ساحره في بيتناا

**فوله محترقه** · 2009-07-26, 13:19

السلام عليكم ورحمة الله وبركاته

شحالكن بنات وحرمات..؟؟ ربكن بخير وعافيه

أكيد أستغربتن من عنوان الموضوع..لكن ماأبالغ يوم أقول ساحره

نحن بشكل عام عائلتناا من النوع البريئ إللي مانشك في حد

ولا نعرف شغلة السحر والأعمال والطبوب..المهم أبويه من 8 سنوات

تزوج حرمة هي فالأساس كانت حرمة عمي بس صارت بينهم مشاكل

واطلقة منه وعلى طول تزوجها أبوي

طبعاً كان الموضوع من بدايته

مشكوك فيه وغريب أنه أبوي يتزوج طليقة عمي..لكن شاقوللكم يابنات

والله أبوي صار كأنه مافيه حد في الدنيا إلا حرمته..متعلق فيها بشكل مب

طبيعي..أنا أول كنت مستغربه ليش بنات عمي يكرهن حرمة أبوهن رغم

أنها وايد طيبه..لكن فعلاً من صارت حرمة أبوي صرناا نكرهاا بشكل مب

طبيعي..خذت مناا أبوي حتى في اليوم إللي المفروض يكون عندنا 24 ساعة عندهاا

حتى الاعمى يعرف أنها مسويتله عمل..بس نحن ماكنا نعرف هالأمور..وحتى

بعد ماعرفناا ماعرفنا كيف نتصرف أو شو السبيل لعلاجه وأبوي مابيتقبل

وبيزعل مناا لو صرحناله بأنه حرمته تتعاامل بالسحر والأعمال

ونحن بين المصدق والمكذب بانها تتعامل بهالأمور..بعدين قامت أطرش لنا

أكل .. والمصيبه هالأكل إللي أطرشه بالأسماء..يعني أطرش شغالتهاا بصحن

محشي لوحده من خواتي ويكون مخصوص فيهاا ونحن بكل غباء ماكنااا نشك

ولا ننتبه لهالموضوع وكنا عادي ناكل من دون مانشل في خاطرناا أو نفكر

وفوق هذا هي طباخهااا طرررر...المهم مع الأيام بدينا نشك لأنه أمور غريبه صارت

لخواتي وكوابيس مستمره واعراض غريبه..ووحده من خواتي صارت ماتتقبل الأكل

صارت هيكل..!!

بدينا نربط الامور ببعضهاا أبوي زواجه منهاا مب طبيعي ليش ماتكون مسويتله عمل

قبل لا يطلقهاا عمي..؟؟ الاكل كانت أطرشه لناس معينين وهالناس حالهم أنجلب وتغير

نفسيتهم داون..المهم وحده من خواتي هي عضوه في سيدات الإمارات بدت تعالج

وفعلا الشيخ قال لهاا فيهاا أعراض السحر المأكول

خواتي امورهن هين نقدر نتعالج من دون ماهالساحره تعرف..بس أبوي إللي مايشوف

في الدنيا غيرهاا ومستحيل يصدق شيء فيهاا..وبعد علاجه صعب

أبوي كل يوم والثاني

يبتعد عنااا..وكأنه ماعنده عيال رغم أنه يحبناا بس كل أهتمامه ووقته لحرمته

ساعدنااا الله يوفقن دنياا وآخره

المزيد من آخر المواضيع من نفس القسم:

**نواعم الصغيرة** · 2009-07-26, 13:24

كلكم يبالكم يسله ولازم الكل يقرا عليه المطوع
حتى هيه يمكن

**بسمة العين** · 2009-07-26, 13:25

الله يكون فعونكم يارب
واختي واوصيكم بقراة القران خاصه سورة البقرة كل يوم وقولي حق خواتج يقرون سورة البقرة كل يوم وان شاء الله بيتحسن حالهم

ولا تنسون اذكار الصباح والمساء

والله يبعد عنكم كل شر وعن كل المسلمين والمسلمات

**دلوعه فزاع** · 2009-07-26, 13:51

شغلي ف البيت سوره البقره وعليكم بالاذكار وسبع حبات تمر على الريق والله يبعد عنكم السحر والسحره

**اسيره الليل** · 2009-07-26, 13:55

الله يكون في عونكم ,,,

كثرو من الاستفغار وقراءه سوره البقره دوووووم واذكار الصباح والمساء .....

