ارجوكم ساعدوني نفستي تعبت والله

**rosebraze** · 2009-07-21, 20:09

السلام عليكم

اشحالكن عساكن بخير ما ابا غير مساعدتكن ومشورتكن ورايكن ما ابا اكثر من ها ابا النصيحه اللي ترشدني لدرب الصووووواب ما ابا مجاملات

اللحينه انا داومت في الجامعه ، قدمت على الوظيفه على اساس انها شاغره ووظيفه للمواطنين المهم قالوا لي بنخليج اول اسبوعين تدريب يعني موقت يعني ندفع لج بالساعات ،، انا غشيم ما اعرف قلت لهم اوكي لانه ضروفي صعبه وابا اداوم,,, خطف شهر جان اطرشلي المسووله ايميل اونه بنطول مدة تدريبج حق 3 شهور وخلاف بنخليج توقعين العقد وما اعرف شو ،، صحت هاك اليوم وايد *_*: لاني قلت في خاطري بحصل اللحينه الوظيفه اللي تريحني ، خلصن ال3 شهووووور وانا اتأمل انها ترد عليه شفتها سوت لي طاف " وانا اشتغلت بضمير وتعبت وايد في شغلي لين ما هلكت ، طرشت لها ايميل اني انا ابا اعرف وضعي كيف زقرتني و رسمت لي دويره وحطت فيها نقطه وقالت لي انتوا المواطنين تمثلون هاي النقطه ولازم تتحملووون ورسمت لي دويره وحطت لي نقطه ثانيه اونه هنيه العرب والملمين " هيخ عربيه ومسلمه" وقالت لي فاهمه انتي شو اقصد هزيت راااااسي وقالت لي انا بنتقل القسم الثاني و انتقلي ويايه وتمي بعد 3 شهور زياده على هالحال!! سرت شووون الموظفين رمست ولا حد سوالي سالفه قلت لهم انا ابا دوام كامل انا اشتغلت تعبت في هالشهور وانا اخر الشهر يطلع لي بس 5000 درهم الحمد لله بس انا مواطنه عندي باجلر في الاداره الماليه ليش هالمعامله انا هب طماعه بس ابا حقي... اللحينه طلعت لي وظيفه في بنك ! يقولولون لي حرااااااام والوظيفه كستمر سيرفس وقالوا ما بنحسب لج خبرة ال 4 شهوووور اللي داومتهم فالجامعه لانه ماشي عقد ! معاشهم 13000 ما اعرف صراحه انا وايد متردده ما اعرف كيف اتصرف في هالموووضوووع احس بالقهر من داوم الجامعه لا راتب ولا عقد ولا خبره وما ابا اداوم في البنك بس شو اسوي ارجوكن ارشدني

المزيد من آخر المواضيع من نفس القسم:

**miniangel** · 2009-07-21, 20:17

داومي في بنك ولا استغلال الغسير لج لانج مواطنه خصوصا الكليات والجامعات ..الاداره اجنبيه كلها هنود ع وافدين كيف تبين يعطونج مجال في يوم تاخذين مكانهم...

**طبيعي كتكوتة** · 2009-07-21, 20:19

سيري عند المسؤول مباشره يعني عند الراس الكبيره في الدائره والله يوفقج,,,

**شوري براسي** · 2009-07-21, 20:21

ماعرف شو اقولج

بس الافضل قبل لا تقررين استخيري

**كلى دلال** · 2009-07-21, 20:21

السلام عليكم ورحمة الله وبركاته

اختى انتى عندج الاميل احفضيه جوابها وقدمى الشكوى للمسؤول هذا طبعا بعد ما تقبضين الخمسة ألاف الى يات من شغلج وقولى للمسؤول اذا ما توضفت بشر هذا الاميل الى عندى واسم المؤؤسسه على المباشر ولو بحطى الشكوى على موقع الشيخ محمد بن راشد وبنتظر جوابه على واذا ما عطيتونى حقى وبتشوفى كيف المسؤول بيتصرف واسمحيلى اختى انت رضيتى على عمرج يوم سوت لج النقطه انت بنت البلاد وجى تعاملج اسمحيلى بس انت تستاهلين الى ياج ارجوا انج ما تزعلين بس الى يرضى انه ينذل هذا الى ايه يااختى وايدين محتاجين بس عمرهم مارضو بالى قاعد يستوى اما عن الشغل فاذا ربوى فالله الغنى والاستخاره من رب العالمين هي الى بتهديج باذن الله

والسموحه

**rosebraze** · 2009-07-21, 20:44

انا كلمت المسؤؤؤل عن النقطه والرسمه اللي رسمتها انا هب في مكان يسمح لي اتكلم واعبر فاهمات عليه ولا انا ما ذليت عمري انا سيده سرت اشتكيت بس ما اشوفه سوى شي اتصلت اليوم ابا اشوف شو سوى قالوا لي سافر!!!!!!!!!

