مليت من عمري دخيلكم

**حماديه دلع** · 2009-07-26, 22:25

بنات والله فيني غصة دخيلكم ساعدوني انا دورتي مب منتظمة واخذ حبوب وتنزل وخذت كلوميد 6 شهور
طبعا ولامرة كبرن بويضاتي االا مره وحده وطبعا ماصار حمل
احينه الدكتورة اتقولي هالشهر 8 بنتريا الدورة اذا مانزلت بنزلها وبتبدا معايه ابر تنشيط البوضيات فانا ابا اعرف عن هالابر ؟وهل ممكن اني احمل
لان من شوي سمعت وحده عن قرابتنا حامل ماشاءالله وماكملت شهرين انا ما احسدها بس وااااايد حزت فخاطري ابا افرح ريلي لان وايد يحب اليهال
ادعولي دخيلكم

المزيد من آخر المواضيع من نفس القسم:

**اللقطة** · 2009-07-26, 22:30

ربنا يرزقج الزرية الصالحة

وخدي الابر مادام الدكتورة تقول جي وان شاء الله تكون سبب في حملج وتفرحين وتفرحين ريلج

**ارض اللبان** · 2009-07-26, 22:40

ربنا يرزقج الزرية الصالحة

**زهرة جوري** · 2009-07-26, 23:18

ربنا يرزقج ويرزقنا الذرية الصالحة

اللهم آآآآآآآمين

**نهر الحرير** · 2009-07-27, 01:25

الله ايوفقج وتحملين

**UM_RSHOODEE** · 2009-07-27, 12:29

توني اليوم اسولف ويا ربيعتي عن هاي الابر وقالت انها حملت بعد علاج بهاي الابر

**nano1984** · 2009-07-27, 13:59

إذا كانت مشكلتج بس بالبويضات فجربي الابر مثل ما قالت لج الدكتورة
وان شاء الله بيستجيب عندج المبيض بإفراز بويضات أكبر...
خصوصاً صار عندج استجابة بس مع الكلوميد بدون ابر...
ان شاء الله خير ،، اسعي انتي في العلاج دام انج اخترتي تتعالجين ...
وان شاء الله ربي يرزقج الذرية الصالحة قريباً ويفرج همج..
ويرزقنا آجمعين يا رب العالمين ...

**nano1984** · 2009-07-27, 14:00

صح نسيت أقولج وحدة من الأهل كانت عندها المشكلة في حجم البويضات
المهم أخذت كلوميد + ابر لمدة 3 شهور وما شاء الله حملت بعدها بالشهر 4 على طول
ربي يرزقج ان شاء الله

**عثوله حلوه** · 2009-07-27, 14:03

جربيهن حبوبه .. واذا متردده صلي استخاره وشوفي الله شو اللي بيسخره لج ..

وعن الحمال .. والله كلنا خاطرنا نفرج رياييلنا .. الله يكون بالعون ي ختيه ..

انا صارلي هاليومين بالليل كله اصيييييييييييح .. وريلي ييلس اهديني ..

الله بيرزقنا ان شاء الله .. ماراح ينسه عبده ..

وعليج بالاستغفار حبيبتي..

**Hno0odah** · 2009-07-27, 14:22

ربي يرزقج ويرزقني بالذريه الصالحه يارب

جان انت سمعتي ان في حد من اهلج حمل
انا والله ما اجذب عليج ان عندي نص العايله كانن حمل
وماشاء الله والحمد لله كلهن رب

وما اقول غير الحمد لله ومثل ما ربي عطاهم انشاء الله ربي بيعطيني ومالي الى الصبر

**FFF** · 2009-07-27, 14:28

انزين شو ها الابر

**ساروووونه** · 2009-07-27, 14:31

هلا بنات انا اول ماعرست كنت ابا احمل كل ما اسير عند الدكتورة تقولي كم شهر معرسه اقولها شهر والمره الثانيه شهرين وترد عليا توج عروس المهم بعدين غيرت الدكتورة وقالت استخدم الكلوميد وستخدمته ومانفع ما تغير حجم البويضه
ما اقول انهامازادت زادت بس مب الحجم المطلووب ع العموم تعبت نفسيا اخر شي تميت ادعلي واستغفر وقلت ما بسير عند دكتوره ويلست شهر وبعدين حملت احب اقولكم لاتحطون الموضوع ف بالكم وانشاء الله بتحملون ترى النفسيه تلعب دور 0 الله يرزقكم بالذرية الصالحه

**ساروووونه** · 2009-07-27, 14:32

بنات الي يبا يعلق او يرد عليا لو سمحتو طرشولي نسخه ع الخاص لاني ما ارجع ابطل نفس الموضوع مره ثانيه

**الكـــــاذي** · 2009-07-28, 01:05

الله يرزقج الذرية الصالحه اللي تقر بها عيونج وعيون زوجج

**روكي ركان** · 2009-07-28, 01:57

التزمي بالعلاج
و ان شاء الله تحملين و كل محرومة يااااااااااارب

الموضوع: مليت من عمري دخيلكم

أدوات الموضوع

عرض

العرض المتطور

مليت من عمري دخيلكم

المزيد من آخر المواضيع من نفس القسم:

المواضيع المتشابهه

افففففففففففف مليت من عمري

مليت من حبوب منـــــــــع الحمـــــل كرهت عمري

صدق مليت من عمري

مليت ...من الوحدة ...دخيلكم