لا تغسل ملابسك كل يوم !

**هادية الطبع** · 2009-07-24, 03:53

يا جماعه حبيت اناقشكم في هذا الموضوع دوم يشغل بالي وايد

لاني اشوف هالشي منتشر بالذات عندنا احنا المواطنين وبكثره

كلنا نعرف انه الماي هو مادة الحياه الله سبحانه وتعالى قال : ( وجعلنا من الماء كل شي حي )
الله نعم علينا بثروه عظيمه مب عارفين قيمتها .

اجدادنا عانوا وعرفوا معنى الشقا والتعب الله يرحمهم كانوا يغسلون ثيابهم على سيف البحر من غير تبذير واسراف في ماي البحر هذا على البحر من غير تبذير وين اذا كان عندهم الخير الي نشوفه عندنا

ولا من الطوي يترسون الطش ماي ويغسلون ملابسهم بعنايه ومن غير تبذير

اما احنا في وقتنا الحالي على ارشادات ديوا ( هيئة الكهرباء والمياه) بعد ماشي فايده

في ناس يغسلون ملابسهم كل يوم ما يمر يوم الا غسلوا فيه ملابسهم والخدامه ما تقصر بعد تصرف ماي وصابون وكلاوركس في نظرها كل شي متوفر وهاذيلا عندهم خير وناس مبذرين ولا تهمهم الماده بالذات اذا محد نصحها وحط لها اللوائح والشروط الي لازم تتبعها في البيت ان كانت يوميه او اسبوعيه

ومن غير الزراع والدريول الي يغسل كل يوم السياره يغرق الشارع بسببه

يا جماعه الماي من الموارد المحدوده جدا وعلينا نحافظ على كل قطره

هل له داعي كل يوم غسل الملابس ؟ ولا عمل جدول في الاسبوع مرتين ولا 3 مرات يغسلون فيهم الملابس

ليش هذا الاسراف والتبذير

هل هذا الشي يرضي الله

اذا النعمه متوفره وموجوده باجر بيينا القحط والجفاف بسبب تبذيرنا واسرافنا

نحافظ على الماي في استحمامنا ووضوءنا وفرش اسنانا من غير ما نخلي البيب مفتوح لين نخلص من نظافة نفسنا !

الله المستعان من الياي

السموحه منكم

المزيد من آخر المواضيع من نفس القسم:

**منيتي4** · 2009-07-24, 03:57

((لاتسرف ولو كنت على نهر جار))

**دريمه** · 2009-07-24, 03:58

مايت عالملابس بس
في كل شي لما نغسل اسنانا الماي شغال ولما الشغالات يغسلون المواعين يفلتون الماي طول مااهم يغسلون
لما الدريول يغسل السياره او الحوش يغسل الفريج بكبرته
لما عيالنا يتسبحون ماشالله الماي يمشي الي مالا نهايه
وكل شي في حياتنا والله حرام

**هادية الطبع** · 2009-07-24, 04:04

المشاركة الأصلية كتبت بواسطة دريمه

مايت عالملابس بس
في كل شي لما نغسل اسنانا الماي شغال ولما الشغالات يغسلون المواعين يفلتون الماي طول مااهم يغسلون
لما الدريول يغسل السياره او الحوش يغسل الفريج بكبرته
لما عيالنا يتسبحون ماشالله الماي يمشي الي مالا نهايه
وكل شي في حياتنا والله حرام

السموحه ضغطت بالغلط على اضافة الموضوع قبل ما كمل موضوعي

بس الحمدالله كملته وعدلته

**jojo** · 2009-07-24, 04:20

حبوووبه صح كلامج

بس انا ماايدج في فكره وحده ..^^

انه مانغسل ملابسنا كل يووم

اختي ويا هالجو الواحد يطلع دقيييقه برع يرد متسبح ..^^

يعني لو ماتسبح وغسل ملابسه كل يوم بيخييس ..

وبصرااحه تقوولين نحن المواطنين دوم نغسل ملابسنا .. هاي نظافة مب تبذيير

شكثر عندنا في المدارس من غير المواااطنيييييين ريحتهم ما ينطاف من عدالهم .. ولما تسالينهم كم مره يغسلون الملابس فآخر الاسبووع بس ..!!!!!!!!

