كروووشات ,, تفضلوا

**Amalyewo** · 2009-07-23, 11:22

السلام عليكم كرووشات

شحالكم ؟؟ شو اخبار البيبي ؟؟

حبوبات انا حاطه هالموضوع عشان كل وحده تدخل وتكتب شو الاغراض اللي لازم

ناخذها للبيبي قبل الولاده ,,

لان اول شي نفكر فيه الثياب ,, بس اكيد في اشيا ثانيه

ياليت تساعدوووني

المزيد من آخر المواضيع من نفس القسم:

**CuTe22** · 2009-07-23, 11:43

انا عندي اطقم المواليد الماركات جان حابه الصور على الخاص

**روح أبوظبي** · 2009-07-23, 12:32

أنا بعدني في أول حمل ومابديت فلتجهيز توني داشة السادس ادعولي الله يسهل حملي وولادتي الله يخليكم لاني الصراحة وايد خايفة

1- أشوف ان أول شي لازم نجهز المنز اللي بيرقد فيه النونو وثياب النونو وأغراضه بس لازم ماتاخذين وايد ثياب لأن اليهال يكبرون بسرعة وهذا من غير الهدايا لي بتوصلج

2- جهزي الجلابيات اللي بتستقبلين فيها ضيوفج اللي بيباركونلج سواء فلمستشفى أو فلبيت بس لازم تراعين فتحة الصدر للرضاعة ومن غير جلابيات البيت

3- فكرة التوزيع جهزيلها من الحين اذا بتسوين توزيعات و اذا كنتي تعرفين شو بتيبين بنت أول ولد لان صعبة تجهزين فلثامن والتاسع

سمحيلي هذا الي عندي أتمنى خواتنا الكروشات والأمهات يساعدونا بأفكارهم ونصايحهم

**a7b dm3ty** · 2009-07-23, 17:01

انا صار اسبوعين من دخلت في السادس بس تقريبا خلصت اغراض البيبي

بس بقا لي سرير البيبي اللي بحطه فغرفتي فبيت اهل ريلي و بعد باخذ سرير ثاني حق بيت اهلي حق ايام الاربعين

و ما بنسى اكيد اغراض السبوح .. يعني الحوض و الشامبو و الشاور جل و البودره و زيت الاطفال

و غير جي بعد لازم اخذ قماطات اكثر حق البيبي لان ما خذت وايد..

و انا قررت اني اجهز البيبي من وقت عشان اتفرغ حق رمضان و العيد و التوزيعات و اتفرغ بعد حق عمري

و اخر شهور الحمل تكون تجهيزات انا يعني من ملابس و اغراض خاصه فيني

حسيت انه جي بكون مرتبه اكثر

**ميميه88** · 2009-07-23, 18:03

المنز الكبير ومنز متنقل ترومين تحطينه باي مكان شفاطة الحليب مراضع كريمات لالتهاب الحفاض وانصحج بالسودو كريم مجموعة الشاور وكريمات مرطبه لاتنسين القماطات جهاز البيبي عشان تسمعينه اذ سرتي عنه سواء المطبخ ولا الحمام اللي شرات الستاره تطينها عالمنز وايد زينه بالشتا خذيها قطنيه وبالصيف من دانتيل عسب مايظايقنه الذباب او يدخلن لها سبحان الله حشرات مخده لراسه لانه اغلب البيبيات ايي راسهم من ورا كبير وهالمخده من الوسط محفوره والمخده شرات حرف اليو وايد زينه عشان يوم ترضعينه او عقب ماترضعينه عشان يطلع الهوا تحطينه على بطنه وبوكس تحطين فيه اغراضه الاساسيه قربج لانه بتتعايزين كل ساعه اطلعينهن من مكان واحسن عن الفوضى تحطين فيه البامبرز واشيا اساسيه باول شهوره في اشيا واااايد ان ذكرتها بخبرج

**Amalyewo** · 2009-07-23, 19:46

مشكوووورين حبيباتي

في أشيا كنت ناسيتها وذكرتوني فيها

الموضوع: كروووشات ,, تفضلوا

أدوات الموضوع

عرض

كروووشات ,, تفضلوا

المزيد من آخر المواضيع من نفس القسم:

المواضيع المتشابهه

باركووووووا لــ بدروه من تجمع كروووشات 4-5-6

مبرررك لبنت أبوظبي من تجمع كروووشات 4-5-6

كروووشات بليز دخلن...

تجمع ال90 كروووشات ومااميز 4،،5،،6

كروووشات تعالن اباكن في كلمه راس