ساعدووووووووني

**صمت العيون...** · 2009-07-26, 12:19

هلا والله خواتي

ما اعرف كيف ابتدي

بس بصراحة ريلي من البارحة وهو زعلان على

وتعبت وانا ادق عليه وهو مايرد علي

كل السالفة .....

مشكلة بيني وبين أهله والله اني هب
غلطانه

ساااااااااااااااااعدوني ابغي أطرش له مسج اعتذار

والله أحبة وما أتخيل بيوم انه يزعل علي...

المزيد من آخر المواضيع من نفس القسم:

**ahaat_2015** · 2009-07-26, 12:34

هداك الله يا أغلى انسان
عل*** ليه علي زعلان

اخاف اني عليك اخطيت
أنا آسف إذا غلطــــــان

سكوتك طال وحيرنــي
قطع حبل الصبر منــي

ياليتك بس تكلمنـــــــي
كفايه الصمت أنا تعبان

نسيت اهلي على شانك
عشقت اهلك وخلانــــك

ّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّ ********************

لا تواخذيني:
" في مافات من أيامي "
ان قصرت معك في شوقي
انا كلي فدى روحك وقلبي حيل يغليك
حسبتي ان تناسيتك؟؟
وقلبي عنك متخلي؟؟
لا
< تراك ساكنه روحي
وشوقي ماكان متغلي!
تراك انت حياتي فرحتي وكلي..

**************************

رجـيـتـك تـقـبـلـيـن عـذري

ولا تغـضـيـن عني الطرف

رجـيـتـك والرجــا يجــري

مثل دمي بكلمه وحــــرف

رجـيـتـك يا بعد عمري

تراعين أبتعادي لظرف

**********************

سامحوني لو رحل جسمي وغاب
سامحووني حتى في قبري استريح
ترى الحياة بينكم كله عذاااب
بس ماوصيك علي ياحياتي لاتصيح

****************************

حــاول معـي مرّه وجـرّبني
بـ آقـطّ عمري بين كفّـينك
خذني واذاجاك الزعل جبني
وحقّك عليّ ان قلت لك,
ويـنـك
راضي وتعـذيبي يناسـبني
لاصار يالغالي من ايـدينك

**************************

"ابعتذر"
وارسل مع الشوق عذري!
ياللي مكانك بين عيني و قلبي ؟ انا مقصر و الظروف اجبرتني !
وابيك تقبل اعتذاري وظرفي؟ والله ماني مهملك في حياتي
"لكن حياتي كلها اتعبتني

__________________

الله لا يجيب زعل بينج وبين ريلج

يالله روحي راضيه

الله يسخره لج يارب العلمين

**غـــزل** · 2009-07-26, 13:24

طرشيله مسج وسايط واكتبي فيه السالفه من طق طق ل سلام عليكم
بالحرف الواحد عشان يعرف انج ما غلطتي واخر شي تاسفي له اذا هو اعتبر انج غلطانه ومن لعد هالمسج لا اطرشين له شي (لان الرياييل يتغلون وايد ) امسكي نفسج لو يوم واحد واكيد بيدق لج ^_^

**وردة غلااا** · 2009-07-26, 13:37

حبوبه ماأقولج طنشيه لأن هذا ريلج ... بس تغلي شوي يعني ثقلي كمن يوم ... يومين ثلاث بالكثير واذا مادق طرشيله مسج وتأسفيله أو شي حلو دوم يحبه وسويله اياه ( كلمه \ أغنيه \ أي شي يحبه ) , وربي يشل الزعل ان شاء الله

**حزن قلبي** · 2009-07-26, 14:30

اختي اكتبيله مسج اتوضحين فيه اللي صار، و قوليله لا تخلي حد يخرب علينا

**تسونامي** · 2009-07-26, 14:33

انتبهي الدنيا زايله ودين كما تدين تدان ولازم المشاكل
في وحده غاب زوجها عليها يوميين فقط تزوج عليها مااخوفج لاكن انبهج بس الله لايجييب المشاكل وهي كلمات مسج حلوه

يضيق صدري في غياب ك واشتاق...
واقول ليتـه جاني يشوف حالي
وطيفه يعيي يبتعد عن خيالي
الكون في غيبته ما عاد ينطاق

والموت ارحم من فراق اي غالي

**كيفيـ أحبهـ** · 2009-07-26, 14:41

مثل ما قالو البنات طرشي له مسج حبوبه قولي له السالفه كلها ..

**مـــــريم** · 2009-07-26, 15:02

الله يسخره لج يارب العلمين

**كلى دلال** · 2009-07-26, 15:17

السلام عليكم ورحمة الله وبركاته

اختى صلى على النبي محمد صلى الله عليه وسلم مدام يا اختى المشكله من بينج وبين اهله عطيه فرصه انه يفكر شوى بالى صار انت دقيت اكثر من مرة وهو ما رد ما عليج يا اختى الا انج تصلين ركعتين وتدعين رب العالمين يفرجها من عنده وتستغفرين الله لانه خلاص المساله طلعت من ايدج وما تقدرين تسوين شي وادعى انه الله يهدى السراير والنفوس وانت بعد الله يهداج بعد امسكى اعصابج وخاصه مع اهله انت تعرفين انه هذا الشي ممكن يكون فيه حاسيه كبيره وراجعى عمرج الف مره قبل ما تنطقين اى كلام حتى لو انت لج الحق والسموحه

**.+ Swan +.** · 2009-07-26, 22:13

ومنكن نستفيد.. سوي كيف ماقالن البنات طرشي مسج حلوو
لاتكتبي المشكله !!! لان جيه بتضيجينه زياده وبتعيدوا وبتزيدوا في السالفه لاتكبروا الموضوع
بس طرشي مسج حلوو نفس اللي حاطينه البنات والله يوفق بينكم

**makeup_D** · 2009-07-26, 22:18

المشاركة الأصلية كتبت بواسطة حزن قلبي

اختي اكتبيله مسج اتوضحين فيه اللي صار، و قوليله لا تخلي حد يخرب علينا

الموضوع: ساعدووووووووني

أدوات الموضوع

عرض