شو الحل

**أم منــصور** · 2007-03-25, 09:26

السلام عليكم و رحمة الله و بركاته

عضوات سيدات الإمارات المتحرمات

تحية طيبة و بعد

بغيت أخذ رايكم في شي إذا ممكن

فالبداية احمد الله كثيراً على ما أعطانا

و بعد

إذا وحده فيكم ريلها عليه ديون شو اتسوي ؟؟ هل في طريقة متبعه علماً بأن الراتب ما يكفي لأخر الشهر و ما نلعب فيه كله يروح لأشياء ضرورية ... أبغي مشورتكم و رايكم و الطريقة الي أتبعها عشان أساعد زوجي

ملاحظة انا أشتغل بس راتبنا اثنينتنا الي يصفى لنا 3700 درهم مقسم على بترول السيارة لانه يشتغل فبوظبي و على الشقه الي هو ساكن فيها و على المصروف الاسبوعي و على راتب الخدامه و على مصاريف البيت على الرغم من أن نحن عايشين فغرفه فبيت أهل زوجي

أبي رايكم

المزيد من آخر المواضيع من نفس القسم:

**القمزية** · 2007-03-25, 09:28

ياريت يساعدنج الخوات والله يسهل عليج غناتيه

**بحور المسك** · 2007-03-25, 09:37

الله يسهلها عليكم

ويسد دينكم باسرع وقت

**زهرة السوسن** · 2007-03-25, 09:48

هاي المشلكة الا مب عارفين لها حل والله ان الواحد يتعب طول الشهر والراتب يسير في يومين المشكلة مش بالراتب المشكلة في الغلا الا صاير في البلاد لول الفلوس تكفي وتوفي بس الحين لا تكفي ولا تسوي شي الواحد يدين الين اخر الشهر ... الحل هو يا تزيد الرواتب او يسووون حل حق الغلا الا صاير في البلاد ....

**أم منــصور** · 2007-03-25, 09:52

مشكورين و فنتظار الردود

**أم رفيعة** · 2007-03-25, 10:01

الغاليه شوفي فديتج اقتصدوا قدر ما يمكن لاتسرفون يعني بس احتياجاتكم من اكل وراتب الخدامه واللبس والله يفرج كربج الغاليه

**أم منــصور** · 2007-03-25, 10:14

تسلمين حبيبتي ما تقصرين

**daloo3a** · 2007-03-25, 10:19

الغاليه

أكيد الرواتب ما تكفي...والأسعار دايم في تزايد

لكن حاولي توفرين شوي من الراتب ...

وانشالله الله يفرج همكم

**twinkle** · 2007-03-25, 10:22

ياريت أقدر اساعدج أسمحيلي ما عندي خبره...كل اللي أقدر أسويه أني أدعيلج

اللهم فرج هم أختنا في الله ويسر لها أمرها لما فيه الصلاح لها و فرج هم المهمومين في كل مكان..يارب العالمين ...

دعاء قضاء الدين

اللهم اكفني بحلالك عن حرامك، وأغنني بفضلك عن سواك

اللهم إني أعوذ بك من الهم والحزن، والعجز والكسل، والبخل والجبن وضلع الدين وغلبة الرجال

كان رسول الله صلى الله عليه وسلم يدعو عند الكرب فيقول : (لا إله إلا الله العظيم الحليم، لا إله إلا الله رب العرش العظيم، لا إله إلا الله رب السمـوات ورب الأرض رب العرش الكريم).

واسمحيلي....

**أم منــصور** · 2007-03-25, 10:33

مشكورين والله ما تقصرووون و الله يجعل كل دعاء في ميزان حسناتكم

ياليت لو وحده تكتب لنا الطريقة الي تستخدمها في عملية الأقتصاد يعني شو اتسوي عشان توفر الراتب ؟

**little lulu** · 2007-03-25, 10:35

الغالية بالنسبة للقروض ممكن تكتبين رسالة و اتقدمينها للديوان و الله انا اعرف وايد ناس ما شالله عقو عنهم القروض جربي فديتج مب خسرانه شي

و السموحة

**اناناسة** · 2007-03-25, 11:06

المشاركة الأصلية كتبت بواسطة little lulu

الغالية بالنسبة للقروض ممكن تكتبين رسالة و اتقدمينها للديوان و الله انا اعرف وايد ناس ما شالله عقو عنهم القروض جربي فديتج مب خسرانه شي

و السموحة

انا بعد سامعة حبيبتي

**أم منــصور** · 2007-03-25, 11:11

نحن في رأس الخيمة لو برع ممكن في أمل

مشكورين و الله يكون في عونا بس ابي طريقة مابي اعتمد على حد لاني اعرف ان محد بيسويلنا شي

**Baith** · 2007-03-25, 11:52

الله يعينك اختي انا بروحي ابي اعرف طريقه الله يسهل عليك وييسر امورك

**جـــروح** · 2007-03-25, 11:57

لا تسرفون وتصرفون على اشياء ما لها داعي

خذوا ماجلة البيت وعطوها البشكاره راتبها ومب لازم تشترون لبس كل شهر إلا للضروره

مب لازم تظهرون كل يوم لأن الطلعات والحواطه تخلي الواحد يصرف من دون ما يحس،،، يعني مثلا اذا سرتي السنتر عيبج شي خذتيه،، الصغاريه يواعى خذتي لهم من اقرب مطعم غير بترول السياره

حاولي تدخلين في تجاره بسيطه اذا عندج موهبه مثل رسم اللوحات او طبخج حلو او تعرفين تنقشين بالحنه او تخيطين...الخ

ريلج ساكن في بوظبي ومأجر شقه...... ما يقدر يرد البيت يومياً؟؟؟ ولا كيف؟؟؟ انا اعرف وايدين يشتغلون في ابوظبي ويردون لأهاليهم يومياً لكن اذا هو مضطر هذا شي ثاني ،،، ليش ما يتشارك بالشقه ويا ربيعه يعني الايجار بيقل عليه

ادعي ربج ان يفرج عليكم وعليج بالصدقه عسب الراتب يكون فيه بركه

الموضوع: شو الحل

أدوات الموضوع

عرض

شو الحل

المزيد من آخر المواضيع من نفس القسم:

المواضيع المتشابهه

يا باحثات عن الحل لمشاكلكن تفضلن الحل هني........أن شاء الله.....

بليييز بنات الحل الحل

شو الحل ؟؟شو بنسوي مع هالدوام الطويل ....(بعطيكم الحل )

ما الحل؟؟؟؟ما الحل؟؟؟تعبتني