الحواجب والرجل

**salamah123** · 2009-07-22, 02:39

برحبا بنات

.. أنا عضوة يديده هني وعيبني هذا المنتدى وايد فحبيت أشارك فيه وأتمنى يكون دمي خفيف عليكم

.. عندي سؤال محيرني .. طبعا نحن نعرف انه حف الحواجب حرام

.. لكن للي حواجبها غلاظ

.. هل هو عادي عند الريال لو كانت حرمته حواجبها غلاظ؟ يعني ما يتظايق منهن؟ أو يعلق؟

وهل هذا الشي يأثر على علاقتهم؟ خصوصا اذا هو حياته (حواجبه) خفاف أو يعني أخفف عنها؟ ....... ولو كانت مشقرة يقتنع بها؟

أتمنى انه الكل اشارك .. أبا أسمع وجهة نظر كل وحدة سواء كانت حياتها غلاظ أو خفاف ...

.... وسوري ما برد على كل وحدة ترد عشان ما يخترب الموضع .. ومن الحين أشكر كل وحدة ترد ..

المزيد من آخر المواضيع من نفس القسم:

**Jimmy Choo** · 2009-07-22, 02:43

سؤال خفيف ظريف لطيف ...

اختي الريال ( المفروظ يعني ) انه ما يدقق على هالاشياء .. يعني الحين خلصت الاشيا الي يركز عليها

بيركز على حيّاتج؟

المهم اذا هم غلاظ وايد .. لاتحفين تقدرين تعدلينهم تعديل بسيط بالتشقير والقص ...

وانا انصحج الحواجب الغليظه احلى

بس .............................................. بدون ماتكون مقرونة !!

السموحه بس لاني ما أكره شي

كثر الحواجب المقرونة

**كول بيبي** · 2009-07-22, 02:59

يعني الوحده تقدر تخفيهم بعجينه الحواجب

**حزن قلبي** · 2009-07-22, 03:25

انا اشقرهم عادي

**فديت اماراتي** · 2009-07-22, 03:26

لو كانوا واااايد غلاااظ شقريهم ..

ولا تحفينهم ..سدا للذريعة...

وعلى حسب يعني..أعرف وحده حواجبها غلااظ غلاااظ ماشاء الله ...لا حفتهن ولا شقرتهن ..وعرست وفي العرس بعد ما سوت شيىء..لأن ريلها مدين بعد..

الحرمة تقتع ريلها بالأدلة ,,

**ام رشوودي** · 2009-07-22, 03:27

حسب الريال

**salamah123** · 2009-07-22, 03:38

المشاركة الأصلية كتبت بواسطة كول بيبي

يعني الوحده تقدر تخفيهم بعجينه الحواجب

شو عجينه الحواجب ؟؟

**غرور القبايل** · 2009-07-22, 03:38

على حسب الريال ,,مثلا بنت خالتي تحف ويوم درى ريلها ان حف الحواجب حرام هزبها وقالها يويلج لو حفيتي مره ثانية ومن هذاك اليوم ما تحف ,,,,,وفي وحده اعرفها ريلها بنفسه يوديها الصالون عسبة تعدل حواجبها اونه يقولها شكلج غلط عدلي حواجبج,,,,,وبس

**قمـآري }..** · 2009-07-22, 04:12

انا في غنى عن الريل اذا انه طلب مني اعصي ربي والتعن ..
لأن الريال اللي صدق ايحب حرمته وايخاف عليها ويبا لها الخير مستحيل يطلب منها هالشـي ..
الحمدلله حواجبي مرتبه طبيعي وزينـه ..

اعرف وايد حريم حياتهن غليظه وارياييلهن حواجبهم مرتبـه وخفيفه ،،
بس ماحفن ولا سون شي بالعكس الحواجب الغليظه اتليق على ناس واتحليهم

..

**مجــاهده** · 2009-07-22, 04:26

انصحك بعدم حف الحواجب لقول النبي صلى الله عليه وسلم<لعن الله النامصه والمتنمصه>والعن هو طرد من رحمة الله ولو زوجك امرك بحفه لا تطيعينه لانه معصيه وين جهاد النفس يوم لاينفع مال ولابنون لازوج ولااهل هدانا الله واياكم

**بنت المذكور** · 2009-07-22, 04:28

شقري
بس لاتحفين
حتى لو امرج ريلج
لان لا طاعه في معصية الخالق
وربي يوفقج غناتي

**بنوته18** · 2009-07-22, 04:55

اب
اب
اب

**salamah123** · 2009-07-22, 05:52

مشكورين والله استفدت منكم لأنه هاي بصراحه مشكله تواجهني وتواجه كل متزوجه أو مقبلة على الزواج ... وبصراحه أول مرة أدري انه في عجينة الحواجب و المشقر شفاف .. وانشاء الله بجربهم ... بس عندي سؤال ثاني .. ممكن تقولون لي أسامي الصالونات الي تشقر وترسم الحواجب؟؟

**أم_رواضي** · 2009-07-22, 07:52

انا كنت أحف حواجبي...ويوم ريلي دقق في هالشي هزبني...قالي ( أباج تكونين ويايه في الجنه ان شاءالله ف لا تغضبين ربج بهاشي) والله كلامه هزني....فديته..والله يخليه لنا يارب

لاتحفين بس شقريهم

**Sos01234** · 2009-07-22, 09:10

لا لا لا تقصينهن لان القص يعني حف ماشي فرق، تقدرين تعدلينهن بالميكب وجي ع الخفيف وبيتعدلن عادي، المهم القناعه.

الموضوع: الحواجب والرجل

أدوات الموضوع

عرض

الحواجب والرجل

المزيد من آخر المواضيع من نفس القسم:

المواضيع المتشابهه

وين بحصل واكس خافي الحواجب او عجينة الحواجب فالعين

صبغ الحواجب او حنا الحواجب يظهر الحواجب اغلظ واكثف بشكل طبيعي ..صالونات.الشارجه ودبي