انا في ذمتكم

**قمر سهيل** · 2009-07-24, 08:21

حبيباتي شخباركم بغيتكم في موضوع بنات انا مسويه عملية تنظيف لاني عقيت في الشهر الخامس وسويت العمليه في المستشفى بنج كامل وبغيت اموت من البنج صرت ازاوع تقولي الدكتوره البنج سبب لج حساسيه وحطولي دم لاني نزفت وايد في العمليه وقعدت اربعين يوم والدم ماوقف احيانا نزيف واحيانا دم عادي نفس الدوره سرت العياده اشيك لاني اذا ربيت ماينزل معاي الدم شهر شلون وانا عاقه ومسويه تنظيف سرت العياده قالت لي الدكتوره باقي معاج قطع مشيمه داخل المستشفى مانظفوج عدل وباقي دم والرحم متروس قالت لي لازم عملية تنظيف مره ثانيه والله تكدرت يابنات برد حق البنج ونقل الدم ومافيه شي ماسويته من حبه حمرا ومن جرفه والله خذتلي اعشاب بخمسين درهم من محل الاعشاب قالي يومين وتنظيفين وما نظفت والله اني خايفه ومو عارفه شو اسوي ورمضان ياي وابى اطهر قبل رمضان ومابى عمليه والله اني خايفه وعيالي يوم سرت سويت العمليه اول مره بنتي الصغيره والله ماسكتت من الصياح واهلي مو عندي بعيد والله نفسيتي تعبانه شو اسوي

المزيد من آخر المواضيع من نفس القسم:

**حبيته بجنون** · 2009-07-24, 08:51

فديتج توكلي على الله وسوي التنظيف
لانه هالشي لابد منه
صار لج شرات اختي
ويوم حملت مره ثانيه قالولهالاتزن تنزلينه لانه باقي قطع مشيمه من الحمل الاولي
فبالتالي ماراح تقدر تكمل حملها الثاني وقرروا لها اجهاض عشان ماتنفجر المشيمه بالبيبي وتموت الام والبيبي

الغاليه كلنا وجنا نصوم الشهر الفضيل كامل ومكمل بس للضروره احكام
وان شاءالله بتعوضين صيامج بايام ثانيه

اهم شي صحتج

انصحج سوي التنظيف ولا تهملين عمرج

وربي يعافيج من كل مكروه ويحفظ لج عيالج ^^

**قمر سهيل** · 2009-07-24, 09:26

تسلمين على الرد يالغاليه والله لايوريج مكروه ان شاءالله

**ميروووه** · 2009-07-24, 09:31

ما اتشوفين شر يارب لكن غناتي ممكن سؤال ...شو سبب الاجهاض وسمحيلي على السؤال ؟؟؟

الله ايعافيج يارب وايعوضج عن الطفل اللي راح بطفل ثاني ياااارب

ميرووووه

**ام رشووووووود** · 2009-07-24, 11:06

حبيبي سوي مره ثانيه عادي عشان ترتاحين مره وحده :::وتوكلي علي الله :::وربنا يساعدج

**ام ميثاني..** · 2009-07-24, 11:33

حبيبتي واتوكلي وسوي التنضيف في اقرب فرصه.... والله حاستبج يوم قلتي عن بنتج اذكرة يوم اسير عن بنتي المستشفى

**رنوووووي** · 2009-07-24, 11:38

الله يعوضج بتوم يارب وييسر امورج انصحج بالتنظيف اختي والله يشافيج ويعافيج ان شاء الله

**موزة سويدان** · 2009-07-24, 12:32

الله يشافيج و يعافيج يالغلا و سيري استشيري دكتورة ثانية عشان تطمنين و ربي يعوضج حبيبتي

**كش ملك** · 2009-07-24, 12:35

وانا مع الخوات سوي العمليه وتوكلي على الله

**سندرلاء2009** · 2009-07-24, 16:31

الله يعوض عليج في طفل الي راح ويرزقج رببي بتوام بس انصحج تسوين تنظيف مره ثانيه علشان يوقف نزيف عندج ولا صارتلج مضاعفات إنتي في غنا عنها

**still night** · 2009-07-24, 17:49

توكلي عالله وكل شي بأجره والله يعطيج العافية

**مدام ريري** · 2009-07-24, 17:55

الله يكتبلك مافيه الخير والخيره

الله يشفيك ياارب

**مشاعر الروح** · 2009-07-24, 18:26

خلاص حبيبيتي علاشان تتخلصين صبري وسوي التنظيف ايام وبخفوبيطوفن انتي قبل العمليه لاتاكلين ولا اتشربين ب12 ساعه اذا تبين انشربين خذي في غطاه ماي وصبري الله يوفقج لان بخلص دمج وتمرضين وما فكرتي في بنتج صبري وسوي التنظيف

**مكسوره الخاطر** · 2009-07-24, 22:12

اتوكلي على الله وسوي تنظيف وربي يعافيج ولاتنسين اتقولين هالدعاء(اللهم اخلفي في مصيبتي وارزقني خيرا منها)

**رنوسي** · 2009-07-25, 00:17

الله يعوضج يااارب وتقومين بالسلامة حبيبتي ربي يسهل عليج امورج
ويبعدج عن كل مكروه سوي العملية وتوكلي على الله

الموضوع: انا في ذمتكم

أدوات الموضوع

عرض

العرض المتطور

انا في ذمتكم

المزيد من آخر المواضيع من نفس القسم:

المواضيع المتشابهه

في ذمتكم مب طرر ..

في ذمتكم هذا اسمه تغليف؟؟؟!!! انتوا احكموا..&-(

انا في ذمتكم ساعدوني