**rosebraze** · 2009-07-21, 20:45

^^ انا اشتكيت في موقع الشيخ محمد ^^

**كلى دلال** · 2009-07-21, 21:10

المشاركة الأصلية كتبت بواسطة rosebraze

^^ انا اشتكيت في موقع الشيخ محمد ^^

اولا انا ما كتبت ردى الا من عبرة القهر على رد الكسؤوله وما تمنيت انج تزعلين منى وان ا اسفه انى غلطت عليج والسموحه .

ثانيا بعد شكواج لموقع محمد بن راشد شو صار ؟

**كلي محبة** · 2009-07-21, 20:49

داووووووووومي في البنك ولا مذله النااس ... واذا في بالج ان البنك ربوي .. شلي كمن بيزة من راتبج وعطيها للفقاره .. يعني تطهرين معاشج ..
وان شاء الله عقب ماتحصلين على وظيفة زينة تتركين وظيفة البنك

**كلى دلال** · 2009-07-21, 21:12

المشاركة الأصلية كتبت بواسطة كلي محبة

داووووووووومي في البنك ولا مذله النااس ... واذا في بالج ان البنك ربوي .. شلي كمن بيزة من راتبج وعطيها للفقاره .. يعني تطهرين معاشج ..
وان شاء الله عقب ماتحصلين على وظيفة زينة تتركين وظيفة البنك

السلام عليكم ورحمة الله وبركاته

اسمحيلى اختى تراج تفتين في شي ما تعرفينه والله يحاسبج على الى تقولينه الافضل انها تسال مفتى او شيخ في الموضوع افضل

والسموحه

**rosebraze** · 2009-07-21, 20:49

صح نسيت اقولكن ^^ قالت لي انتي ليش تتحرطمين محد جبرج تشتغلين هنيه اذا مب عايبنج اطلعي محد بيقولج ردي

**rosebraze** · 2009-07-21, 21:17

لين اللحينه ما ياني رد يا الغاليه ومسموحه وانا فاهمه عليج وانا عصبت بعد بس ما بيد حيله

**كلى دلال** · 2009-07-21, 21:19

اسمحيلى والله انا الى انقهرت من مكان المسؤوله والله وكيلها اذا هى قالت جى
بس بعد اقولج اصبرى ولا تتركين الشغل لانهم يبون المواطنين يخلون من هذه المواقع لهم اصبرى يا اختى
والسموحه

**x Yasmin x** · 2009-07-21, 21:27

الغالية اذا البنك إسلامي .. توكلي على الله .. لكن إذا مش اسلامي .. صرفي النظر عنه ومايحتاج تسالين مفتي ولاشيخ لان الجواب معروف ونحن كبار وعقال الحلال بين والحرام بين .. والله يوفقج يارب!

بالنسبة لدوامج مؤقتا تحملي الوضع 5000 درهم أحسن عن لاشيء .. بس اهم شي تمي حني وحني وحني عليهم يثبتووونج .. ومب بس جي لا حاااااااااااااولي تحصلين وظيفه ثانية وأحسن..

على طوول استغفري واقري ياسين والبقرة الله بيوفقج ان شاء الله وبيسر امرج ..

ونصيحة عن خبرة دايما موظفين الجامعة والاجانب في الجامعة عامليهم بالسياسة والدبلوووماسية خليج ذكية عشان تاخذين مصلحتج منهم .. مايحبون البنت تكون شديدة وشكاية !

**rosebraze** · 2009-07-21, 21:21

لا تضاربن بليززززززز

الموضوع: ارجوكم ساعدوني نفستي تعبت والله

أدوات الموضوع

عرض

العرض المتطور

ارجوكم ساعدوني نفستي تعبت والله

المزيد من آخر المواضيع من نفس القسم:

المواضيع المتشابهه

ارجوكم والله تعبت من كثر الخيانات من قبل زوجي

ريلي مبهذلني ارجوكم ساعدوني شو اسوي وياه تعبت والله؟

تعبت من المشاكل ارجوكم ساعدوني