شو اللي .......؟؟!!

**ندى دبي** · 2009-01-21, 02:12

ماشاء الله عليكم

الله يسعدكم ويهنيكم

المزيد من آخر المواضيع من نفس القسم:

**3osha** · 2009-01-21, 02:49

شو المواصفات الحلوه اللي حصلتيها ف ريلج؟؟
مخـلص ولله الحمد, حنون, يحب اهله, وسيم

شو المواصفات ال مب حلوه فيه ؟؟
الجفا خاصه يوم نزعل يتغلى وايد ^^, وصفه ثانيه ماحب اذكرها

شو الموقف اللي سواه وكبر ف عينج؟؟
وايد مواقف واللي ف بالي الحين يوم مرضـــــت كااان وااااايد يحاتي وباله مشغووول ووايد وايد خايف

شو الموقف اللي سواه وما عيبج؟؟
لما خلاني اتنازل عن حفلة الملجه و وايد اشيا عشان خاطر خطيبت اخوهم ماتتضايج وبالمقابل سوولها حفله كبيييييييييييييره عقبي بس يالله الله كريم

شو الموقف العظيم اللي سويتيه واثر ف ريلج؟؟
خخخخخ اني صخيت ماقلت شي عن اللي صار ف الموقف اللي فووق وبالعكس قلتله عادي وسوولها ^^
واكيد اكيد اكيد اكيد اكيد اكيد بختااااره اصلا الحمدلله اللي جمعني وياه

**انثى بس غير** · 2009-01-21, 03:06

للاسف انا مخطوبه مب معرسه

ان شاءالله يوم بعرس بكتبلكم

الله يوفق كل متزوجه يارب..

**ندى دبي** · 2009-01-21, 20:00

ربي يوفقكم ويهنيكم

**ايشوووت** · 2009-01-21, 23:22

بعدني ما عرست عسب ارد عليج,,

**جنيبية بهواها** · 2009-01-22, 02:23

يوم بعرس بخبركم

بس لين ما اعرس الموضوع بيجدم وبيمنعونه من ان ينفتح مرة ثانية لي هاذيج االحزة
وبتم ادور على الموضوع ما با احصله بيحذفون القسم ويمكن يغيرون المنتدى ويغيرون اسمه ولا
ويمكن يحذفون المنتدى بكبره ويمكن تطلع منتديات ارقى واحلى والنت بيتغير والدنيا بتغير
وانا بعدني اتريا المعرس عشان ارد على هالموضوع

سنة 2020 الله المستعان

**xx.meme.xx** · 2009-01-22, 11:50

بما أني انسانهـ مش مرتبطه برردلج ع إلي اقدر عليهـ
شو المواصفات الحلوه اللي حصلتيها ف ريلج؟؟
اناا الصرااحه مش مررتبطه بس فيه موااصفاااات امحطنهاا افباالي
(اهم شي يكون ذا خلق ودين يخاف الله بكل شي و يخاف الله فيني - محافظ على صلاته وصيامه -رضي الوالدين ويكون فيه خير فيهم لان اللي مافيه خير بأهله مافيه خير بحرمته وعياله - انسان متعلم و فاهم بالدنيا مش شررط يكوون عنده شهااده عااليه يكفي انه يشتغل و حااسس ابمسؤوولية شغله - انساان يكووون له هيبه امبين العررب - انسان متفهم - انسان قادر يتحمل مسؤولية بيت و زوجه و عيال - عاادل في الحياه )
وان شاء الله ربي يحقق منى الجميع ويرزق كل وحده ماتتمناه
شو المواصفات ال مب حلوه فيه ؟؟
....................... لا يووجد جوااب ...........................
شو الموقف اللي سواه وكبر ف عينج؟؟
....................... لا يووجد جوااب ...........................
شو الموقف اللي سواه وما عيبج؟؟
....................... لا يووجد جوااب ...........................
شو الموقف العظيم اللي سويتيه واثر ف ريلج؟؟
....................... لا يووجد جوااب ...........................
و سمحيلي غلالالايه لأني بس سؤواال رمت اجااوب عليهـ
يعطيج العافيه اختي موضوع روووووووووعه
xx.meme.xx