**عالية الغالية** · 2009-07-26, 14:03

المشاركة الأصلية كتبت بواسطة اسيره الليل

الله يكون في عونكم ,,,

كثرو من الاستفغار وقراءه سوره البقره دوووووم واذكار الصباح والمساء .....

**1+1=2** · 2009-07-26, 14:01

الصراحه الله يعينكن ويشفيكن
عليج بسورة البقرة بس لا تنسين اتخلين الباب او الدريشه مفتوحه شوي علشان يطلعون الشياطين من بيتكوم لا تخافين وحصني عمرج قري ع خواتج سورة الفاتحة - واخر ايتين من سورة البقرة - واية الكرسي - والمعوزات قبل ما يرقدن والله الشافي ان شاء الله

**حرم المهيــري** · 2009-07-26, 14:29

كنت بقول كيف عرفتوا انه سحر بس من كلامج وضحت لي الامور

يعني انها تطرش الصحن بأسم ناس معينين هذا فعلا شي غريب

الله يعينكم اول مره اعرف عن هالسوالف ف ماعرف شوه اقولج غير انه حاولوا تلقون شخص

يقرا فالبيت

ويقرا على اخوانج وانشالله يتحسون وتتحسن اموركم ويرد لكم الوالد قريب

وقلوبنا وياكم

**غلو11** · 2009-07-26, 14:32

الله يعينكم أختي

**أبنةأمنة** · 2009-07-26, 15:01

اختي واوصيكم بقراة القران خاصه سورة البقرة كل يوم وان شاء الله بيتحسن حالكم

ولا تنسون اذكار الصباح والمساء والاستغفار والقيام بس لاتلجؤن للمشعوذين ولو تسمو باسم المطاوعه واهم ابعد مايكونون عن الدين.........

والله يبعد عنكم كل شر وعن كل المسلمين والمسلمات

**سراب الشارجه** · 2009-07-26, 15:09

الله يشفيكم جميع

**محتاجة دعوة** · 2009-07-26, 15:10

السلام عليكم ورحمه الله وبركاته

اختي سؤال هي تعيش معاكم؟
هي تطرش لكم اكل يعني مب فنفس البيت صح؟
ممم انتوا سوا مثل ما قالوا الخوات قولوا اّذكار الصباح والمساء واقري سورةالبقرة ولو هذا شغلي الاذكار والقران
اما بالنسبه للوالد الله يعطيه طوله العمر والله يرده لكم ان شاء الله.. ممممم مدري لانه بعيد عنكم
عندي فكرة بس ماادري حرام ولا حلال ولا يجوز ولا لا
سيروا لمطوع وييبوا عنه ماي مقري عليه ماعرف شو سمونه وواستخدمه للطبخ يعني ماي مقري + بالاكل وخل ياكله يوم اييكم او طرشوا له..
طبعا تأكدي من الفكرة تجوز ولا لا؟
والسموحه

**ليه ياقلب** · 2009-07-26, 15:13

اللله يعيينكم يارب =( ولازم حد منكم يحاول يقنع ابووكم

**мαℓу мтнєℓ** · 2009-07-26, 15:24

الله يعينكم ويعافيكم

ويرد لكم ابوكم

وعليكم في الاستغفار وسوره البقره.!

**مبروكين** · 2009-07-26, 15:33

الله يعينكم يارب

الموضوع: ساحره في بيتناا

أدوات الموضوع

عرض

العرض المتطور

ساحره في بيتناا

المزيد من آخر المواضيع من نفس القسم:

المواضيع المتشابهه

درس عيون ساحره خطوه بخطوه

شيء يصيرلي من تيء هذي بيتناا

ساحره ابووي ؟ساعدووني