناك ويا عيال اخوانيه ربيه يخليهم

زين انيه عيناوية ,,

الا شو الحر

الله يعينا يوم الحساب

يوم هذي الدنيا مب قاهرينها ,, وين جهنم

اللهم آتنا في الدنيا حسنة وفي الآخرة حسنة وقنا عذاب النار

[مرت احمد]

للرفع

[همس الهجير]

هلا وغلا همس الليل
الصور وايد روعة الصراحه فنانه في عمل التقارير والتعليق على الموضوعات
انا من زمان مارحت الحديقة وانتي شوقتيني عناتي الأسبوع القادم بروح مع اليال وبناكل البيتزا اللذيذه

[همس-الليل]

ههههههه أنا دومني معسكرة هناك ويا عيال اخوانيه ربيه يخليهم

زين انيه عيناوية ,,

الا شو الحر

الله يعينا يوم الحساب

يوم هذي الدنيا مب قاهرينها ,, وين جهنم

اللهم آتنا في الدنيا حسنة وفي الآخرة حسنة وقنا عذاب النار

صدقج يا الغاليه الله يعينا يوم الحساب ..ومشكوره فديتج عالمرور..
اللهم آتنا في الدنيا حسنة وغي الآخرةحسنة وقنا عذاب النار