لو حملتي

**أم منــصور** · 2009-07-22, 10:22

السلام عليكم بنات

عندي مشكله ماعرف كيف ابدء فيها اممممم انا حامل و بنتي باقي لها اسبوعين و شوي بتكمل سنه المشكله اني مستانسه و ريلي بعد اكيد يستانس بس
؟؟؟؟؟؟؟؟؟ أمـــــــي ؟؟؟؟؟؟؟؟؟
دايما تدعي اني ما احمل لين بنتي اتكمل سنتين مب بس حقي حتى حق خواتي ونه عشان ما نتعب وايد
و الحين انا متوته ماعرف كيف اخبرها اخاف تزعل مني مثل ما سوت لاختي زعلت يومين و رضت

قولو لي طريقة اخبرها فيه و ماتزعل مني خاصتا اني اداوم و بنتي عندها صح عندي خدامه بس ماعرف

ساعدوني

المزيد من آخر المواضيع من نفس القسم:

**عنود الشوق** · 2009-07-22, 10:25

شــرايــج اتسويــن عمرج حزيــنـــه و مضاااايقـــــه حيــــــــــل وتصيحيـــن مثــلا ويوم تسألج تقوليلها انــج حاامل و مضااايــجــه ليش حملتـــي (طبعا كله تمثيـــل

)
وعقبهــا هي بتراضيـــج لانها ماتبا تشوف بنتهــا مضايجـــه

**Blo0owi** · 2009-07-22, 10:27

شوفي حبيبتي

الموضوع هذا لا امج ولا غير امج له خص... الارزاق بييد الله ...

يعني حتى لو سوا فخاطرها ... يعني الحمل بيختفي... ولا يوم بتربين ما بتستانس .. شي عجيب والله..
ما عليج ... يمكن تزعل وتقول وتقول ... بس انتي حره بنفسج ... وبحياتج .. يعني انتي مب فرحانه ... وريلج مب فرحان...خلاص ... ما يحتاي حد يستانس معاكم ... لانه انتو الاولى بالفرحه ...

يالله ما عليه ... يمكن هيه من كثر ما تحاتيكن تقول جي وتزعل ..^^..

بس في الاخير بيكون كل شي عادي ... ومفرح ... ولا وراها زغروطه خخخخخخخخ

**MAMAT MAHR** · 2009-07-22, 10:28

قوليلها انه ريلي يباني احمل وعادي تمشي الامور
او قوليها انج ماكنتي حاسبه حسابج انج تحملين بس صار بالغلط

**أم منــصور** · 2009-07-22, 10:41

اممممممممممم و الله اني صحت بسوي الي اتقولونه و امري لله

**أم منــصور** · 2009-07-22, 10:42

المشاركة الأصلية كتبت بواسطة عنود الشوق

شــرايــج اتسويــن عمرج حزيــنـــه و مضاااايقـــــه حيــــــــــل وتصيحيـــن مثــلا ويوم تسألج تقوليلها انــج حاامل و مضااايــجــه ليش حملتـــي (طبعا كله تمثيـــل

)
وعقبهــا هي بتراضيـــج لانها ماتبا تشوف بنتهــا مضايجـــه

شكلي بطبق هالخطه الجهنميه مشكلتي ماعرف امثل

**الـدمـانـي** · 2009-07-22, 11:31

الف مبروك حبيبتي على الحمل

وهذا رزق من الله محد يقدر يعترض عليه ^_^

ربي يسهل عليج ويجعله من الذريه الصالحه

**um_abduallah** · 2009-07-22, 11:36

بخبرج عن اختي يوم ربت ابنتها كان ولدها سنة وشهرين صح كانت مضايجة بس والله الحين مرتاحة اتسبحهم مع بعض وتلبسهم مع بعض يعني شرات التوآم بس والله مستقبلا وايد احسن لج

**أم عـفـاري** · 2009-07-22, 11:46

ههههههههه... غناتي والله والله أنج نفس سالفتيه مع أميه,,,
أنا كانت أمي تدعي علي بأني ما أحمل عشاااان بنووووتي كله تتعب وماتاكل ومعتمده على الرضاعه مني ,, وأمي ماتباني أفطمها لين تكمل السنتين عالأقل,, وحملت قبل ماتكمل السنتين بشهرين,,,, وهي أول وحده بشرتهااااا هههههههه (أحب أناحسها لأني آاااخر العنقود) بالعكس استانست وقالت لي يااااويييلج لو فطمتي عفااااري<<<< وأنا ألحين فاطمتنها وأمي ماتدري,,,, وانشالله أمج بتتقبل البشاااره,,,

**أم منــصور** · 2009-07-22, 11:52

الله يسمع منكم و مشكورين و الله يبارك فيكم

**غاية لا تدرك** · 2009-07-22, 12:23

الف مبروووووووك
بترضا بس تحملي كلمتين منها وبس

**Anwaar** · 2009-07-22, 12:26

أنا اذا الله كتبلي وحملت وربيت بحمل وراه على طول عشان يكبرون ويلعبون مع بعض.. الحمدلله ترى الحمل نعمه الله حرم وايدات منها اشكري الله والانسان ما يدع يالله بزوال النعمه.. ييبيها للوالدة بهالطريقه بس حليلها يمكن هي تحاتي لان الصغاريه يتمون عندها والحريم يوم يكبرن مالهن خلق معابل اليهال وحشرتهم

**Hard2Ctrl** · 2009-07-22, 12:37

فالبدايه الف مبروووووك

والله يثبتلج البيبي انشاءالله

حبوبه فالبدايه و النهايه ها شي بينج و بين ريلج يعني مب ضروري طرف ثالث يكون مستانس او مضايج و مب لازم تصيحين و تضايجين و لا تجذبين .. بالمختصر المفيد قوليلها بس لاتقولين احين قولي عقب ما تكملين الثلاث شهور .. قوليلها ان ربج كتب و انج حملتي الحمدلله و انتهى الموضوع بتلومج و بتضايج و غيره بس صدقيني كمن يوم و بتكون عادي

**أم منــصور** · 2009-07-22, 13:47

مشكوريم على مساندتكم لي

الله يخلينا لبعض

**وجــه القمـــــر** · 2009-07-22, 14:15

مبروووووووووووك ام منصور وتستاهلين

الوالدة طيبه وان شاء الله بتتقبل بس ادلعي عليها :::وانا رايي عكس الخوات مب بس اهم شيء انتي وريلج امج بعد وايد مهمه ::::نحنا بدون امهاتنا ما نسوى شيء :::اهم شيء تستعطفينها وهيه بترضى وانا حبيت فكرة الكم دمعه تمثيل خخخخخخخ

الموضوع: لو حملتي

أدوات الموضوع

عرض

لو حملتي

المزيد من آخر المواضيع من نفس القسم:

المواضيع المتشابهه

ما حملتي في حل (^_^)

متى حملتي بعد منع الحمل

بعد كم شهر حملتي بعد الاجهاض..؟!

متى حملتي مرة ثانيه ؟! :)

حملتي.....ضد الفراق