ولدي و ولد اختي

**فرحتي يتيمه** · 2009-07-26, 01:44

مشكلتي انه ولدي < عمره 3 سنين > يحب كل اطفال العايلة ويكره ولد اختي <عمره سنتين >

مادري شمعنى هو بس

من بين كل اليهال واااايد يكفخه

انا منحرجة وااااااااااايد من اختي

وما اعرف شسوي مع ولدي

اعصب عليه واحيانا اضربه

مااااشي فايدة

اكلمه بهداااااااوه

بعد مااااااااشي فايدة

احس اختي وااايد مضايجه

بس ما بيدي شي

دخيييييييييلكم اللي عندها خبرة كيف اقدر احببه فيه ترد علي

والسموحة منكن

المزيد من آخر المواضيع من نفس القسم:

**الدبه** · 2009-07-26, 01:59

والله غريب ولدج فديته ...هذا عربون المحبه <<خلي عنج
يمكن هذا يكون خويه في المستقبل
ماجاء حب الا بعد كراهيه<<صح جيه؟

**ريم البنفسـج** · 2009-07-26, 02:04

أحس انه اختج المفروض ما تضايج

هذيلا الا يهال حليلهم ..

اممممممممم بقولج فكره شوه رايج تروحين

السوق انتي وولدج وتقوليله فلان طاح وتعور وانا وياك

بناخذله هديه وخذوله لعبه وخلي ولدج يعطي اياها ..

يعني مجرد اقتراح ..

**كلى دلال** · 2009-07-26, 02:34

السلام عليكم ورحمة الله وبركاته

بسالج اساله وانت ردى على :

- انت تحبين ولد اختج وايد يعنى تبوسينه تدلعينه ومن هذا القبيل ؟
- ولدج البكر والوحيد ولا لاء؟
-اختج من النوع الى يعصب على اليهال او من النوع الى ينرفز اختج واختج ما دانيه ؟
-انت تقارنين من بينهم في وقت تبين من ولدج شي وما يسويلج اياه ؟

انتظر جوابج لانه في بالى شي بس على حسب اجوبتج بيكون ؟

والسموحه

**فرحتي يتيمه** · 2009-07-26, 03:32

لا انا ما ادلع ولد اختي جدام ولدي

ولدي ها اخر العنقود

اختي وايد هاديه بس يبين عليها انها طفرت من حركات ولدي

لا انا مول ما اقارن امبينهم

**من أنا** · 2009-07-26, 03:45

فديتهم صغار هذيلي عادي ..

ولد اخوي محطي دوبه بدوب ولدي >> انا اتوعد له اقول له اكبر وبضربك <<< من باب الغشمرة خخخخخ

**كلى دلال** · 2009-07-26, 14:39

المشاركة الأصلية كتبت بواسطة فرحتي يتيمه

لا انا ما ادلع ولد اختي جدام ولدي

ولدي ها اخر العنقود

اختي وايد هاديه بس يبين عليها انها طفرت من حركات ولدي

لا انا مول ما اقارن امبينهم

السلام عليكم ورحمة الله وبركاته

يا اختى ولدج اضن واغلب الضن انه اخر عنقود عيلتج كلها وفجاه اختج يابت طفل اصغر عنه فصار ولدها هو الاصغر فاضن هو يغار مؤقتا لين ما يكبرون ممكن الغيره تتختفى

**حرم المهيــري** · 2009-07-26, 14:45

ماعرف والله انتبهوا ع الياهل (ولد اختج)

وحاولوا تحببونه فيه يمكن غيره

**أم هزاع999** · 2009-07-26, 17:57

عندي اقتراح سيري انتي ولدج السوق اخذوا هدية حلوة
مثل لعبة او اي شيء حق ولد اختج،،
وخلي ولدج هو إلي يعطيه الهدية وقوليه بوسه
يمكن يحن قلبه وما يضربه

**ريماس 2008** · 2009-07-26, 20:13

وانا اقول اشتري هديه وحطيها في غرفة ولدج وقليله هذي الهديه من عند ولداختك حببي ولدج فيه صدقيني انا سويت هالحركه ونجحت وبعدين ولدج يبغي حنان حضنيه دايما وشوي وبتشوفينه تغير

**umkhalifa2007** · 2009-07-31, 06:48

حبيبتي لا تحاتين احيانا الياهل يكون يغار من حد معين مثلا ولدج يمكن كان الدلوع والاهتمام كله له من اهلكم ويوم يا ولد اختج خذ شوي من هالاهتماام فهو حس بهالشي .. وهاي غيره طبيعيه بين اليهال لا تحطين في بالج

**Princesses** · 2009-07-31, 16:54

بنت اختي اكبر عن بنتي سنه وكانت وايد تضربها بس ألحين وااايد تحبها

**بنوتـــهـ** · 2009-08-29, 17:01

يهاال بيكبر وبيحبه لوول ^^

لاتدخلن الحريم في سوالف اليهال !

هالمواضيع ضيعت عوايل !

**●●ندى الروح●●** · 2009-08-29, 22:32

خلهم ياكلون ويا بعض

ولبسوهم نفس اللبس

ويوم بتشترين شي اشتري حق ولد اختج نفس ولدج

**ظبيانية81** · 2009-08-30, 04:03

عادي حبيبتي اليهال عليهم حركاات .. انا ولد اختي عمره 4 سنين وبنتي سنتين ومااايحبها ولو تقرب منها يدزها ويظربها حتى يقولي فدييته ماحبها هههههه ..

الموضوع: ولدي و ولد اختي

أدوات الموضوع

عرض

ولدي و ولد اختي

المزيد من آخر المواضيع من نفس القسم:

المواضيع المتشابهه

خلطة اختي وبنت اختي السرررررررررريه وضعتها بين اديكم ياويلي منهم لو عرفو هههههههه

صور بنت اختي وابن اختي فعمر الاربع شهور من سنتين شوفوهم

تطبيقي لمعكرونة اختي ( عاشقة ولدي)

$$ رائي لتطبييق برياني الربياان اختي عاشقة ولدي $$

دخيلكن ساعدوني ... ولدي جلع الكي بورد مال لاب توب اختي ... والله متلومه