**Shaja3a** · 2009-01-22, 16:27

شو المواصفات الحلوه اللي حصلتيها ف ريلج؟؟

وسيم وايد و نظيييييييف و وايد هادي وطيب ويحب يساعد الناس ودوم يفكر فيا ويحبني مووت والحمدلله مب من النوع المغازلجي مع ان البنات هم اللي يلاحقونه والله ولا يفتكر

شو المواصفات ال مب حلوه فيه ؟؟

يسمع يسمع يسمع.. آخر شي يسوي اللي براسه لول

شو الموقف اللي سواه وكبر ف عينج؟؟

يوم قال حق امه ابا اعرس ومابا غيرها لووول

شو الموقف اللي سواه وما عيبج؟؟
اشيا تافهه اتغاضى عنها

شو الموقف العظيم اللي سويتيه واثر ف ريلج؟؟
كثر ما هو سوا حقي ما احس اني سويت شي يذكر يستاهل اكثر بوايد

**حرم المهيــري** · 2009-01-23, 05:47

شو المواصفات الحلوه اللي حصلتيها ف ريلج؟؟

رياضي ومتديّن واجتماعي شخصيه مرحه مع الطفل طفل ومع الكبير تلاقينه عاقل ورزين هذي احلى صفاته

شو المواصفات ال مب حلوه فيه ؟؟

مايحب ييلس مرتاح لازم يطلع له شغله متعبه عشان يسويها

شو الموقف اللي سواه وكبر ف عينج؟؟

كان يحلم يكون مطرب اماراتي وشل الفكره من راسه

شو الموقف اللي سواه وما عيبج؟؟

سجّل ولدنا في الروضه والصبي قاصر عن الثلاث سنين مسكين ووو الحبيب يايب للولد استثناء هاااالكبر من الوزاره ودخله بواسطه قال اباه يطلع ذكي أونّه بس الحمدلله عدّى الفصل الاول ع خير وطلع الصبي شاطر وو يحب الروووضه

شو الموقف العظيم اللي سويتيه واثر ف ريلج؟؟

كنت اصلي كل ليله القيام وادعي ربي يبعده عن فكرة الغناء لين في ليله نش وشافني وانا اصيح وادعي وسمعني بعد والصبح سأل شيخ موثوق عن الغناء وخبره باللي شافه والشيخ نصحه انه يبعد
ولين اليوم الموقف مأثر فيه

واخيرا لو رد بج الزمن ل ورى بتختارينه ولا لأ

هيه نعم اختاره

**مرافئ صمت** · 2009-02-01, 11:57

موضوع حلو

شو المواصفات الحلوه اللي حصلتيها ف ريلج؟؟
الأخلاق والطيبة والحنان وخوفه علي والاهتمام وتحمل المسؤوولية والشخصية القوية والمرحة والحبوبة ما شاء الله عليه

شو المواصفات ال مب حلوه فيه ؟؟
ياكل بسرعة هههههههه

شو الموقف اللي سواه وكبر ف عينج؟؟
امممم مادري وااايد الصرااحة

شو الموقف اللي سواه وما عيبج؟؟
مادري .. ماشي يحضرني حاليا

شو الموقف العظيم اللي سويتيه واثر ف ريلج؟؟
وقفتي وياه

واخيرا لو رد بج الزمن ل ورى بتختارينه ولا لأ
طبعا

**جامعية** · 2009-02-01, 13:27

قريت بس الصفحة الأولى... ههه ابغي افضفض بسررررررررررعه
..................

اللي يعجبني في زوجي حبيبي...انه حنون وصبور و ما يلبي لي طلب.

واللي ما يعجبني فيه.. حاليا مافي شي، انا اتحسس من شي بسيط وازعل منه..بس موش الغلط فيه انا بس حساسه هههههه...واحاول اغير فيني هالطبع.

موقف سواه وكبر في عيني... دوم يقول لي لو مايبتي عيال مابتزوج عليج..واحسه يبي يتغير من شي انا ازعل عليه ويحاول يسعدني بأي طريقة.