يعني النظافة من الايمان ومافيها شي لو الواحد غسل ملابسه كل يووم بس بدوون اسرااف في الماي ..^^

والسمووحه

**هادية الطبع** · 2009-07-24, 04:30

المشاركة الأصلية كتبت بواسطة jojo

حبوووبه صح كلامج

بس انا ماايدج في فكره وحده ..^^

انه مانغسل ملابسنا كل يووم

اختي ويا هالجو الواحد يطلع دقيييقه برع يرد متسبح ..^^

يعني لو ماتسبح وغسل ملابسه كل يوم بيخييس ..

وبصرااحه تقوولين نحن المواطنين دوم نغسل ملابسنا .. هاي نظافة مب تبذيير

شكثر عندنا في المدارس من غير المواااطنيييييين ريحتهم ما ينطاف من عدالهم .. ولما تسالينهم كم مره يغسلون الملابس فآخر الاسبووع بس ..!!!!!!!!

يعني النظافة من الايمان ومافيها شي لو الواحد غسل ملابسه كل يووم بس بدوون اسرااف في الماي ..^^

والسمووحه

الي اقصده انه عقب ما تتيمع الملابس نغسلهم اكيد عندنا ثياب ثانيه ونقدر بندل طول الاسبوع ونلبس ثياب نظيفه كل يوم وتكون مغسوله كل لين اي يوم غسل الملابس اتمنى معلومتي وصلتج

الصراحه احنا جيه نسوي في البيت نغسل 3 ايام في الاسبوع واحيانا مرتين انخلي الثياب تتيمع عقب نغسلهم
وكل يوم نغير ملابسنا تكون نظيفه ومغسوله

**jojo** · 2009-07-24, 04:34

الي اقصده انه عقب ما تتيمع الملابس نغسلهم اكيد عندنا ثياب ثانيه ونقدر بندل طول الاسبوع ونلبس ثياب نظيفه لين اي يوم غسل الملابس اتمنى معلومتي وصلتج

انا وياااج في هالفكره .. المفروووض الملابس تتيمع ونحن مابنلبسها طوول الاسبووع نفسها ..

بس بعد اني اخصص يوم للغسيل وايمع الملابس كلها في هاليوم احس مب حلوو ان الملابس وسخه واخليها مثلا ليوم معين علشان تنغسل ..

يعني مثلا نحن الملابس عنا نبدل ع طووول اليوم ونعقها في سلات الغسييل .. وكل يوم الصبح تتيمع كل الملابس وتنغسل .. يعني ملابس اليوم اللي قبله كلها تتيمع وتنغسل دفعه وحده .. ^^

وسلامتج

**وردة جوريه** · 2009-07-24, 04:53

حبيبتي على حسب البيت نحن في البيت نسوي جي نخليهم تتيمع بس اذا يمعناهم بتستوي وايد ثيابج انتي وخواتج واخوانج وامج وابوج بس يعني تسوون جدول ان اليوم تنغسل ثياب الام والابو واليوم الثاني ثيابج جي عشان مانيمعهم كلهم مع بعض وبعدين البيت اللي في صغارية لازم ثيابهم تنغسل يومي عشان ملابسهم تتوسخ

**اسمهايت** · 2009-07-24, 05:00

تسلمين خيتو عالموضوع وانا فعلا معاااااااااااااااج

**فلونة2** · 2009-07-24, 16:09

((لاتسرف ولو كنت على نهر جار))

**ROOS"** · 2009-07-24, 16:17

ممممممم بشاور الخدامة ....!!!

نحن مانسوى شىء الابشورها ................................ ><

**أم الرموش** · 2009-07-24, 16:19

**شمايل العين** · 2009-07-24, 16:29

شوفوا المغاسل مال السيايير شو يسون بالماااااي

الله المستعان

**حبيبي مدلعني** · 2009-07-24, 16:32

لو كان عدد افراااااااااد لاسره كبير اكيد بكون لاسرااااااااف اكثر

**الوضيحيUAE** · 2009-07-24, 16:34

كل شي بالتنظيم يستوي
مشكورة ع الموضوع

الموضوع: لا تغسل ملابسك كل يوم !

أدوات الموضوع

عرض

لا تغسل ملابسك كل يوم !

المزيد من آخر المواضيع من نفس القسم:

المواضيع المتشابهه

المكنسة اللي تغسل الارضيات ؟؟؟

شركه تغسل الموكيت

هل تغسل يديك بعد مس القرآن؟

حرمة تغسل الاموات