موقف سواه وماعجبني...اممم مازال مايحضرني شي..بس هم كنت ازعل لو بأشياء تافه ههههه

موقف عظيم واثر في زوجي...صبري على سفره..واشترك في جمعيه عسب ادفع سلفيته هههه

اممم كنت قبل دوووووووم ارفضه عسب اختي ماخذه من عندهم..وعسب اهوو اصغر عني.. وبالاساس ما كنت افكر بالارتباط وانا فالجامعه..ولوو رجع الزمن بكون مثل ما انا ههههههه برفضه،بس عسب الاهل اقنعوني فيه..

**MAHA21** · 2009-02-05, 13:46

قبل لا اجاوبج اكيد بختاره فديته
شو المواصفات الحلوه اللي حصلتيها ف ريلج؟؟
الطيبة- التفاهم -الثقة- الهدوء - الكرم
شو المواصفات ال مب حلوه فيه ؟؟
برود الاعصاب ساعات وبس ولا فديته يعل عيون الحساد بعيده مابه عيب
شو الموقف اللي سواه وكبر ف عينج؟؟
تحدا الناس كلها عشاني وتحملني انا و،،،،،،، سر ما بخبركم
شو الموقف اللي سواه وما عيبج؟؟
مرات اشيا ماحب حد يدري عنها وهو يخبر اهله من غير قصد
شو الموقف العظيم اللي سويتيه واثر ف ريلج؟؟
لما قلت له برجع لك فلوس الزهبة عسب ناخذ شقه للمستقبل طبعن رفض

**رنج ابيض** · 2009-02-05, 14:03

المواصفات الحلوه اللي حصلتيها ف ريلج؟؟

ما يدخل في اي شي انا اريد اسويه عنه يعني حنون وطيب وقلبه كبير وما يحب يزعلني

شو المواصفات ال مب حلوه فيه ؟؟

يدخن شيشه (الله يهديه)

شو الموقف اللي سواه وكبر ف عينج؟؟

وايد مواقف
شو الموقف اللي سواه وما عيبج؟؟

ما طاع نسكن في بيت بروحنا لانه يخاف اكون بروحي انا واليهال يوم يكون في الدوام

شو الموقف العظيم اللي سويتيه واثر ف ريلج؟؟

وقوفي وياه في مشاكله واني ابد لو شو مايصير اسرارنا ما اطلعها لاي حد حتى لو نتزاعل او نتضارب ههههه

واخيرا لو رد بج الزمن ل ورى بتختارينه ولا لأ

اكيد بختاره لانه قبل ما يكون زوجي هو حبيبي وصديقي والله لايحرمني منه

**ظبيه اماراتيه** · 2009-02-05, 16:10

شو المواصفات الحلوه اللي حصلتيها ف ريلج؟؟
طيب،حنون،كريم لابعد الحدود،ويا ربعه صديق صدوق..

شو المواصفات ال مب حلوه فيه ؟؟
راسه اليابس اللي ايبس من الصخر..

شو الموقف اللي سواه وكبر ف عينج؟؟
وقوفه ويا واحد من ربعه في مرضه.. كان موقف مؤثر ما اقدر اتكلم عنه اكثر عن جيه..

شو الموقف اللي سواه وما عيبج؟؟
كل يوم موقف غير عن الثاني هههههههه اسولف انا اللي وحده ما يعجبها العجب..

شو الموقف العظيم اللي سويتيه واثر ف ريلج؟؟
لين الحينه بصراحه ما انحطيت في موقف عظيم..

واخيرا لو رد بج الزمن ل ورى بتختارينه ولا لأ
اكيد وبدون تردد وتفكير..

**ندى دبي** · 2009-02-08, 18:16

سلامي عليكم يا بنات بلادي ربي يسعدكم ويحفظكم ويخليكم لبعض

الموضوع: شو اللي .......؟؟!!

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

بنات أبوظبي اللي مجربات أو اللي عندها خلفية عن الاكل الصحي اللي مثل سلم ن لايت و غيره

لكل اللي يراجعون او اللي راجعوا عند الدكتورة كاميليا اللي كانت في بوظبي ويت الشارجه

زيت للشعر اللي اطول (اللي اتبيعه أم مهره)اللي استخدمته تدخل

بناات اللي تعرف المطووع اللي فبوظبي اللي من قوم الهااشمي تتفضل